Kosner Baskoniak Bartzelona edo La Laguna Tenerife izango du aurkari Errege Kopako final-laurdenetan
Paolo Galbiatiren taldeak otsailaren 8an jakingo du zehazki zein izango den bere lehenengo aurkaria; hain zuzen ere, Kanaria Handiaren kontra jokatu ondoren. Baskoniak irabaziko balu, La Laguna Teneriferen aurka jokatuko luke; galduko balu, ordea, Bartzelonaren kontra.
Markus Howard eta Dario Brizuela, Kosner Baskoniaren eta Bartzelonaren arteko partida batean, abenduan. Argazkia: Europa Press.
Kosner Baskoniak Bartzelona edo La Laguna Tenerife izango du aurkari 2025-2026 denboraldiko Errege Kopako final-laurdenetan, otsailaren 20an, ostiralez, astelehenean egindako zozketak zehaztu duenez. Paolo Galbiatiren taldeak ez daki oraindik zehazki zein izango duen aurreneko aurkaria Kopan, lehen itzuliko partida bat jokatu gabe baitu; Kanaria Handiaren kantxan jokatuko du neurketa hori Baskoniak, otsailaren 8an, eta norgehiagoka horretako emaitzak zehaztuko du ea Baskonia Kopa honetan zerrendaburu den ala ez, bai eta zein talderen aurka jokatuko duen final-laurdenetan. Hain zuzen, Baskoniak Kanaria Handian irabaziko balu, La Laguna Teneriferen kontra jokatuko luke Kopan; galduko balu, berriz, Bartzelonaren aurka.
Horrenbestez, hauek izango dira Errege Kopako final-laurdenetako kanporaketak:
Otsailaren 19an (osteguna da)
Real Madril-Unicaja
Valentzia Basket-Joventut
Otsailaren 20an (ostirala da)
Bartzelona-UCAM Murtzia edo Kosner Baskonia
Kosner Baskonia edo UCAM Murtzia-La Laguna Tenerife
Finalerdiak honako hauek izango dira:
Otsailaren 21ean, 18:00etan
Real Madril edo Unicaja-Valentzia Basket edo Joventut
Otsailaren 21ean, 21:00etan
Kosner Baskoniak, sailkatzea lortuz gero, finalerdi honetan jokatuko luke
Finala otsailaren 22an jokatuko dute, igandez, 19:00etan
Zure interesekoa izan daiteke
Kenneth Fariedek Baskoniaren barneko jokoa indartuko du
Pibot estatubatuarrak Panathinaikosekin Euroliga jokatu ondoren egingo du bat taldearekin.
Kosner Baskonia berria abian da, jokalarien azterketa medikoekin hasita
Tadas Sedekerskis Baskoniako kapitainak azterketa medikoa egin aurretik adierazi duenez, "oso ohituta daude denboraldi handiak egin dituzten jokalariei agur esatera". "Erronka eta helburu berriak ditugu, eta aurpegi berriak", gaineratu du. Gainera, ohartarazi duenez, ACB liga "gero eta lehiakorragoa" bihurtzen ari da, eta "saskibaloia aldatzen ari da, gero eta fisikoagoa eta atletikoagoa" delako.
Kosner Baskoniak lagunartekoa jokatuko du Leonen Real Madrilen aurka
Irailaren 5ean izango da, Urbano González Escapa I. Memorialaren barruan. Bertan, Elosua Leongo jokalari ohia omenduko da.
Kosner Baskoniaren eta Joventuten arteko Superkopako partida irailaren 19an jokatuko da, 18:00etan
Bigarren finalerdia Valentzia Basketek eta Bartzelonak jokatuko dute, egun berdinean, 21:00etatik aurrera.
Kosner Baskoniak Damion Baugh joko antolatzailea fitxatu du, hurrengo bi denboraldietarako
Baugh, 26 urtekoa eta 1,91 metrokoa bera, Valley Suns taldetik taldetik iritsi da Baskoniara, alegia, G League txapelketatik; liga hori NBArekin lotuta dago.
Galbiati eta Sedekerskis, hunkituta, Gasteizko jaietako txupinazoa bota aurretik
Felix Fernandez Kosner Baskoniaren kirol zuzendaria, Paolo Galbiati entrenatzailea, Tadas Sedekersis kapitaina eta Myriam Pereda klubeko zaleen ordezkaria izan dira Andre Maria Zuriaren jaiei hasiera emateko txupinazoa jaurtitzeko arduradunak.
Xevi Pujolek Kosner Baskonia utziko du, eta Bartzelonaren kirol zuzendaria izango da
Bost denboraldiz Manresaren idazkari teknikoa izan ondoren, kataluniarra Gasteizko taldera iritsi zen joan den denboraldian. Pujolek, alde bakarrez, Baskoniarekin zuen harremana eten du. Litekeena da Gasteizko taldeak erabaki horren aurkako salaketa jartzea.
Kosner Baskoniak etxean eta txapeldunaren kontra ekingo dio Europako bideari
Irailaren 24an izango da neurketa. Horrela, txapelketa kontinentalaren hasiera, iazkoarekin alderatuta, egun batzuk aurreratuko da. Baskoniak lehen lau jardunaldietatik hiru jokatuko ditu Buesan. Real Madrilek urriaren 27an bisitatuko du Gasteiz, eta Bartzelonak, abenduaren 16an.
AJ Lawson eskolta kanadarrak Kosner Baskoniaren perimetroa indartuko du 2028ra arte
Lawsonek 1,98 metroko garaiera eta 26 urte ditu. NBAn 107 partida jokatu ditu Minnesota Timberwolves, Dallas Mavericks eta Toronto Raptors taldeekin. Azken denboraldian G-League eta NBA artean aritu da, kontratu dual batekin.
Baskoniak iragarri du Mamadi Diakitek ez duela klubean jarraituko
Hegal-pibota Dubai Basketball taldean arituko da datorren denboraldian, Gasteizko taldean 76 partida jokatu ondoren.