Bilbao Basketek hamabi puntuko aldea lortu du joaneko partidan, Tofas Bursaren aurka (84-72)
Surne Bilbao Basketek hamabi puntuko abantaila lortu du Tofas Bursaren aurka jokatzen ari den 2024-25 denboraldiko FIBA Europa Kopako final laurdenetako kanporaketan. Bilboko taldeak 84-72 irabazi du kanporaketa horretako joaneko norgehiagokan, Miribillan, asteazken gauean, eta horrela eskuratu du esandako aldea. Kanporaketa Bursan erabakiko da, Turkian, datorren asteko asteazkenean, itzuliko partidan.
Testuinguru horretan, Bilbao Basketek ezin hobeto ekin dio kanporaketako lehenengo neurketari. Bizkaiko taldeak, lehen laurdenean, hamazazpi puntuz ere ibili da goitik markagailuan, 21-4 gailentzen ari zela. Hain zuzen ere, aurreneko minutuetan, talde bakarra izan da kantxan: euskal taldea, alegia.
Pixkanaka, Tofas Bursa alde hori murrizten hasi da, eta, bigarren laurdeneko azken txanpan, Turkiako taldea lau puntura jarri da, 37-33koan. Kris Bankston ondo zebilen erasoan, eta mina ari zitzaien egiten Ponsarnauren gizonei; Bilbao Basketen entrenatzaileak, nolanahi ere, behar ziren egokitzapenak egin ditu, eta lehen zatiko azken segundoetan Bilboko taldea oso ondo aritu da, eta 7-0ko partziala erdietsi du. Atsedenaldian, Bilbao Basket 47-35 ari zen irabazten, eta Harald Frey zebilen inor baino hobeto saskiratzeetan; izan ere, aurreneko hogei minutuetan 11 puntu sartu ditu.
Norgehiagokak ez du asko aldatu hirugarren laurdenean: Bilbao Basketek kontrolpean zituen jokoa eta emaitza, Tofas Bursa markagailuan hurbiltzen zen, eta Bizkaiko taldeak, berriro ere, aldea handitzea lortzen zuen, hamar bat puntuko abantailak bereganatuta. Azken hamar minutuak hasi direnean, Ponsarnauren gizonak hamabost puntuz ari ziren nagusitzen, 65-50, eta azken zati horretan Bilbao Basketek indarra izan du partidan eskuratutako aldeari eusteko. Amaieran, 84-72; horri esker gertuago du Bilbao Basketek finalerdietarako sailkatzea, baina, dena den, Bilboko taldeak Bursan berretsi beharko du hori, hurrengo asteazkenean.
Fitxa teknikoa
84 - Surne Bilbao Basket (26+21+18+19): Frey (15), Abdur-Rahkman (9), Zoran Dragic (13), De Ridder (14) y Hlinason (1) -hasierako bostekoa-; Pantzar (7), Cazalon (5), Dominguez (5), Sylla (4) eta Jones (11).
72 - Tofas Bursa (14+21+15+22): Alex Perez (9), Marcquise Reed (12), Gecim (5), Saybir (8) y Pasecnicks (4) -hasierako bostekoa-; Trifunovic (7), O'Brien (10), Kris Bankston (14), Cengiz (3), Gauzin eta Berka Demir.
Partzialak: 26-14, 47-35 (atsedenaldia); 65-50 eta 84-72 (amaiera).
Epaileak: Marius Ciulin (Errumania), Sergii Zashchuk (Ukraina) eta Sinisa Prpa (Serbia).
Nabarmetzekoa: 5.146 zale, Miribillan.
Zure interesekoa izan daiteke
Surne Bilbaok luzapenean irauli du Kanaria Handiaren aurkako partida (97-98)
Surne Bilbao Basketek Kanaria Handiari irabazi zion Endesa Ligako 19. jardunaldiari zegokion atzeratutako partidan (97-98), luzapeneko minutuetan partida iraulita.
Surne Bilbaok PAOK menderatu du, lehen postuan sailkatu da, eta Turkiako Petkim Spor izango du aurkari final-laurdenetan
Beltzezko gizonak Salonikara itzuli dira, duela hamar hilabete txapela ekarri zien Greziako hirira, eta puntu bakarreko aldearekin lortu dute garaipena (87-88) azken laurdenean, ia partida osoa markagailuan atzetik egon ondoren.
Surne Bilbaok multzoko lehenengo postua ziurtatu nahi du FIBA Europa Kopan, asteazkenean, Salonikan, PAOKen aurka
Partida 16:30ean hasiko da, eta kirolakeitb.eus-en eta ETB4ren bitartez emanen da, zuzenean. Euskal taldeak garaipena edo 22 puntu baino gutxiagoko aldez galtzea lortzen badu, multzoko lehenengo sailkatua izanen da txapelketaren bigarren fasean.
Surne Bilbao Basketek seigarren garaipena jarraian lortu du Zaragozan 82-84 irabazita
Surne Bilbao Baskete Casademont Zaragozari gailendu zaio larunbat honetan (82-84) eta seigarren partida jarraian irabazi du Endesa Ligan. Partida orekatua jokatu dute bi taldeek eta etxekoek irabazteko aukera izan dute azken momentura arte.
Surne Bilbaok aise menderatu du Prievidza (93-51), eta Salonikan izango du jokoan multzoko lehen postua
Jaume Ponsarnauren taldeak azken zortzi partidak irabazi ditu, FIBA Europa Kopa eta Endesa Liga kontuan izanik. Eslovakiako taldearen aurka, Surne Bilbaok ez du arazorik izan garaipena eskuratzeko.
Surne Bilbaok bolada onari eutsi dio Joventut garaituta (80-76)
Surne Bilbaok Joventut garaitu du Miribillan (80-76), hasieratik amaierara mendean izan duen partidan, eta zazpigarren garaipena jarraian eskuratu du horrela; horietako bost, Endesa Ligan.
Jaume Ponsarnau, Endesa Ligako entrenatzaile onena urtarrilean
Surne Bilbaok lau garaipen jarraian lortu ditu hilabete honetan; horrela, entrenatzailea hoberena izan da.
Surne Bilbaok luzapenean irabazi dio Granadari (84-88)
Surne Bilbaok garaipena lortu du larunbat honetan Granadako Kirol Jauregian (84-88), luzapenean, 11 porrot jarraian jaso dituen Coviranen aurka, Endesa Ligako azken postuan jarraituko duena.
Surne Bilbaok Sporting CP menderatu du Lisboan (72-90), eta FIBA Europe Cupeko final laurdenetarako sailkatu da
Bilboko taldea argi gailendu zaio aurkariari, eta, horrenbestez, txapelketako hurrengo fasean izango da.
Surne Bilbao nagusi izan da Teneriferen aurka Miribillan (95-78)
Surne Bilbaok 95-78 irabazi dio La Laguna Teneriferi larunbat honetan Miribillan, Bilbao Arenako kantxan nagusitasun argia erakutsiz.