Aulkiko jokalariek garaipena eman diote Bilbao Basketi
Uxue Bilbao Basketek CB Canarias hartu du mendean, Miribillan (78-70). Bilboko taldearen aulkiak aldea egin du; izan ere, ez ohiko jokalariek neurketa desorekatu dute. Mamadou Samb, Alex Mumbru eta Axel Hevelle (13 puntu eta 24 balorazioa) onenak izan dira.
CB Canariasek Bilbao Basketen erasoko jarioa ederki eten du aurreneko minutuetan, eta markagailuan agindu du. Beltzezko gizonek ongi defendatu dute, baina erasoan ez dira eroso aurkitu.
Gainera, Hamiltonek bi falta azkarregi egin ditu eta Fotis Katsikarisek aldaketa egin behar izan du. Hala ere, Sambek (8 puntu eta 11ko balorazioa) aukera aprobetxatu eta minutu onak jokatu ditu. Horrela, Uxuek markagailuan aurrea hartu du lehen laurdenaren hondarrean (20-19).
Hamiltonek bere egun beltzarekin jarraitu du bigarren laurdenean eta hirugarren falta berehala egin du. Horrela, pibot estatubatuarrak aulkian amaitu du berriro. Baina Sambek (14 puntu eta 21 balorazioa) partida ikusgarria egiten jarraitu du, aulkiko gainerako gizonekin batera (Pilepic eta Moerman).
Mumbruk (15 puntu eta 18 balorazioa) eraso bizkaitarra bideratu du eta markagailuan abantaila lortu dute bilbotarrek (41-28).
Atsedenaldiaren ostean, bilbotarrek abantaila kudeatzen jakin dute. Hamilton esnatu da eta zenbaki hobeagoak lortu ditu, baina zalantza barik, neurketako protagonista Samb izan da. Pibotak minutu gehiago eskatu ditu gaurko partidan.
Azken laurdenean partida osoan egindako lana hondatzeko zorian izan dira beltzezko gizonak. Uxue gehiegi erlaxatu da eta CB Canariasek markagailuan hurbiltzeko aprobetxatu du. Zorionez kanariarrek ez dute markagailua irauli.
Fitxa teknikoa:
78 - Uxue Bilbao Basket (20+21+20+17): Zisis (5), Vasileadis (8), Mumbru (15), Hervelle (13) eta Hamilton (8) -hasierako bostekoa-; Raul Lopez (2), Pilepic (8), Grimau (3), Moerman (2) eta Samb (14).
70 - CB Canarias (19+9+20+22): Uriz (11), Blanco (15), Rost (4), Donaldson (4) eta Sekulic (7) -hasierako bostekoal-; Heras (3), Bivia (2), Richotti (8), Lambropoulos (-), Guillen (12) eta Chagoyen (4).
Zure interesekoa izan daiteke
Surne Bilbaok garaipen sendoa lortu du Hiopos Lleidaren aurka Miribillan (93-75)
Beltzezko gizonek nagusitasunez irabazi dute, markagailua oso parekatuta joan bada ere, etxekoek oso indartsu amaitu baitute partida.
Surne Bilbaok sendo ekin dio txapelketako bigarren faseari, Sportingi irabazita (94-79)
Jaume Ponsarnauk zuzentzen duen taldea sufritu du partidako hainbat fasetan, baina ia beti aurretik egon da markagailuan. Garaipen garrantzitsua lortu dute beltzezko gizonek.
Surne Bilbaok Sporting CPren aurka hasiko du FIBA Europa Kopako bigarren fasea, asteazkenean, Miribillan
Bigarren faseko lehen partida hau, EITBk zuzenean emanen duena, 18:30ean hasiko da. PAOK Salonika eta Prievidza izanen dira euskal taldearen multzoa osatuko duten taldeak.
Pantzarrek eta Jaworskik gidatu dute Surne Bilbaoren garaipena Kanaria Handiaren aurka (79-72)
Melwin Pantzarrek eta Justin Jaworskik gidatu dute igande honetan Miribillan Surne Bilbaoren garaipena Dreamland Kanaria Handiaren aurka (79-72). Bizkaitarrek datorren Errege Kopan parte hartzeko anbizioa dute.
Greziako PAOK, Eslovakiako Prievidza eta Portugaleko Sporting, Surne Bilbaoren aurkariak, bigarren fasean
Beltzezko gizonek Sporting Portugalen aurka jokatuz ekingo dio FIBA Europa Kopako bigarren itzuliari, abenduaren 10ean, etxean.
Surne Bilbaok Kutaisi jipoitu du Miribillan, eta multzoko buru dabilela, sailkapena lortu du (117-54)
Gainera, beltzezko gizonek klubaren historiako saskiratze-marka berriz hautsi dute.
Surne eta Bilbao Basket, elkarrekin 2031ra arte
Kontratua berrituta, taldearen izena Surne Bilbao izanen da aurrerantzean.
Surne Bilbao Basketek taldeko lehen postua ziurtatu nahi du Kutaisi 2010en aurka
Kutaisiren aurkako norgehiagoka zuzenean izango da ikusgai, 20:00etatik aurrera, bai eitb.eus-en bai ETB4n.
Bilbao Basketek galdu egin du Real Madrilen aurka, lehiakor aritu bada ere (82-70)
Surne Bilbao Basketek gogor egin dio aurre Real Madrili Movistar Arenan, baina azken laurdenean indarrak ahitu zaizkio, eta, azkenean, 82-70 galdu du.
Bilbao Basketek berriz irabazi dio Brnori (115-100), eta multzoko lehen postua lortzeko pauso bakarra behar du
Bilbotarrek aise irabazi diete txekiarrei berriro, baina Brnok bizkaitarrak zertxobait estutu ditu une batzuetan. Surne Bilbao Basketek bere saskiratze marka hautsi du berriro gaurko norgehiagokan.