Bilbao Basketek porrota jaso du Joventuten aurka eta averagea ere galdu du
RETAbet Bilbao Basketek 84-56 galdu du Divina Seguros Joventut taldearen aurka Endesa Ligan mantentzeko aukari zuzenen arteko partida. Bizkaiko taldea jaitsiera postuetatik at da, baina garaipen bakarrera du jaitsiera postuan dagoen Joventut. Gainera, basket-averagea galdu du Bilboko taldeak Joventutekin. Betis ere jaitsiera postuetan dago, Burgosen aurka galdu baitu, eta Bilbao Basketetik garaipen bakarrera dago. Sevillako taldearekin , ordea, basket-averagea alde du Bilbao Basketek.
Partida oso garrantzitsua izan da bi taldeentzat eta Joventutek hasieratik erakutsi du garaipena nahi zuela. Bilbao Basketek sartu du neurketako lehen saskiraketa (0-2), baina lokartu egin da talde bizkaitarra eta 14-0eko partziala sartu dio etxeko taldeak. Lehen hamar minutuak Joventuten aldeko 14-4ko emaitzarekin bukatu dira.
Bigarren laurdenean okerrera egin du RETAbet Bilbao Basketen jokoak eta Joventut aise nagusitzen hasi da. Etxeko taldeak 16 puntuko errenta eskuratu du (25-9), baita 20 puntukoa ere (35-15). Atsedenaldira iritsi aurretik, pixka bat murriztu du desabantaila Bilbao Basketek (37-24).
Hirugarren laurdenari, 13 puntuko desabantailarekin ekin dio RETAbet taldeak. Talde bizkaitarra 8 puntura gerturatu da hasieran (41-33), baina irudipen bat soilik izan da. Joventutek ikusi du aurkaria gerturatzen ari zela, azeleragailua sakatu du, eta berriro erabat nagusi izan da. Aldeak handitzen hasi da Joventut eta 26 puntuko abantaila lortu du (61-35) azken laurdenari ekiteko.
Garaipena erabakita egon da azken laurdenerako, baina averagea egon da jokoan. RETAbet Bilbao Basketek jipoia jaso du Badalonan. Gainera, Joventutek basket-averagea bere aldekoa izatea lortu du, partida 84-56ko emaitzarekin irabazita.
Fitxa teknikoa:
84 - Divina Seguros Joventut (14+23+24+23): Laprovittola (22), Ventura (2), Conger (8), Gielo (18), Birgander (6) -hasierako bostekoa-, Richard (11), Lopez-Arostegui (6), Kulvietis (2), Jordan (4) eta Dimitrijevic (5)
56 - Retabet Bilbao (4+20+12+20): Tabu (6), Redivo (5), Tomàs (12), Hervelle (9), Gladness (-) -hasierako bostekoa-, Salgado (-), Thomas (4), Mumbrú (14), Rebic (2), Todorovic (1), Hammink (-) eta Bentil (3).
Epaileak: Antonio Conde, Francisco J. Araña eta Raul Zamorano.
Zure interesekoa izan daiteke
Surne Bilbaok garaipen sendoa lortu du Hiopos Lleidaren aurka Miribillan (93-75)
Beltzezko gizonek nagusitasunez irabazi dute, markagailua oso parekatuta joan bada ere, etxekoek oso indartsu amaitu baitute partida.
Surne Bilbaok sendo ekin dio txapelketako bigarren faseari, Sportingi irabazita (94-79)
Jaume Ponsarnauk zuzentzen duen taldea sufritu du partidako hainbat fasetan, baina ia beti aurretik egon da markagailuan. Garaipen garrantzitsua lortu dute beltzezko gizonek.
Surne Bilbaok Sporting CPren aurka hasiko du FIBA Europa Kopako bigarren fasea, asteazkenean, Miribillan
Bigarren faseko lehen partida hau, EITBk zuzenean emanen duena, 18:30ean hasiko da. PAOK Salonika eta Prievidza izanen dira euskal taldearen multzoa osatuko duten taldeak.
Pantzarrek eta Jaworskik gidatu dute Surne Bilbaoren garaipena Kanaria Handiaren aurka (79-72)
Melwin Pantzarrek eta Justin Jaworskik gidatu dute igande honetan Miribillan Surne Bilbaoren garaipena Dreamland Kanaria Handiaren aurka (79-72). Bizkaitarrek datorren Errege Kopan parte hartzeko anbizioa dute.
Greziako PAOK, Eslovakiako Prievidza eta Portugaleko Sporting, Surne Bilbaoren aurkariak, bigarren fasean
Beltzezko gizonek Sporting Portugalen aurka jokatuz ekingo dio FIBA Europa Kopako bigarren itzuliari, abenduaren 10ean, etxean.
Surne Bilbaok Kutaisi jipoitu du Miribillan, eta multzoko buru dabilela, sailkapena lortu du (117-54)
Gainera, beltzezko gizonek klubaren historiako saskiratze-marka berriz hautsi dute.
Surne eta Bilbao Basket, elkarrekin 2031ra arte
Kontratua berrituta, taldearen izena Surne Bilbao izanen da aurrerantzean.
Surne Bilbao Basketek taldeko lehen postua ziurtatu nahi du Kutaisi 2010en aurka
Kutaisiren aurkako norgehiagoka zuzenean izango da ikusgai, 20:00etatik aurrera, bai eitb.eus-en bai ETB4n.
Bilbao Basketek galdu egin du Real Madrilen aurka, lehiakor aritu bada ere (82-70)
Surne Bilbao Basketek gogor egin dio aurre Real Madrili Movistar Arenan, baina azken laurdenean indarrak ahitu zaizkio, eta, azkenean, 82-70 galdu du.
Bilbao Basketek berriz irabazi dio Brnori (115-100), eta multzoko lehen postua lortzeko pauso bakarra behar du
Bilbotarrek aise irabazi diete txekiarrei berriro, baina Brnok bizkaitarrak zertxobait estutu ditu une batzuetan. Surne Bilbao Basketek bere saskiratze marka hautsi du berriro gaurko norgehiagokan.