Baskoniak irabazi egin dio Gipuzkoa Basketi ACBko euskal derbian (77-87)
Kirolbet Baskoniak garaipena lortu du Illunben, Delteco Gipuzkoa Basketi 77-87 irabazi ostean, hirugarren laurden on bati esker.
Nahiz eta azken bi hilabeteetan donostiarrak errendimendu aparta ematen ari diren, neurketaren aurretik talde gasteiztarra zen faborito garbia, eta pronostikoak bete dituzte. Bisitariek hasieratik ekin diote markagailuan agintzeari, etxekoak defentsa-lanetan gogor ahalegindu badira ere.
Baskoniako dorreek min egin diete gipuzkoarren eraso-ahaleginei; hala ere, Dani Perezen hiruko batek bi puntura jarri ditu etxekoak hasierako minutuetan (9-11). Beste aldean, Shengelia bere taldetik tiratu nahian zebilen, markagailuan alde egiteko asmoz, baina lortu gabe.
Bigarren laurdena antzera igaro da: Baskonia aurretik zebilen, baina erabateko nagusitasunik gabe. Etxekoen aldetik, Zeisloft bero ibili da saskira begira (24 puntu guztira eta 24ko balorazioa), eta bere puntu horiek direla-eta Baskoniak ez du lortu neurketa hausterik (28-32).
Aitzitik, Deltecori asko zaildu zaio lehia Barrok, GBCren jokalaririk garaienak, hirugarren falta pertsonala egin duenean. Horrek Baskoniaren pibotak eroso senti zitezela eragin du, eta ederto aprobetxatu dute atsedenaldira heldu baino lehen (39-45).
Bigarren zatiaren hastapenarekin batera, neurketak bisitarien aldeko joera nabarmena hartu du, Baskoniak bere ahalmen guztia azaldu baitu Porierren eta Shengeliaren gidaritzapean (+13). Horrek alarma guztiak piztu ditu Sergio Valdeolmillosen aulkian.
Alabaina, Deltecok ez du erantzunik emateko gaitasunik azaldu, saskiarekin haserretuta ibili baita tarte horretan, eta laurdenaren amaieran Velimir Perasovicen taldeak 18 puntuko aldea zeukan (52-70).
Hartara, azken laurdenerako dena erabakita zegoen, eta talde biek lasai antzera bukatu dute neurketa.
Gaurko norgehiagoka galdu eta gero, Delteco jaitsiera postuetara itzuli da, nahiz eta bere aurretik dauden Movistar Estudiantesek eta UCAM Murtziak adina garaipen dituen (10)
Fitxa teknikoa:
77 - Delteco Gipuzkoa Basket: Rebec (5), Nevells (8), Dani Perez (6), Burjanadze (8) eta Barro (9) –hasierako bostekoa– Zeisloft (24), Sekulic (8), Vobrov (8), Van Lacke, Corbacho, Maiza eta Salvo (2).
87 - Kirolbet Baskonia: Vildoza (14), Garino (4), Shields (21), Shengelia (13) eta Voigtmann (4) –hasierako bostekoa– Gonzalez, Sedekerskis (3), Diop (4), Poirier (11), Jones eta Hiliard (13).
Epailea: Garcia Gonzalez, Araña eta Mendoza.
Laurden bakoitzeko emaitza: 20-22; 39-45 –atsedenaldia– 52-70; 77-87.
Zure interesekoa izan daiteke
Surne Bilbaok Bastien Vautier aurkeztu du: “Dibertigarria izango da Miribillan jokatzea, atsegina”
Bilboko taldeak, asteartean, 2026-2027 denboraldirako egin dituen fitxaketako bat aurkeztu du. Jokalari frantziarrak adierazi duenez, erraza egin zaio Bilboko klubean bertakotzea.
Gedna Capel: “Defentsan ekarpen handia egin dezaket”
Mirai Euskotrenek Gedna Capel aurkeztu du Donostian. Kataluniako hegal-pibota Azul Marino Mallorcatik dator, urtebeterako. Kataluniarra pozik dago klubak berarengan jarri duen konfiantzarekin eta "defentsan eta erreboteetan ekarpen handia" egin dezakeela adierazi du. (Bideoa gazteleraz)
Araskik Julieta Mungo eta Mireia Sanz aurkeztu ditu
Araskik berebi fitxaketa berriak aurkeztu ditu: Julieta Mungo eta Mireia Sanz. Mungo Ardoitik heldu da Gasteizera eta denboraldi baterako sinatu du. Sanz, bere aldetik, 19 urteko eta etorkizun handiko jokalaria da eta 2028ra arte sinatu du. (Bideoa, gazteleraz)
Manex Ansorregi, bere aurkezpenean: “Nire helburua egunero lan egitea eta hobetzea da”
Gaur aurkeztu du Surne Bilbaok Manex Ansorregi. Azkoitiko jokalaria Gipuzkoa Basketetik iritsi da Surne Bilbaora, eta aurten debutatuko du Endesa Ligan.
Kutxabank Araskik Aleksandra Stanacev eta Kristina Racovic aurkeztu ditu
Kutxabank Araskik bi jokalari aurkeztu ditu: Aleksandra Stanacev joko-antolatzailea eta Kristina Racovic hegal-pibota. Endesa ligan jokatutakoak dira Serbiako eta Montenegroko jokalariak.
A.J. Lawson hegalekoa aurkeztu du Baskoniak
A.J. Lawson hegalekoaren aurkezpen ofiziala egin du Baskoniak. NBAn esperientzia du kanadarrak, eta talde arabarrari “erasoan zein defentsan laguntzeko” iritsi dela adierazi du ekitaldian.
Khalifa Diopek Kosner Baskonia utzi du, eta Cleveland Cavaliers taldean arituko da
Pibot senegaldarrak hiru denboraldi eman ditu euskal taldean, eta, guztira, 138 partidatan kantxaratu da, Endesa Liga eta Euroligako norgehiagokak kontuan izanik. Errege Kopa bat irabazi du, 2026koa.
EITBk Endesa Ligako partidak emango ditu hurrengo bi denboraldietan
Denboraldi bakoitzean, hamar neurketa emango ditu, eta Kosner Baskonia eta Surne Bilbao izango dira protagonista horietan. 2026-2027 denboraldian, gainera, bi euskal taldeek azaroaren 22an jokatuko duten partida ere ikusgai izango da. EITBk telebistako bere kateetan eta kirolakeitb.eus Kiroletako bere atarian emango ditu.
Azu Muguruza: “Identitatea sortzeko unea da, taldearen DNA”
Taldeko zazpi jokalari mantentzen dituzten arren, Mirai Euskotrenek ez du ondo hasi 2026-27 denboraldia. Azu Muguruza entrenatzaileak adierazi duenez, "nortasuna sortzeko unea da". (Bideoa gazteleraz)
Lara McSpadden pibot australiarrak Inversus Gernikan jokatuko du
27 urteko jokalaria 1,94 metro luze da, eta bere herrialdeko ligako Sydney Flames taldetik dator.