Bilbao Basketek hamabi puntuko aldea lortu du joaneko partidan, Tofas Bursaren aurka (84-72)
Surne Bilbao Basketek hamabi puntuko abantaila lortu du Tofas Bursaren aurka jokatzen ari den 2024-25 denboraldiko FIBA Europa Kopako final laurdenetako kanporaketan. Bilboko taldeak 84-72 irabazi du kanporaketa horretako joaneko norgehiagokan, Miribillan, asteazken gauean, eta horrela eskuratu du esandako aldea. Kanporaketa Bursan erabakiko da, Turkian, datorren asteko asteazkenean, itzuliko partidan.
Testuinguru horretan, Bilbao Basketek ezin hobeto ekin dio kanporaketako lehenengo neurketari. Bizkaiko taldeak, lehen laurdenean, hamazazpi puntuz ere ibili da goitik markagailuan, 21-4 gailentzen ari zela. Hain zuzen ere, aurreneko minutuetan, talde bakarra izan da kantxan: euskal taldea, alegia.
Pixkanaka, Tofas Bursa alde hori murrizten hasi da, eta, bigarren laurdeneko azken txanpan, Turkiako taldea lau puntura jarri da, 37-33koan. Kris Bankston ondo zebilen erasoan, eta mina ari zitzaien egiten Ponsarnauren gizonei; Bilbao Basketen entrenatzaileak, nolanahi ere, behar ziren egokitzapenak egin ditu, eta lehen zatiko azken segundoetan Bilboko taldea oso ondo aritu da, eta 7-0ko partziala erdietsi du. Atsedenaldian, Bilbao Basket 47-35 ari zen irabazten, eta Harald Frey zebilen inor baino hobeto saskiratzeetan; izan ere, aurreneko hogei minutuetan 11 puntu sartu ditu.
Norgehiagokak ez du asko aldatu hirugarren laurdenean: Bilbao Basketek kontrolpean zituen jokoa eta emaitza, Tofas Bursa markagailuan hurbiltzen zen, eta Bizkaiko taldeak, berriro ere, aldea handitzea lortzen zuen, hamar bat puntuko abantailak bereganatuta. Azken hamar minutuak hasi direnean, Ponsarnauren gizonak hamabost puntuz ari ziren nagusitzen, 65-50, eta azken zati horretan Bilbao Basketek indarra izan du partidan eskuratutako aldeari eusteko. Amaieran, 84-72; horri esker gertuago du Bilbao Basketek finalerdietarako sailkatzea, baina, dena den, Bilboko taldeak Bursan berretsi beharko du hori, hurrengo asteazkenean.
Fitxa teknikoa
84 - Surne Bilbao Basket (26+21+18+19): Frey (15), Abdur-Rahkman (9), Zoran Dragic (13), De Ridder (14) y Hlinason (1) -hasierako bostekoa-; Pantzar (7), Cazalon (5), Dominguez (5), Sylla (4) eta Jones (11).
72 - Tofas Bursa (14+21+15+22): Alex Perez (9), Marcquise Reed (12), Gecim (5), Saybir (8) y Pasecnicks (4) -hasierako bostekoa-; Trifunovic (7), O'Brien (10), Kris Bankston (14), Cengiz (3), Gauzin eta Berka Demir.
Partzialak: 26-14, 47-35 (atsedenaldia); 65-50 eta 84-72 (amaiera).
Epaileak: Marius Ciulin (Errumania), Sergii Zashchuk (Ukraina) eta Sinisa Prpa (Serbia).
Nabarmetzekoa: 5.146 zale, Miribillan.
Zure interesekoa izan daiteke
Surne Bilbaoko jokalari eta zaleek elkarrekin ospatu dute Szombathelyren aurkako garaipena
Surne Bilbaok 95-88 irabazi dio Szombathelyri Miribillan. Garaipen honekin FIBA Europe Cupeko finala jokatuko dute bigarren urtez jarraian.
