Bilbao Basketek GBC hartuko du premiaz betetako derbian
RETAbet Bilbao Basketek, Ben Bentil eta Nikola Rebicen fitxaketen ostean berrituta, Delteco GBC hartuko du Bilbao Arenan, igandean 12:30etan, premiaz betetako derbian. Joaneko neurketa bilbotarrek irabazi zuten Donostian.
Bizkaitarren eta gipuzkoarren artean bi garaipen daude. Gipuzkoa Basket dago aurretik, 8 punturekin. Horregatik, bientzat izango da norgehiagoka garrantzitsua. Ligako atsedenaldiaren aurretik, beltzezkoek lau partida galdu zituzten jarraian, eta jaitsiera postuak bi puntura dituzte.
Bentil hegal-pibota fitxatzeak Alex Mumbru berriz hegaleko izatea ekarriko du, eta Rebic antolatzaileak Ricardo Fischerren lekua hartuko du. Veljko Mrsic fitxaketen "energia eta gaztetasuna" egoera iraultzeko lagungarri izatea espero du.
Delteco, Henk Norelen gidaritzapean, denboraldi hasieran jaitsiera postuetan egoteko hautagaitzat hartzen zuten pronostikoei buelta ematen ari zaie. Toki horretan dago orain RETAbet. Galtzen badu, puntu bakarrera izango ditu postu arriskutsuak, Divina Joventut eta Real Betis Energia Plus, 4na garaipenekin, aurrez aurre arituko baitira.
Zure interesekoa izan daiteke
Gedna Capel: “Defentsan ekarpen handia egin dezaket”
Mirai Euskotrenek Gedna Capel aurkeztu du Donostian. Kataluniako hegal-pibota Azul Marino Mallorcatik dator, urtebeterako. Kataluniarra pozik dago klubak berarengan jarri duen konfiantzarekin eta "defentsan eta erreboteetan ekarpen handia" egin dezakeela adierazi du. (Bideoa gazteleraz)
Araskik Julieta Mungo eta Mireia Sanz aurkeztu ditu
Araskik berebi fitxaketa berriak aurkeztu ditu: Julieta Mungo eta Mireia Sanz. Mungo Ardoitik heldu da Gasteizera eta denboraldi baterako sinatu du. Sanz, bere aldetik, 19 urteko eta etorkizun handiko jokalaria da eta 2028ra arte sinatu du. (Bideoa, gazteleraz)
Manex Ansorregi, bere aurkezpenean: “Nire helburua egunero lan egitea eta hobetzea da”
Gaur aurkeztu du Surne Bilbaok Manex Ansorregi. Azkoitiko jokalaria Gipuzkoa Basketetik iritsi da Surne Bilbaora, eta aurten debutatuko du Endesa Ligan.
Kutxabank Araskik Aleksandra Stanacev eta Kristina Racovic aurkeztu ditu
Kutxabank Araskik bi jokalari aurkeztu ditu: Aleksandra Stanacev joko-antolatzailea eta Kristina Racovic hegal-pibota. Endesa ligan jokatutakoak dira Serbiako eta Montenegroko jokalariak.
A.J. Lawson hegalekoa aurkeztu du Baskoniak
A.J. Lawson hegalekoaren aurkezpen ofiziala egin du Baskoniak. NBAn esperientzia du kanadarrak, eta talde arabarrari “erasoan zein defentsan laguntzeko” iritsi dela adierazi du ekitaldian.
Khalifa Diopek Kosner Baskonia utzi du, eta Cleveland Cavaliers taldean arituko da
Pibot senegaldarrak hiru denboraldi eman ditu euskal taldean, eta, guztira, 138 partidatan kantxaratu da, Endesa Liga eta Euroligako norgehiagokak kontuan izanik. Errege Kopa bat irabazi du, 2026koa.
EITBk Endesa Ligako partidak emango ditu hurrengo bi denboraldietan
Denboraldi bakoitzean, hamar neurketa emango ditu, eta Kosner Baskonia eta Surne Bilbao izango dira protagonista horietan. 2026-2027 denboraldian, gainera, bi euskal taldeek azaroaren 22an jokatuko duten partida ere ikusgai izango da. EITBk telebistako bere kateetan eta kirolakeitb.eus Kiroletako bere atarian emango ditu.
Azu Muguruza: “Identitatea sortzeko unea da, taldearen DNA”
Taldeko zazpi jokalari mantentzen dituzten arren, Mirai Euskotrenek ez du ondo hasi 2026-27 denboraldia. Azu Muguruza entrenatzaileak adierazi duenez, "nortasuna sortzeko unea da". (Bideoa gazteleraz)
Lara McSpadden pibot australiarrak Inversus Gernikan jokatuko du
27 urteko jokalaria 1,94 metro luze da, eta bere herrialdeko ligako Sydney Flames taldetik dator.
Bassala Bagayokok ez du Surne Bilbaon jarraituko
2028ra arte kontratua izan arren, bi aldeak ados jarri dira lotura hausteko. Maliko pibotak Texas Tech taldean jokatuko du, AEBetako unibertsitate ligan.