Gipuzkoa Basketek ezin izan dio mailari eutsi, Real Madrilen aurka galdu ondoren
Gipuzkoa Basketek galdu egin du Real Madrilen aurka Illunben, Endesa Ligako azken jardunaldian. Hortaz, aurreko emaitzen ondorioz eta jardunaldi erabakigarri honetan lortutako porrota dela eta, talde gipuzkoarrak ezin izan dio mailari eutsi, eta adio egin dio Lehen Mailari.
Etxekoek aurrea hartu dute hasieran, kantxan Bobrov, Perez, Zeislof, Nevels eta Burjanadze zirela, eta ez dute edonola egin, Zeisloften hiruko batekin abiatu baitute partida. Real Madrilek, ordea, bere nagusitasuna erakutsi du ondoren, eta 21-24 bukatu du lehen zatia.
Gipuzkoa Basketek aldea gehiegi ez handitzea zuen helburu, mailari eusteko aukera izaten jarraitzeko. Beraz, biak ala biak aritu dira berea defendatu nahian, eta, azkenik, 37-48 bukatu dute bigarren zatia.
Atsedenaldiaren ostean, Sergio Valdeolmillosen taldeak estutu egin du, Endesa Ligako taldea izaten jarraitzeko, baina Real Madrilek ez dizkio gauzak batere erraz jarri, eta hirugarren laurdenean ere eutsi dio aldeari (63-73ko emaitzarekin bukatu da).
Azken eta laugarren laurdenean, tamalez, ez da bestelako ezusterik izan. Aldeak bere horretan jarraitu du, eta Gipuzkoa Basketek borrokan jarraitu du, baina aurkaririk gogorrena zuen aurrean mailari eusteko irabazi behar zuen azken partida horretan. 76-95eko emaitzarekin bukatu da partida.
Fitxa teknikoa:
76.- Delteco Gipuzkoa Basket: Rebec (10), Nevells (10), Dani Perez (2), Burjanadze (13), Barro (3), Zeisloft (13), Sekulik (12), Vobrov (4), Van Lacke, Corbacho (3), Maiza eta Salvo (6).
95.- Real Madril: Campazzo (12), Taylor (10), Rudy Fernandez, Randolph (15), Tavares (2), Llull (2), Ayllon (14), Deck (5), Thompkins (3), Causeur (18), Felipe Reyes (9) eta Carroll (5).
Zure interesekoa izan daiteke
Kosner Baskoniak sendo jarraitzen du Virtusi irabazita (72-82)
Gasteizko taldeak bigarren garaipena lortu du etxetik kanpo, minutu askotan nagusi izan den partidan.
Surne Bilbaoko jokalari eta zaleek elkarrekin ospatu dute Szombathelyren aurkako garaipena
Surne Bilbaok 95-88 irabazi dio Szombathelyri Miribillan. Garaipen honekin FIBA Europe Cupeko finala jokatuko dute bigarren urtez jarraian.
Surne Bilbaok bigarren finala jarraian jokatuko du, Miribillan ere Szombathelyri irabazi ondoren (95-88)
Ponsarnauren mutilek aise gainditu dute Hungariako taldea, partida serio batean. Giro hotz samarra izan da Miribillako harmailetan, Europarako finalerdia izan arren. Finalean Greziako PAOK Salonika izango da aurkaria berriro, UCAM Murtzia kanporatu baitu beste finalerdian.
Lointek Gernikak IDK Euskotren menderatu du Gascan, derbian, luzapenean (72-73)
Hala, Lucas Fernandezen taldeak Endesa Ligan jarraitzeko aurrerapauso ia erabakigarria eman du; Azu Muguruzaren taldea, ordea, ezin izan da play-offeko postuetara gerturatu. Gainera, Araskik balio handiko garaipena eskuratu du Perfumerias Avenidaren kantxan (68-72).
Kosner Baskoniak Makabiri irabazi dio, ateak itxita (101-98)
Baskoniarrek hirugarren laurden bikaina egin dute, eta partidan funtsezkoa izan den 40-19ko partziala sartu diote Israelgo taldeari.
Jaume Ponsarnau, asteazkeneko Surne Bilbao-Szombathely FIBA Europa Kopako partidaz: “Etxean jokatzen dugula aprobetxatu behar dugu”
Asteazkenean, 20:00etatik aurrera, Surne Bilbaok Szombathely taldearen aurka jokatuko du Miribillan. FIBA Europa Kopako finalerdietako itzuliko partida da, eta, hortaz, finalerako txartela jokoan da; Bilboko taldeak 17 puntuko aldea eskuratu zuen joaneko neurketan. EITBk zuzenean emango du partida, kirolakeitb.eus-en eta ETB1ONen.
Baskoniak laugarren garaipena jarraian lortu du Ligan, Baxi Manresa menderatuta (83-88)
Kosner Baskoniak bolada onean jarraitzen du, laugarren garaipena jarraian lortu baitu Endesa Ligan. Gasteizko taldeak Baxi Manresa garaitu du Nou Congosten, 83-88. 2-11ko partzialak eta Timothe Luwawu-Cabarrotek (27 puntu) eta Trent Forrestek (20 puntu) egindako lanak Baskoniaren alde jarri dute partida. Arabako taldeak 18 partida irabazi eta 7 galdu ditu orain arte.
Surne Bilbaok 90-74 menderatu du Unicaja, play-offetara hurbiltzeko
Surne Bilbaok Endesa Ligako play-offetarako hautagaitza aurkeztu du, Unicajaren aurka garaipen garrantzitsua eskuratuta (90-74). Zortzigarren sailkatuarekin berdinduta kokatu da, 15 garaipenekin, nahiz eta Malagako taldeak baino partida bat gehiago izan jokatuta.
Lointek Gernikaren garaipena eta Kutxabank Araskiren eta IDK Euskotrenen porrotak 26. jardunaldian
Bizkaiko taldea izan da puntuak lortu dituen bakarra, eta Araskik jaitsiera postuetan jarraitzen du.
Baskoniak berriro irabazi dio Real Madrili (98-96)
Gasteizko taldeak bere izaera berreskuratu du eta zuriak kolpatu ditu, duela bi hilabete Errege Kopako finalean bezala.