Bam Adebayok Kobe Bryanten marka gainditu du, partida batean 83 puntu saskiratuta
Miami Heateko pibotak historia egin du NBAn, Washington Wizardsen aurkako garaipenean, neurketa batean saskiratze gehien lortu dituen bigarren jokalaria delako, Wilt Chamberlainen atzetik.
Bam Adebayo Miami Heateko pibotak 83 puntu saskiratu zituen astearte honetan, Washington Wizardsen aurka lortutako 150-129ko garaipenean. Horrenbestez, historiako bigarren marka onena eskuratu zuen, Kobe Bryanten 81 puntuak gaindituta.
Adebayok 28 urte ditu eta bederatzigarren denboraldia du Miami Heat taldearekin. 2006an Bryantek Toronto Raptorsen aurka egindako marka estratosferikoa atzean utzi du; orain, Wilt Chamberlain mitikoa baino ez du aurretik. 1962an 100 saskiratu zituen Philadelphiarekin New York Knicksen aurka. 20 puntu egin zituen jaurtiketetan, zazpi hirukoetan eta 36, jaurtiketa libreetan. 41 minutu eta 49 segundo jokatu zituen.
Adebayok adierazi zuenez, atsedenaldian 43 puntu zeramatzala ikusi zuen balentria hori posible izan zitekeela. Heat 76-62 irabazten ari zen lehen zatian. Garaipena ez zegoen zalantzan atsedenaldiaren ostean. Adebayok beste 19 puntu lortu zituen orduan.
Ondoren, 16 jaurtiketa libre izan zituen, horietako hamalau saskiratuta. Hiruko bat ere igo zuen markagailura.
Zure interesekoa izan daiteke
Chicago Bulls taldeak Tiago Splitter Baskoniako jokalari ohia fitxatu du, eta entrenatzaile ibiliko da taldean
Splitterrek, 41 urtekoa bera, Portland Trail Blazers taldea zuzendu zuen, behin-behineko entrenatzaile gisa, 2025-2026 denboraldian, eta taldea play-offetan sartzea lortu zuen. Jokalari ohi brasildarrak, Bulls taldean, Billy Donovan ordezkatuko du karguan.
New York Knicks 53 urte geroago nagusitu da NBAn
New Yorkeko taldeak 90-94 garaitu du San Antonio Spurs partida parekatu batean. Hala, 4-1ko emaitzarekin irabazi du finala.
Wembanyamak beste marka bat hautsi du, play-offetako partida bakar batean 12 tapoi jarrita
Minnesota Timberwolves taldeak San Antonio Spurs garaitu du 102-104 emaitzarekin finalerdietako lehen neurketan. Pibot frantziarrak Mark Eaton, Hakeem Olajuwon eta Andrew Bynumek partekatzen zuten errekorra hautsi du, hamarna tapoirekin.
BBK Bidaideak saskibaloi-taldeak brontzea lortu du gurpildun aulkiko Eurokopan
Bilboko taldeak Dinamo Sassari garaitu zuen, 63-75, hirugarren postua lortzeko finalean.
Valentzia Basketek Hozono Global Jairis garaitu du finalean (70-65), eta bigarrenez irabazi du Erreginaren Kopa
Igandean, Tarragonan, Kopako azkeneko bi edizioetako txapeldunak nor baino nor gehiago lehiatu ziren finalean, 2024an lortutako garaipena errepikatzea lortu du Valentzia Basketek.
Errege Kopako hamar jokaldi onenak
Amaitu da saskibaloiko Errege Kopa, eta hemen bildu ditugu txapelketako hamar jokaldi onenak. Jokaldi onena Trent Forresten mate bat izan da.
Bartzelona eta UCAM Murtziaren arteko Errege Kopako final-laurdenetako partidaren laburpena
Barçak Sito Alonsoren taldea gainditu du (91-85), eta Errege Kopako finalerdietan sartu da. Bartzelonako taldeak garaipena eskuratu du azken laurden oso sendo baten ostean.
Valentzia Basket finalerdietara igaro da, Joventut gaindituta (95-84)
Etxeko taldeak lortu du finalerdietarako lehen txartela, Joventut 95-84 mendean hartuta. Real Madril izango du aurkari finalerdietan.
Real Madril Valentziaren aurkaria izango da finalerdietan, Unicaja 100-70 mendean hartu ondoren
Real Madril izango da larunbatean Valentzia Basketen aurkaria saskibaloiko Errege Kopako lehen finalerdian, Unicaja Malaga egungo txapeldunari 100-70 irabazi ondoren, Valentziako Roig Arenan jokatutako final-laurdenetako bigarren kanporaketan.