Delteco GBC taldeak porrota jaso du Tecnyconta Zaragozaren aurka
Delteco Gipuzkoa Basketek 94-99 galdu du Tecnyconta Zaragozaren aurka Illunben. Talde bisitariko Norel jokalariaren partida bikainak (45eko balorazioa) eta talde donostiarraren hirugarren laurden txarrak eragin du gipuzkoarren porrota.
Partidaren hasiera bizia izan da, eta saskiratze askokoa. Bi taldeek asko asmatu dute erasoan eta biguinago egon dira defentsako lanean. Lehen laurdena amaitzeko bi minuturen faltan, 8 puntuko abantaila eskuratu du Gipuzkoa Basketek (27-19). Hala ere, talde bisitariak aldeak murriztea lortu du, eta Delteco GBC taldeak hiru puntuko errentarekin amaitu ditu lehen hamar minutuak (28-25).
Bigarren laurdena ere nahiko orekatua izan da. Lehen laurdenaren gidoia errepikatu egin da bigarrenean. Gipuzkoa Basketek 9 puntuko abantaila izan du (53-44), baina atsedenaldira iritsi aurreko minutuetan, nagusi izan da Tecnyconta Zaragoza eta partida berdintzeaz gain (53-53), bi puntuko errentarekin iritsi da talde bisitaria atsedenaldira (53-55).
Atsedenalditik bueltan, Zaragoza izan da nagusi. Pixkanaka, agintea hartu du Tecnyconta Zaragozak eta ezinean ibili da Gipuzkoa Basket. Talde donostiarrari kosta egin zaio saskiraketak lortzea eta defentsan ezin izan du aurkariaren jokoa gelditu. Ondorioz, 12 puntuko abantaila eskuratu du Zaragozak (63-75).
Azken laurdenera desabantaila handiarekin heldu da Gipuzkoa Basket, baina etxeko taldeak ez du etsi eta azken unera arte borrokan jarraitu du. Amaierarako 30 segundo falta zirenean, GBC bi puntura gerturatu da (92-94). Esperantza izan du Gipuzkoa Basketek aldeak murriztu ostean, baina Zaragozak hobeto jokatu ditu azken jabetzak eta garaipena eskauratu du (94-99).
Fitxa teknikoa:
94 - Delteco Gipuzkoa Basket (28+25+10+31): Chery (18), Van Lacke (18), Fakuade (6), Swing (7), Norel (22)- hasierako bostekoa- Agbelese (5), Dani Pérez (2), Salvo (4), Pardina, Clark (9), Oroz (3).
99 - Tecnyconta Zaragoza (25+30+20+24): McCalebb (13), Michalak (7), Neal (31), Suarez (9), Varnado (13)- hasierako bostekoa- Triguero (3), Barreiro, De Jong (15), Blums (8), Mazalin, Fernandez.
Epaileak: Herrezuelo, Rial, Olivares.
Zure interesekoa izan daiteke
IDK Euskotrenek eta Kutxabank Araskik Tate eta Mungo fitxatu dituzte, hurrenez hurren
Duran Maquinaria Ensinotik ailegatu da Imane Tate IDK Euskotrenera eta Julieta Mungo, berriz, Oses Construccion Ardoitik iritsi da Kutxabank Araskira. Bi jokalariek 2026-2027 denboraldirako sinatu dute.
Kosner Baskoniak Real Madril hartu du mendean, eta bigarren postua du jomugan (83-88)
Kosner Baskoniak 83-88ko emaitzarekin irabazi dio Real Madrili, Movistar Arena pabiloian. Neurketaren azken txanpan Timothe Luwawu-Cabarrot frantziarrak erakustaldia eman du. Baskonia, 24 garaipenekin, Endesa Ligako sailkapeneko bigarren postuan kokatu da, jardunaldi bakar baten faltan.
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Itziar Ariztimuñok 2027ra arte berritu du IDK Euskotrenekin
Antolatzaile bizkaitarra, 2025ean talde donostiarrera ailegatu zena, Azu Muguruzak gehien erabili duen jokalarietako bat izan da, IDK Euskotrenen eman duen lehenengo denboraldian.
Petrasekek 2028ra arte berritu du kontratua Surne Bilbaorekin
New Yorken jaio arren herritartasun poloniarra duen jokalariak denboraldi bakarra darama Bilbon, "baina bere tokia aurkitu du taldearen errotazioan eta jokalari garrantzitsua bihurtu da", talde bizkaitarrak nabarmendu duenez.
Endesa Ligako 33. jardunaldiaren 10 jokaldi onenak
Endesa Ligako 33. jardunaldia jokatu da jada, eta hemen bildu ditugu ligako jokaldirik onenak.
Sami Hillek ez du Araskin jarraituko
Azkeneko hiru denboraldiak Gasteizko taldean eman ditu jokalari kanadiarrak; bertara 2023an ailegatu zen. 90 partidatan 983 puntu lortu ondoren, Araskiren historian punturik gehien egin dituen bigarren jokalaria izanda uzten du taldea.
Olinpiakos, Euroligako txapeldun Real Madril garaituta (92-85)
Behar baino gehiago sufritu ondoren, txapeldunak errebantxa hartu du, duela hiru urteko finalean talde zuriaren aurka galdu ondoren.
Surne Bilbaok mendean hartu du Girona (86-80), eta play-offeko postua defendatuko du Tenerifen
Surne Bilbaok 86-80 menderatu du Girona Bilbao Arenan, eta play-offerako sailkapena jokatuko du azken jardunaldian Tenerifen. Gironak amaierara arte eutsi badio ere, Melwin Pantzarren partida bikainak eta azken laurdenean Darrun Hilliardek sartutako hiruko erabakigarriek etxekoen garaipena ziurtatu dute.
Normantasek, Krampeljek, Petrasekek eta Hilliardek 2028ra arte berritu dute Surne Bilbaorekin
Freyk, Hlinasonek, Fontek, Syllak eta Bagayokok ere indarrean dute kontratua. Pantzarren baja besterik ez dute baieztatu orain arte.