Gipuzkoa Basketek porrota jaso du Andorraren aurka
Delteco GBCk porrota jaso du MoraBanc Andorraren aurka (72-84) Endesa Ligako 25. jardunaldian. Azken sailkatua da, eta aurretik duen Breoganek irabazi egin du. Mailari eustea zaildu egin zaio Gipuzkoa Basketi.
Neurketaren hasieran parekotasuna izan da nagusi bi taldeen artean (6-6). Ondoren, Delteco GBC taldea izan da nagusi, eta sei puntuko abantaila eskuratu du (11-6). Hala ere, azkar etorri da MoraBanc Andorraren erantzuna, partida berdinduz (11-11). Azken berdinketa horren ostean, berriro nagusi izan da Gipuzkoa Basket, eta zazpi puntuko errenta eskuratu du (19-12), nahiz eta lehen hamar minutuen amaieran bost puntutan geratu den abantaila (21-16).
Bigarren laurdena kaskar hasi du Delteco GBC taldeak, eta MoraBanc Andorrak aurrea hartu du, erasoan hobetuta eta defentsako lan sendoa eginda. Kosta egin zaio Gipuzkoa Basketi saskiratzeak lortzea, eta laurdenaren erdialdean, talde bisitariak zortzi puntuko abantaila lortu du (25-33). Saiatu da talde gipuzkoarra aldeak murrizten atsedenaldira iritsi orduko, baina ez du lortu (35-44).
Atsedenaldia ere ez zaio ondo etorri Gipuzkoako taldeari. MoraBanc Andorra nagusi izan da hirugarren laurdenean, eta etxeko taldea ezinean ibili da. Abantaila 11 puntura handitzea lortu du talde bisitariak, eta lehia gero eta zailago jarri zaio Gipuzkoa Basketi. Hirugarren laurdena, 14 puntuko desabantailarekin amaitu du Delteco GBCk (53-67).
Azken laurdenean emaitza iraultzea oso zail zuen Gipuzkoa Basketek. Gainera, MoraBanc Andorrak ondo kudeatu ditu jabetzak. Talde bisitariak ez dio aldeak murrizteko aukerarik eman Delteco GBCri. Ezinean ibili da etxeko taldea, eta, amaieran 72-84ko emaitzarekin galdu du partida.
Fitxa teknikoa:
72 - Delteco Gipuzkoa Basket (21+14+18+19): Dani Perez (2), Newells (7), Salvo (2), Burjanadze (16), Sekulic (27) -hasierako taldea-, Maiza, Van Lacke (2), Barro (4), Bobrov (2), Rebec (2), Zeisloft (8) eta Corbacho.
84 - MoraBanc Andorra (16+28+23+17): Albicy (4), Ennis (2), Shuma (12), Jelinek (7), Jordan (12) -hasierako taldea-, Vitali (15), Luz (19), Colom, Upshaw (8) eta Sane (5).
Epaileak: Martin, Sanchez Sixto eta Torres.
Zure interesekoa izan daiteke
Lara McSpadden pibot australiarrak Inversus Gernikan jokatuko du
27 urteko jokalaria 1,94 metro luze da, eta bere herrialdeko ligako Sydney Flames taldetik dator.
Bassala Bagayokok ez du Surne Bilbaon jarraituko
2028ra arte kontratua izan arren, bi aldeak ados jarri dira lotura hausteko. Maliko pibotak Texas Tech taldean jokatuko du, AEBetako unibertsitate ligan.
Ponsarnau: “Klubaren hazkundeari eusteko gogor egin beharko dugu lan”
Surne Bilbao Basketek denboraldiaurreko lehen entrenamendua buru du. Aurten, Europa mailan koska bat igo eta Txapeldunen Ligan jokatuko du (BCL). “Hazkunde horren parte” izan nahi dutela azaldu du Harald Frey jokalariak, baina horretarako, gogor egin beharko dute lan.
Kosner Baskonia berria abian da, jokalarien azterketa medikoekin hasita
Tadas Sedekerskis Baskoniako kapitainak azterketa medikoa egin aurretik adierazi duenez, "oso ohituta daude denboraldi handiak egin dituzten jokalariei agur esatera". "Erronka eta helburu berriak ditugu, eta aurpegi berriak", gaineratu du. Gainera, ohartarazi duenez, ACB liga "gero eta lehiakorragoa" bihurtzen ari da, eta "saskibaloia aldatzen ari da, gero eta fisikoagoa eta atletikoagoa" delako.
-3?fmt=webp-alpha&qlt=80)
Surne Bilbaok azterketa medikoekin hasiko du denboraldiaurrea
Aleix Font, Bastien Bautier, Manex Ansorregi eta Ondrej Hustak, 22 urtez azpiko Urko Madariaga, Mikel Liñares eta Bingen Errasti gain, izan dira azterketa medikoak igaro dituzten lehen jokalariak.
Kosner Baskoniak Burgosen jokatuko du ligako lehen partida, eta Surne Bilbaok Manresa hartuko du etxean
Lehenengo euskal derbia azaroaren 22an jokatuko da, 12:00etan, Bilbon, eta bigarrena 2027ko urtarrilaren 30ean, 19:30ean, Gasteizen.
Los Angeles Lakers taldea, 12.000 milioi dolarren truke truke salduta Kushner eta Iger enpresariei
Salmenta Mark Walterrek frankizia erosi eta urtebetera gertatu da, eta NBAko talde batentzat inoizko handiena izango da.
Smartlog Ointxe taldea 3x3 saskibaloiko Women's Seriesen arituko da Azerbaijanen
Espainiako Kopa eskuratuta, Arrasateko taldeak goi mailan aritzeko gonbidapena jaso du. Irene Muruak, Lara Gonzalezek, Izar Bediak eta Mama Dembelek osatzen duten taldeak bi partida ditu larunbatean Neftxi Azerbaijaneko taldearen eta Yanjing talde txinatarraren kontra.
Kosner Baskoniak lagunartekoa jokatuko du Leonen Real Madrilen aurka
Irailaren 5ean izango da, Urbano González Escapa I. Memorialaren barruan. Bertan, Elosua Leongo jokalari ohia omenduko da.
Kosner Baskoniaren eta Joventuten arteko Superkopako partida irailaren 19an jokatuko da, 18:00etan
Bigarren finalerdia Valentzia Basketek eta Bartzelonak jokatuko dute, egun berdinean, 21:00etatik aurrera.