Surne Bilbaok bigarren finala jarraian jokatuko du, Miribillan ere Szombathelyri irabazi ondoren (95-88)
Ponsarnauren mutilek aise gainditu dute Hungariako taldea, partida serio batean. Giro hotz samarra izan da Miribillako harmailetan, Europarako finalerdia izan arren. Finalean Greziako PAOK Salonika izango da aurkaria berriro, UCAM Murtzia kanporatu baitu beste finalerdian.
Jaume Ponsarnau, asteazkeneko Surne Bilbao-Szombathely FIBA Europa Kopako partidaz: “Etxean jokatzen dugula aprobetxatu behar dugu”
Asteazkenean, 20:00etatik aurrera, Surne Bilbaok Szombathely taldearen aurka jokatuko du Miribillan. FIBA Europa Kopako finalerdietako itzuliko partida da, eta, hortaz, finalerako txartela jokoan da; Bilboko taldeak 17 puntuko aldea eskuratu zuen joaneko neurketan. EITBk zuzenean emango du partida, kirolakeitb.eus-en eta ETB1ONen.
Surne Bilbaok 90-74 menderatu du Unicaja, play-offetara hurbiltzeko
Surne Bilbaok Endesa Ligako play-offetarako hautagaitza aurkeztu du, Unicajaren aurka garaipen garrantzitsua eskuratuta (90-74). Zortzigarren sailkatuarekin berdinduta kokatu da, 15 garaipenekin, nahiz eta Malagako taldeak baino partida bat gehiago izan jokatuta.
Surne Bilbaok finalerako sailkapena bideratu du, Hungarian Szombathely 81-98 mendean hartuta
Norgehgiagoka hasiera nahiko eskas baten ostean, beltzezko gizonek norabidea zuzendu dute, eta azken hiru laurdenetan nagusi izan dira. Ponsarnauren mutilek 17 puntuko errenta lortu dute Miribillako itzulerako neurketari begira.
Surne Bilbaok FIBA Europe Cupeko finalerako sailkatu nahi du, asteazkenean, Hungrian, Szombathelyren aurka
Partida 18:00etan hasiko da, eta kirolakeitb.eus eta ETB1ON bitartez emanen da, zuzenean.
Ponsarnau, Surne Bilbaorekin 2029ra arte berritu ondoren: “Bilbo nire etxea da, zalantzarik gabe"
"Esaten didate Bilbok mesede egiten didala, ez dakit txuletoiengatik izango ote den", adierazi du Kataluniako prestatzaileak, txantxetan. Ponsarnauk adierazi duenez, proiektuaren jarraipena "aurrerapauso bat ematera" bideratuta dago.
Surne Bilbaok porrot egin du Murtziaren aurka hiruko jaurtiketen ondorioz (100-81)
Surne Bilbaok 100-81eko emaitzarekin galdu du UCAM Murtziaren aurka Endesa Ligako 24. jardunaldian. Aurkariaren defentsako lan ona eta Sito Alonsoren taldeak hirukoetan asmatu ez izana funtsezkoak izan dira partida erabakitzeko.
Surne Bilbaori buruzko dokumentala aurkeztu dute
Gaur arratsaldean estreinatu da Bilboko BBK aretoan. Marc Ramon eta Alejandra Llambres errealizadoreak taldearekin izan ziren Lleidaren aurka jokatu bezperako astean.
Jaworskiren erakustaldiak garaipenera eraman du Surne Bilbao Andorran (98-102)
Surne Bilbaok luzapenean menderatu du Andorra (98-102). Partida lehiatua izan arren, Justin Jaworskiren erakustaldiak (36 puntu) erabaki du neurketa. Etxekoen ahaleginak, Rice eta Besten gidaritzapean, ez du saririk izan, bisitariak nagusitu baitira, luzapenean. Ondorioz, Andorrak jaitsiera postuetan jarraituko du.