Athletic-Tenerife eta Levante-Reala, Erregina Kopako final laurdenetan

Ostegun eguerdian Las Rozasen egindako Erregina Koparen final laurdenetako zozketaren arabera, Realak Levante izango du aurkari eta Athleticek, berriz, Tenerife.

Honako hauek dira zozketan erabakitako kanporaketa guztiak:

Athletic - UDG Tenerife

Levante UD - Reala

Bartzelona - Sevilla FC

Atletico Madril - Real Madril

Final laurdenak otsailaren 7ko astean jokatuko dituzte, astean zehar, asteartean edo ostegunean.

Ondoren, finalaurrekoek joaneko eta itzuliko partidak izango dituzte, eta martxoaren 6tik 13ra aurreikusita daude. Azkenik, finala maiatzaren 18an jokatuko dute, baina oraindik ez dute zehaztu non.