Bilbao Basketek bereganatu du derbia, eta oso egoera larrian utzi du Acunsa (81-80)
RETAbet Bilbao Basket izan da garaile Acunsa GBCren aurka (81-80) Endesa Ligako 18. jardunaldian, jaitsiera saihesteko borrokan murgilduta dauden bi euskal taldeen arteko derbian. Gainera, partida galtzea ez da izan gipuzkoarrek izan duten albiste txar bakarra, Jaime Echenique pibot kolonbiarra lesionatu egin baita.
Bi taldeek argi utzi dute zergatik dauden Endesa Ligako sailkapenaren behealdean; izan ere, etxekoek behin baino gehiagotan xahutu dituzte markagailuan bereganatutako abantaila onak eta donostiarrek, bere aldetik, hiru jaurtiketa galdu dituzte alferrik azken jokaldian partida irabazteko.
Lehenik Johnny Dee izan da bere urruneko saiakera huts egin duena; ondoren, Jan Spanek saskiaren burdinaren aurka jaurti du, Julen Olaizolaren erasoko errebotearen ondoren, eta, azkenik Dino Radoncic izan da, denboraren premiak behartuta, eskuetan erori zaion beste errebote bat ahal izan duen bezala jaurti duena, baina eraginkortasunik gabe.
Akats horiek erabakigarriak bihurtu dituzte Jonathan Roussellek bere azken sei jaurtiketa libreetatik erdietsi dituen hirurak, GBCk 78-80 aurreratu ostean.
Frantziako antolatzailea, hala ere, Alex Mumbruren taldeko jokalaririk nabarmenena izan da (17 puntu, 10 asistentzia, 9 falta jaso eta 27 puntuko balorazioa). Harekin batera, Arnoldas Kulbokak (16 puntu eta 20ko balorazioa) eta Jaylon Brownek (16 puntu) ere ekarpen ona egin dute bilbotarrentzat.
Marcelo Nicola argentinarraren taldean onenak Radoncic (13, 12 errebote eta 23ko balorazioa) eta Dee (24 puntu eta 17ko balorazioa) izan dira. Echenique ere (13 puntu, 6 errebote eta 16ko balorazioa) partida ona egiten ari zen, lesionatuta alde egin behar izan duen arte, negarrez.
Garaipen honekin, Bilbao Basket lau garaipenekin kokatu da, beste zenbait talderekin berdinduta, nahiz eta oraindik azken-aurrekoa izan. Gipuzkoa Bazket, aldiz, azken postuan geratu da, bi garaipenekin besterik ez.
Fitxa teknikoa:
81 - RETAbet Bilbao Basket (16+22+58+23): Rousselle (17), Brown (16), Zyskowski, Kulboka (16) eta Dos Anjos (6) –hasierako bostekoa–; Jenkins (10), Reyes (2), Miniotas (4), Huskic (6), Aminu (4) eta Kljajic.
80 - Acunsa GBC (15+17+20+28): Faggiano (6), Dee (24), Oroz (2), Radoncic (13) eta Echenique (13) –hasierako bostekoa–; Span (5), Pere Tomàs (14), Francis, Magarty, Okouo (3) eta Olaizola.
Partzialak: 16-15, 38-32 (atsedenaldia); 58-52 eta 81-80 (amaiera)
Epaileak: Miguel Ángel Pérez, Francisco Araña eta Joaquín García. Ez dute inor kanporatu.
Zure interesekoa izan daiteke
Araskik Julieta Mungo eta Mireia Sanz aurkeztu ditu
Araskik berebi fitxaketa berriak aurkeztu ditu: Julieta Mungo eta Mireia Sanz. Mungo Ardoitik heldu da Gasteizera eta denboraldi baterako sinatu du. Sanz, bere aldetik, 19 urteko eta etorkizun handiko jokalaria da eta 2028ra arte sinatu du. (Bideoa, gazteleraz)
Manex Ansorregi, bere aurkezpenean: “Nire helburua egunero lan egitea eta hobetzea da”
Gaur aurkeztu du Surne Bilbaok Manex Ansorregi. Azkoitiko jokalaria Gipuzkoa Basketetik iritsi da Surne Bilbaora, eta aurten debutatuko du Endesa Ligan.
Kutxabank Araskik Aleksandra Stanacev eta Kristina Racovic aurkeztu ditu
Kutxabank Araskik bi jokalari aurkeztu ditu: Aleksandra Stanacev joko-antolatzailea eta Kristina Racovic hegal-pibota. Endesa ligan jokatutakoak dira Serbiako eta Montenegroko jokalariak.
A.J. Lawson hegalekoa aurkeztu du Baskoniak
A.J. Lawson hegalekoaren aurkezpen ofiziala egin du Baskoniak. NBAn esperientzia du kanadarrak, eta talde arabarrari “erasoan zein defentsan laguntzeko” iritsi dela adierazi du ekitaldian.
Khalifa Diopek Kosner Baskonia utzi du, eta Cleveland Cavaliers taldean arituko da
Pibot senegaldarrak hiru denboraldi eman ditu euskal taldean, eta, guztira, 138 partidatan kantxaratu da, Endesa Liga eta Euroligako norgehiagokak kontuan izanik. Errege Kopa bat irabazi du, 2026koa.
EITBk Endesa Ligako partidak emango ditu hurrengo bi denboraldietan
Denboraldi bakoitzean, hamar neurketa emango ditu, eta Kosner Baskonia eta Surne Bilbao izango dira protagonista horietan. 2026-2027 denboraldian, gainera, bi euskal taldeek azaroaren 22an jokatuko duten partida ere ikusgai izango da. EITBk telebistako bere kateetan eta kirolakeitb.eus Kiroletako bere atarian emango ditu.
Azu Muguruza: “Identitatea sortzeko unea da, taldearen DNA”
Taldeko zazpi jokalari mantentzen dituzten arren, Mirai Euskotrenek ez du ondo hasi 2026-27 denboraldia. Azu Muguruza entrenatzaileak adierazi duenez, "nortasuna sortzeko unea da". (Bideoa gazteleraz)
Lara McSpadden pibot australiarrak Inversus Gernikan jokatuko du
27 urteko jokalaria 1,94 metro luze da, eta bere herrialdeko ligako Sydney Flames taldetik dator.
Bassala Bagayokok ez du Surne Bilbaon jarraituko
2028ra arte kontratua izan arren, bi aldeak ados jarri dira lotura hausteko. Maliko pibotak Texas Tech taldean jokatuko du, AEBetako unibertsitate ligan.
Ponsarnau: “Klubaren hazkundeari eusteko gogor egin beharko dugu lan”
Surne Bilbao Basketek denboraldiaurreko lehen entrenamendua buru du. Aurten, Europa mailan koska bat igo eta Txapeldunen Ligan jokatuko du (BCL). “Hazkunde horren parte” izan nahi dutela azaldu du Harald Frey jokalariak, baina horretarako, gogor egin beharko dute lan.