Kosner Baskoniak 93-108 galdu du Fenerbahceren aurka Buesa Arenan
Turkiako taldeak kanpotik lortutako puntuek Gasteizko taldearen nahiak zapuztu dituzte, etxekoek ezin izan baitiote bisitariei erantzun dueluaren azken fasean 10 puntuko errenta lortu ostean.
Kosner Baskonia vs Fenerbahce. Argazkia: EFE
Fenerbahcek Buesa Arenako magia hautsi du azken 15 minutuetan defentsan jardun den Kosner Baskoniaren aurka. Turkiako taldearen hirukoen zaparradak Gasteizko taldea zigortu du (93-108) Euroligan.
Trantsizioek eta baskoniarren abiadurak argi utzi dute partidaren hasieratik zein joko egin nahi zuen etxeko taldeak, lehen unetik saiatu baita jokaldi bakoitzean aurkariak baino abiadura handiagoa izaten.
Saskiratze truke baten ostean, Wade Baldwin eta Tim Luwawu-Cabarrot agertu dira. Kobi Simmonsen bi saskiraketek etxekoen alde itxi dute lehen laurdena, 28-24.
Hirukoek arnasa eman diote Paolo Galbiatiren taldeari, eta lehen aldea ireki du bigarren erasoan, baina Fenerbahcek azkar erreakzionatu du, eta buelta eman dio partidari, 53-53.
Markus Howard jokoan sartu da, 11 puntu jarraian lortuta, eta berriro lortu du aldea etxeko taldeak, erritmo biziagoan jokatuta (77-67).
Sarunas Jasikeviciusek zuzentzen duen taldeak 5-18ko partziala lortu du, eta aurretik heldu da azken laurdenera, 82-85.
Baskoniak ondo eutsi dio Turkiako taldeari, baina jokaldiak ez ditu nahi bezala burutu, eta Fenerbahcek lehen errenta handia lortu du.
Lau hiruko jarraian sartuta, bisitariek ondo bideratu dute norgehiagoka (87-99) partida amaitzeko bost minutu baino gutxiago falta zirenean. Hortik aurrera, etxeko taldeak besoak jaitsi ditu defentsan, eta aldea handitu egin da (93-108).
Zure interesekoa izan daiteke
Kosner Baskoniak iragarri du Rafa Villarrek ez duela taldean jarraituko
Eskoltak denboraldi bat eman du euskal klubean. 2028ra arteko kontratua zuen, baina ez du jarraituko 2026-2027 denboraldian.
Baskonia-Alaves Taldeak Buesa Arena erosi nahi dio Arabako Foru Aldundiari
Operazioaren epeak eta zenbatekoak ez dituzte jakinarazi, baina Josean Querejeta taldeko presidenteak eta Ramiro Gonzalez ahaldun nagusiak salerosketa gauzatzeko borondate argia azaldu dute.
DJ Stewart, Kosner Baskoniaren lehen fitxaketa
Esloveniako Cedevita Olimpija taldetik dator, eta bi denboraldirako sinatu du.
Forrest, Nowell, Omoruyi, Radzevicius eta Edwardsek ez dute Baskonian jarraituko
Klubak "eskerrak eman dizkie guztiei izan duten konpromisoagatik eta profesionaltasunagatik".
Pablo Pinek entrenatzaile laguntzaile gisa jarraituko du Kosner Baskoniaren aulkian 2027ra arte
Granadako prestatzaileak laguntzaile gisa lur hartu zuen iragan denboraldian, Gasteizen. Baskoniaren hitzetan, lehentasuna izan da "aulkietan eskarmetu handia" duen lantaldeari eustea.
Felix Fernandezek baieztatu egin du Galbiatik eta Spagnolok taldean jarraituko dutela, Forrestek alde egingo duela eta Cabarrotekin negoziatzen ari direla
Bestalde, Bartzelonak Xevi Pujol idazkari teknikoa fitxatzeko agertu duen interesa "lehia bidegabetzat" jo du Kosner Baskoniaren kirol zuzendariak, "unea egokia ez" delakoan, ACB ligako garaikurra lortzeko play-offa jokatu aurretik izan delako.
Kobi Simmonsek Kosner Baskonian jarraituko du 2028ra arte
Joko-antolatzaile estatubatuarrak denboraldi ona egin du, eta Arabako hiriburuan jarraitzeko aukera eman dio horrek. "Gasteizera iritsi zenetik ezin hobeto egokitu da taldera, eta zaleei gau bikainak eskaini dizkie", azaldu du Baskoniak.
Galbiati: “Nire bizitzako denboraldirik zailena izan da"
Paolo Galbiati Kosner Baskoniako entrenatzaileak aitortu duenez, Endesa Ligako play-offetan Asisa Joventuten aurka galdu ostean, bere bizitzako "denboraldirik zailena" izan da.
Kosner Baskonia Asisa Joventut final-laurdenetako play-offeko hirugarren partidaren laburpena (88-96)
Kosner Baskoniak porrot gogorra jaso du Asisa Joventuten aurka igande honetan (88-96), eta Endesa Ligako play-offetatik kanpo geratu da. Ikusi hemen partidaren laburpena.
Kosner Baskoniak berriro galdu du Joventuten aurka, eta play-offetatik at geratu da (88-96)
Paolo Galbiatik zuzentzen duen taldeak ezin izan du etxean agindu, eta bigarren porrotarekin Endesa Ligako play-offetatik kanpo geratu da.