Gipuzkoa Basketek porrota jaso du Manresaren aurka
Delteco GBC taldeak porrota jaso du Baxi Manresaren aurka (84-74) jokatu duen Endesa Ligako 27. jardunaldiko partidan. Partida hau galtzeak ez dio uzten talde gipuzkoarrari aurrerapausoa ematen salbazioa lortzeko.
Hasiera ona eman dio Delteco GBC taldeak neurketari, 0 eta 4ko partziala lortuta. Ondoren, sei puntuko aldea ere eskuratu du (5-11), baina lehen laurdenaren erdialdetik aurrera, etxeko taldea hobeto jokatzen hasi eta partida estutu egin da (13-14). Hiru puntu atzetik heldu da Gipuzkoa Basket lehen laurdeneko azken 24 segundoetara, baina Corbachok sartutako hiruko batekin, lehia berdindu du (20-20) GBCk.
Bigarren laurdenari ere ondo ekin dio Gipuzkoa Basketek, bost puntuko errenta eskuratuta (20-25 eta 22-27), baina partidako 15. minuturako, aurrea hartu du Baxi Manresak (36-29). Manresa nagusi izan da atsedenaldira iritsi aurreko minutuetan, eta bederatzi puntuko abantaila eskuratu du (44-35).
Atsedenaldiaren ostean, Baxi Manresa izan da jaun eta jabe kantxan. Gipuzkoa Basket galduta ibili da, eta 13 punturainoko abantaila hartu du etxeko taldeak (50-37). Esnatu beharra zeukan Delteco GBCk, eta esnatzea lortu du. Pixkanaka, desabantaila murrizten hasi dira, baita lau puntura gerturatu ere (54-59). Ondoren, ordea, talde gipuzkoarrak oso gaizki jokatu ditu hirugarren laurdeneko azken minutuak, eta maldan gora jarri zaio partida (64-50).
Azken laurdenean, GBCk ez du aukerarik izan emaitza estutzeko eta Baxi Manresaren garaipena kolokan jartzeko. Amaierarako sei minu7tu falta zirenean, Delteco GBCk 16 puntuko desabantaila izan du (74-58), eta neurketa erabakita geratu da. Azken txanpan, emaitza pixka bat txukundu du Delteco GBCk, baina porrota jaso du (84-74).
Fitxa teknikoa:
84. BAXI MANRESA (20+24+20+20): Lundberg (9), Toolson (14), Tomas (12), Zubcic (6), Lalanne (16) -hasierako taldea- Sakho (2), Muñoz (13), Murphy (3), Jou (14), Sima (-) eta Orrit (2).
74. DELTECO GBC (20+15+15+24): Perez (5), Nevels (5), Salvo (4), Bobrov (17), Burjanadze (9), -hasierako taldea-, Sekulic (14), Van Lacke (-), Zeisloft (10), Rebec (2), Barro (2) eta Corbacho (6).
Epaileak: Hierrezuelo, Castillo eta Merino. Kanporaturik gabe.
Zure interesekoa izan daiteke
Valentziak Endesa Ligako finala jokatuko du Bartzelonaren aurka
Valentzia Basketek Endesa Ligako finalerako txartela lortu du igande honetan, Asisa Joventuten aurkako finalerdietako hirugarren partida ere irabazita (75-87), Badalonan, garaipen guztiak lortuta eta finalerako txartela lortuta. Hala, Bartzelonaren aurka jokatuko du finala.
BBK Bidaideak taldea BSR 3x3ko Espainiako txapeldun
BBK Bidaideakek Amiab Albacete garaitu du (13-10) Bilbon jokatutako finalean, Europako brontzearekin eta Ligako Lauko Finalerako sailkapenarekin osatutako denboraldi arrakastatsua borobilduta.
New York Knicks 53 urte geroago nagusitu da NBAn
New Yorkeko taldeak 90-94 garaitu du San Antonio Spurs partida parekatu batean. Hala, 4-1ko emaitzarekin irabazi du finala.
Bartzelona, Endesa Ligako lehen finalista
Barçak Endesa Ligako finalerako txartela lortu du finalerdietako hirugarren partidan La Laguna Teneriferi irabazita (76-85). Valentzia Basketek eta Asisa Joventutek jokatuko duten kanporaketatik aterako da bere aurkaria.
Ibon Navarro, Izar Gorriko entrenatzaile berria
Gasteiztarrak Milan Tomic ordezkatuko du, maiatzaren amaieran taldearen ardura hartu zuen entrenatzailea, eta lehen esperientzia izango du entrenatzaile gisa Espainiatik kanpo.
Ibon Navarrok bere etete klausula ordaindu eta amaiera eman dio Unicajako etapari
Entrenatzaile gasteiztarrak oraindik urtebeteko kontratua indarrean izan arren, Malagako kluba utziko du azken urteetako entrenatzailerik arrakastatsuena bihurtu ondoren.
IDK Euskotrenek Gedna Capel hegal-pibota fitxatu du, 2026-2027 denboraldirako
Gipuzkoako taldeak jokalari kataluniarra fitxatu duela iragarri du. Capelek duela egun batzuk egin ditu 24 urte, eta 1,85eko altuera du.
Surne Bilbaok Adam Somogyi fitxatu du
Nazioarteko hungariarrak 2028ra arte sinatu du talde bilbotarrarekin, Txapeldunen Ligan partidako asistentzia gehien egin dituen joku-antolatzailea izanda.
Kutxabank Araskik Laura Piera fitxatu du
Kataluniako jokalaria Joventut taldean aritu ostean dator Gasteizera.
Galbiati: “Nire bizitzako denboraldirik zailena izan da"
Paolo Galbiati Kosner Baskoniako entrenatzaileak aitortu duenez, Endesa Ligako play-offetan Asisa Joventuten aurka galdu ostean, bere bizitzako "denboraldirik zailena" izan da.