Gironak Europako estreinaldia zapuztu dio Lointek Gernikari
Spar Citylift Gironak zapuztu egin dio Lointek Gernika Bizkaiari Europako bere debuta, bizkaitarrek jipoia jaso baitute Casilla aretoan jokatutako partidan (57-81).
Markagailuak islatu duen azken emaitza bigarren zatiaren ondorioa izan da, non talde katalanak aldageletatik atera eta berehala egin duen alde. Une horretan, bizkaitarrak jabetu dira ez zirela gai lehen zatian erakutsitako borrokatzeko grina berdintzeko.
Mario Lopezenak hasieratik bertatik egin behar izan dio Eric Surisek zuzentzen duen taldearen hasiera onari, 0-8ko partziala sartu baitiete bi minuturen buruan, Nuria Martinezek sartutako bi hirukoren bidez, besteak beste.
Etxekoek, Marina Bas errusiarraren bidez, hurbildu eta Gironakoei eustea lortu dute lehen laurdenean. Hiru puntura gerturatu dira (13-16), baina azkenean bostu puntua izan da tarte horren amaierako aldea (13-18).
Maria Pina eta Ashia Suntherlandek Basekin egin dute bat saskiratze lanetan etxekoen aldetik; Gironaren, berriz, Maria Conde eta Kristina Alminaite lituaniarra nabarmendu dira nahiko parekatua izan den bigarren laurdenean. Baina bisitariak beti aurretik izan dira (20-31, 28-33, 31-39).
Hortxe bukatu da etxekoen erresistentzia ahalmena. Atsedenalditik buelta, Gironak saskiratzeak pilatu ditu bata bestearen atzetik 2-18ko partziala lortuta (33-57), eta, orduantxe amaitu da norgehiagoka.
Katalanek 29 puntuko aldea izatera ere iritsi dira amaierara heltzeko 4:34 falta zirenean (45-74). Dena dela, azkenerako gernikarrek aldea apur bat murriztu ahal izan dute (57-81).
Estatistiken alorrean, etxekoen aldetik Bas (18 puntu, 9 errebote eta 19ko balorazioa) eta Pina (15 eta 10) nabarmendu dira; bisitarien aldetik, ostera, Nuria Martinez (15 eta 15), Colhado (10, 11 eta 14), Evans (12, 5 eta 13).
Fitxa teknikoa:
Lointek Gernika Bizkaia: 57 (13+18+6+20): Ana Gómez, Molina (6), Pina (15), Sutherland (10) eta Bas (18) –hasierako bosteko-; Naiara Díez (1), Lázaro, Devaughn (2), Ariztimuño (5), Alberdi eta Bergara.
Spar Citylift Girona: 81 (18+21+23+19): Nuria Martínez (15), Romeo (7), Mendi (5), Evans (12) eta Colhado (10) -hasierako bosteko-; Buch (5), Conde (4), Traore (13), Alminaite (10), Oma eta Roig.
Epaileak: Fernando Ballester (España), Alessandro Martolini (Italia) eta Michel Glod (Luxemburgo). Ez da kanporaturik egon.
Zure interesekoa izan daiteke
Errege Kopako hamar jokaldi onenak
Amaitu da saskibaloiko Errege Kopa, eta hemen bildu ditugu txapelketako hamar jokaldi onenak. Jokaldi onena Trent Forresten mate bat izan da.
Bartzelona eta UCAM Murtziaren arteko Errege Kopako final-laurdenetako partidaren laburpena
Barçak Sito Alonsoren taldea gainditu du (91-85), eta Errege Kopako finalerdietan sartu da. Bartzelonako taldeak garaipena eskuratu du azken laurden oso sendo baten ostean.
Valentzia Basket finalerdietara igaro da, Joventut gaindituta (95-84)
Etxeko taldeak lortu du finalerdietarako lehen txartela, Joventut 95-84 mendean hartuta. Real Madril izango du aurkari finalerdietan.
Real Madril Valentziaren aurkaria izango da finalerdietan, Unicaja 100-70 mendean hartu ondoren
Real Madril izango da larunbatean Valentzia Basketen aurkaria saskibaloiko Errege Kopako lehen finalerdian, Unicaja Malaga egungo txapeldunari 100-70 irabazi ondoren, Valentziako Roig Arenan jokatutako final-laurdenetako bigarren kanporaketan.
NBAk Los Angeles Lakers taldea saltzea du: Mark Walter enpresariak erosi du 10.000 milioi euroren truke
Frankizia Buss familiaren eskuetan zen 1979tik, ligako ezein taldek egin duena baino denbora gehiago da.
Chauncey Billups entrenatzailea eta Terry Rozier jokalaria atxilotu dituzte, legez kanpoko apustuengatik
Portland Trail Blazers taldeko entrenatzailea eta Miami Heat taldeko jokalaria aske utzi dituzte jada.
Oklahoma City Thunder, NBAko txapeldun
Oklahomako taldeak bereganatu du NBAko eraztuna, Indiana Pacersi Finaletako zazpigarren eta azken partida irabazita (103-91).
AEB munduko beste taldeekin neurtuko da NBAko All Star txapelketan
Adam Silverrek, NBAren mandatariak, asteazken honetan aurreratu duenez, 2026ko All Star txapelketak aldaketak dakartza, izan ere, Estatu Batuetako taldea munduko beste taldeen aurka ariko da nor baino nor gehiago.
NBAk Europan liga bat sortzea aztertuko du FIBArekin
FIBAk eta NBAk proiektu bateratu bat iragarri dute Europako liga bat garatzeko, oraingoz zehaztapen askorik gabe, baina kontinentean saskibaloia iraultzea eragingo luke eta Euroligari erronka handia joko lioke.
Boston Celtics 6.100 milioi dolarren truke erosi dute, AEBn inoizko zenbatekorik handiena ordainduta
Bill Chisholm enpresariak akordioa itxi du Grousbeck familiarekin, alegia, frankiziaren jabeekin, horretako gehiengoaren partizipazioa erosteko.