Gipuzkoa Basketek Joventuti irabazi dio eta salbazioarekin amesten jarraitzen du
Delteco GBC taldeak 89-86ko emaitzarekin irabazi dio Divina Seguros Joventuti, Endesa Ligako 28. jardunaldiari dagokion norgehiagoka. Ondorioz, talde gipuzkoarrak aurrerapausoa eman du salbazioa lortzeko lehian.
Orain, sailkapenean berdinduta dago UCAM Murtziarekin (16. postuan). Dena den, Murtziako taldeek jokatzeke dute jardunaldi honi dagokion partida, Real Madrilen kontra. Albiste txarra da GBCrentzat Cafes Candelas Breoganek irabazi egin diola Unicajari, eta talde galiziarrak garaipen bateko aldea du talde gipuzkoarrarekiko.
Parekatua izan da lehen laurdena. Bi taldeei kosta egin zaie neurketa haustea. Bosgarren minutura iritsi aurretik, ordea, talde kataluniarrak sei puntuko abantaila hartu du (7-13), baina GBCren erantzuna azkar etorri da, lehia berdintzea lortuta (13-13). Geroago, Gipuzkoa Basketek aurrea hartu du (19-17), eta lehen hamar minutuen amaieran puntu bateko abantaila izan du (23-22).
Bikain ekin dio bigarren laurdenari Gipuzkoa Basketek. Nagusi izan da talde donostiarra, eta hamar puntuko errenta (35-25 eta 37-27) eskuratu du atsedenaldira iristeko 6 minutu falta zirenean. Ondoren, bost puntura murriztu du desabantaila Joventutek (37-32), baina laurdenaren azken txanpan Delteco GBC berriro nagusi izan da. Donostiako taldeak 13 punturainoko abantaila eduki du (47-34), eta bederatzi puntu goitik (49-40) joan da atsedenaldira.
Atsedenalditik bueltan, Gipuzkoa Basketek jarraitu du agintzen. Aurretik lortutako abantailak mantentzea lortu du GBCk, eta ez dio utzi Joventuti gehiegi gerturatzen. Delteco GBC 13 puntuko errenta hartzera heldu da berriro (53-40). Sei puntura hurbildu da Badalonako taldea (66-60), baina zortzi puntuko errenta lortu du Gipuzkoa Basketek (68-60), azken laurdenari ekiteko.
Ia amaierako laurden guztian zehar sei puntu edo gehiagoko abantaila izan du Gipuzkoa Basketek. Ematen zuen neurketa erabat kontrolpean zuela Delteco GBCk, baina amaierarako hiru minutu falta zirenean, puntu bakarrera gerturatu da Joventut (80-79). Ondoren, hiru puntuko aldea lortu du Gipuzkoa Basketek azken segundoetan (85-82 eta 87-84). Amaierako 15 segundoetan denetarik egon da: Gipuzkoa Basketek bost puntuko errenta izan du (89-84), kale egin du baloi-jabetzan, Joventut hiru puntura jarri da (89-86), huts egin du berriro GBCk, eta aukera eman dio aurkariari partida berdintzeko azken baloi-jabetzan. Hala ere, Laprovittolaren hiruko jaurtiketa ez da sartu, eta garaipena Donostian geratu da (89-86).
Fitxa teknikoa:
89.- Delteco Gipuzkoa Basket: Dani Pérez (27), Nevells (7), Salvo, Burjanadze (19), Sekulic (3) -hasierako taldea- Barro (7), Vobrov (4), Zeisloft (11), Rebec (9), Corbacho, Van Lacke (2), Maiza.
86.- Divina Joventut: Lopez Arostegui (5), Laprovittola (28), Dimitrejovic, Todorovic (20), Boungou -hasierako taldea- Colo (3), McFadden (13), Harangody, (10) , Ventura (1), Morgan (4), Delia (2), Parra.
Epaileak: Aliaga, Bulto eta Rial.
Emaitza laurden bakoitzaren amaieran: 23-22; 49-40 -atsedenaldia- 68-60; 89-86.
