Brizuelak eta Lopez-Arosteguik agur esan diete Olinpiar Jokoei, Kanadaren aurka porrot eginda
Dario Brizuela eta Xabier Lopez-Arostegui euskal jokalariek agur esan diete Parisko 2024ko Olinpiar Jokoei, Espainiako selekzioarekin porrot egin baitute Kanadaren kontrako partidan, 88-85eko emaitzarekin.
Lehen laurdena parekatua izan da, eta horren erakusgarri da estreinako hamar minutuen amaieran markagailuak islatutako emaitza: 19-19. Bigarren laurdenaren hasieran ere, parekotasuna izan da nagusi, baina atsedenaldira heldu aurreko minutuetan Kanada zuloa irekitzen hasi da, eta lehia kanadarren aldeko 49-38ko emaitzarekin iritsi da atsedenaldira.
Atsedenaldiaren ostean, Espainiak hobetu egin du jokoa. Hala ere, Kanadak ondo eutsi dio lehen zatian lortutako errentari, eta zortzi puntuko abantailarekin heldu da azken laurdenera (64-56). Gainera, azken laurdenean, Espainiak estutasunetan jarri du Kanada, baina amerikarrei ez die ihes egin garaipenak. Azkenean, Kanadaren aldeko 88-85eko emaitzarekin amaitu da neurketa, eta, ondorioz, Espainia Olinpiar Jokoetatik at geratu da.
Fitxa teknikoa:
Kanada: Gilgeous-Alexander (20), Dort (-), Barrett (16), Brooks (13) eta Powell (9) --hasierako taldea--; Murray (4), Alexander-Walker (1), Lyles (3), Ejim (-), Olynyk (2), Nembhard (18), Birch (2).
Espainia: Brown (4), Abrines (12), Lopez-Arostegui (2), Aldama (7) eta Willy Hernangomez (10) --hasierako taldea--; Llull (13), Juancho Hernangomez (8), Brizuela (17), Diaz (-), Garuba (2), Pradilla (10), Rudy Fernandez (-).
Partzialak: 19-19, 30-19, 15-18, 24-29.
Epaileak: Zurapovic, Anaya eta Salins. Lorenzo Brown kanporatu dute bost falta egin dituelako.
Zure interesekoa izan daiteke
Araskik Julieta Mungo eta Mireia Sanz aurkeztu ditu
Araskik berebi fitxaketa berriak aurkeztu ditu: Julieta Mungo eta Mireia Sanz. Mungo Ardoitik heldu da Gasteizera eta denboraldi baterako sinatu du. Sanz, bere aldetik, 19 urteko eta etorkizun handiko jokalaria da eta 2028ra arte sinatu du. (Bideoa, gazteleraz)
Manex Ansorregi, bere aurkezpenean: “Nire helburua egunero lan egitea eta hobetzea da”
Gaur aurkeztu du Surne Bilbaok Manex Ansorregi. Azkoitiko jokalaria Gipuzkoa Basketetik iritsi da Surne Bilbaora, eta aurten debutatuko du Endesa Ligan.
Kutxabank Araskik Aleksandra Stanacev eta Kristina Racovic aurkeztu ditu
Kutxabank Araskik bi jokalari aurkeztu ditu: Aleksandra Stanacev joko-antolatzailea eta Kristina Racovic hegal-pibota. Endesa ligan jokatutakoak dira Serbiako eta Montenegroko jokalariak.
A.J. Lawson hegalekoa aurkeztu du Baskoniak
A.J. Lawson hegalekoaren aurkezpen ofiziala egin du Baskoniak. NBAn esperientzia du kanadarrak, eta talde arabarrari “erasoan zein defentsan laguntzeko” iritsi dela adierazi du ekitaldian.
Khalifa Diopek Kosner Baskonia utzi du, eta Cleveland Cavaliers taldean arituko da
Pibot senegaldarrak hiru denboraldi eman ditu euskal taldean, eta, guztira, 138 partidatan kantxaratu da, Endesa Liga eta Euroligako norgehiagokak kontuan izanik. Errege Kopa bat irabazi du, 2026koa.
EITBk Endesa Ligako partidak emango ditu hurrengo bi denboraldietan
Denboraldi bakoitzean, hamar neurketa emango ditu, eta Kosner Baskonia eta Surne Bilbao izango dira protagonista horietan. 2026-2027 denboraldian, gainera, bi euskal taldeek azaroaren 22an jokatuko duten partida ere ikusgai izango da. EITBk telebistako bere kateetan eta kirolakeitb.eus Kiroletako bere atarian emango ditu.
Azu Muguruza: “Identitatea sortzeko unea da, taldearen DNA”
Taldeko zazpi jokalari mantentzen dituzten arren, Mirai Euskotrenek ez du ondo hasi 2026-27 denboraldia. Azu Muguruza entrenatzaileak adierazi duenez, "nortasuna sortzeko unea da". (Bideoa gazteleraz)
Lara McSpadden pibot australiarrak Inversus Gernikan jokatuko du
27 urteko jokalaria 1,94 metro luze da, eta bere herrialdeko ligako Sydney Flames taldetik dator.
Bassala Bagayokok ez du Surne Bilbaon jarraituko
2028ra arte kontratua izan arren, bi aldeak ados jarri dira lotura hausteko. Maliko pibotak Texas Tech taldean jokatuko du, AEBetako unibertsitate ligan.
Ponsarnau: “Klubaren hazkundeari eusteko gogor egin beharko dugu lan”
Surne Bilbao Basketek denboraldiaurreko lehen entrenamendua buru du. Aurten, Europa mailan koska bat igo eta Txapeldunen Ligan jokatuko du (BCL). “Hazkunde horren parte” izan nahi dutela azaldu du Harald Frey jokalariak, baina horretarako, gogor egin beharko dute lan.