Zure interesekoa izan daiteke
Araskik maila gorenean jarraituko du, Estepona garaituta (74-77)
Hil ala biziko partida jokatu du Gasteizko taldeak azken jardunaldian, eta garaipenarekin hurrengo denboraldian maila gorenean jarraitzea ziurtatu dute.
Lointekek Gernika KESB babesteari utziko dio, 2025-2026 denboraldia amaituta
Bizkaiko klubak baieztatu du “elkarrizketak” abiatu dituela, “hainbat erakunde eta enpresarekin, etapa berri honetan taldeari izena emango dion bidelagun berri bat aurkitzeko helburuarekin, Emakumezkoen Endesa Ligan”.
Jaume Ponsarnau, itzuliko partidaz: “Lan gogorra dugu, mailarik onena eman beharra dugu”
Surne Bilbaok sei puntuz galdu du, 79-73, FIBA Europa Kopako joaneko neurketan. Norgehiagoka amaituta, Jaume Ponsarnau entrenatzaileak nabarmendu du titulua Miribillan erabakiko dela, “gure jendearekin”.
Justin Jaworski: “Garaipena lortzea gustatuko litzaiguke, baina erdia falta da”
Surne Bilbaok sei puntuz galdu du, 79-73, Salonikan, PAOK aurkari, FIBA Europa Kopako joaneko partidan; hala, euskal taldeak markagailua irauli beharko du Miribillan, datorren asteazkenean.
Finalaren itzulikoa irauli beharko du Surne Bilbaok, Mirbillan, galdu egin baitu joaneko partida, Salonikan (79-73)
Ponsarnauren taldeak partida osoa eman du markagailuan atzetik, Palatakin, biko jaurtiketen portzentaje txarrak baldintzatuta. PAOKen aldeko koskarik handiena 12 puntukoa izan da, baina puntu bakarrko aldea ere izan da.
Zuzenean: FIBA Europe Cup txapelketaren finaleko joaneko partida, PAOK Salonikaren eta Bilbao Basketen artean
Ikusi, gaur, apirilak 22, 18:15etik aurrera, PAOK Salonikaren eta Surne Bilbao Basketen arteko FIBA Europe Cupeko finalaren joaneko partidaren zuzeneko emanaldia, Greziatik. Saioa 17:50ean hasiko da ETB1en, atariko batekin, eta partida streaming bidez jarraitu ahal izango da kirolakeitb.eus eta ETBOn atarien bidez.
Ponsarnau: “Gure focus-a da partida oso luze bat izango balitz bezala ulertzea"
Surne Bilbao Basketek PAOK talde greziarraren aurka jokatuko ditu, bihar, apirilak 22, FIBA Europa Kopako finalaren joaneko 40 minutuak. Jaume Ponsarnau entrenatzailearekin egon gara Loiuko aireportuan eta “ilusio handiarekin eta kontzentratuta” daudela esan digu. (Bideoa gazteleraz)
Surne Bilbaok Grezia du jomugan
Tryggvi Hlinason beltzezko gizonen kapitainak dioenez, iazko eta duela bi hilabeteko bigarren fasean aurrean izandako PAOK, talde bera izanagatik, "zeharo aldatu" da. Bai Miribillan (95-73) eta bai Palatakin (87-88) mendean hartu zuten beltzezkoek PAOK bigarren fasean.
Surne Bilbaok galdu egin du BAXI Manresaren aurka Miribillan (80-84)
FIBA Europako Kopako finalaren joaneko partidaren atarian, Surne Bilbaok porrot egin du Miribillan Baxi Manresaren aurkako norgehiagoka (80-84), eta, ondorioz, play-offean sartzeko atzerapausoa eman du.
Kosner Baskoniak porrot batekin esan dio agur Euroligari Belgraden (91-79)
Arabarrek bolada onari amaiera eman diote azken jardunaldian, Partizani egindako bisitan galdu dute. Hala ere, dagoeneko ez zuten ezer jokoan.