Baskoniak Bilbao Basket jipoitu du euskal derbian
Baskoniak nagusitasunez irabazi dio RETAbet Bilbao Basketi (94-71) Buesa Arenan jokatu den Endesa Ligako euskal derbia. Pedro Martinez Baskoniako entrenatzaileak 800 partida bete ditu.
Partidak hasiera oso parekatua izan du. Lehen saskiratzea Bilbao Basketek sartu du. Ondoren, Baskoniak hiruko batekin erantzun du, baina bi taldeetako batek ere ez du lortu markagailuan ihes egitea. Arabako taldeak sei puntuko abantaila eskuratu du lehen laurdenean zehar (15-9), baina azkar erreakzionatu du Bilbao Basketek eta aldeak murriztu ditu, puntu batera kokatuta (17-16). Lehen hamar minutuetan kantxan ikusi den parekotasunaren erakusle izan da markagiluak adierazi duen berdinketa (21-21).
Bigarren laurdenari hiruko batekin ekin dio RETAbet Bilbao Basketek (21-24). Baskonia, ordea, nagusitzen hasi da pixkanaka eta berriro aurrea hartu ostean, abantaila politak lortzen hasi da Pedro Martinezek zuzentzen duen taldea (38-29). Ondorioz, zazpi puntuko abantaila eskuratu du Baskoniak neurketa atsedenaldira iritsi denean (43-36).
Atsedenaldiaren ostean, partidak Baskoniaren aldera egin du. Pedro Martinezek zuzentzen duen taldea nagusi izan da hirugarren laurdenean eta garaipena bideratu du. Bilbao Basket ezinean ibili da, eta Arabako taldeak 14 puntuko abantaila eskuratu du (67-53).
Azken laurdenerako dena erabakita egon da. Baskoniak gozatu egin du partida kontrolpean edukita, eta aurretik lortutako abantaila handituta. RETAbet Bilbao Basketek bere bolada txarra luzatu du, eta partida Baskoniaren garaipen erosoarekin amaitu da (94-71).
Fitxa teknikoa:
94 - Baskonia (21+22+24+27): Huertas (9), Janning (20), Timma (11), Shengelia (12) eta Poirier (8) -hasierako bostekoa-, Kevin Jones (12), Voigtmann (10), Malmanis (-), Beaubois (8) eta Granger (1).
71 - RETAbet Bilbao Basket (21+15+17+18): Fischer (10), Hammink (4), Mumbru (21), Hervelle (7) eta Gladness (8) -hasierako bostekoa-, Todorovic (8), Salgado (3), Redivo (10), Devin Thomas (-) eta Vucetic (-).
Epaileak: Jose Antonio Martin Bertran, Francisco Araña eta Jorge Martinez.
Zure interesekoa izan daiteke
Paolo Galbiati, Baskoniak izandako harreraz: "Espero nuena baino handiagoa izan da, askoz ere handiagoa"
Entrenatzaile italiarrak, Kosner Baskoniak Gasteizen ospatu duen festaren azken minutuetan, EITBrekin hitz egin du: "Garaipen honek betiko lotuko gaitu", berretsi du Galbiatik.
Tadas Sedekerskisek Kosner Baskoniako zaleekin abestu du "Ikusi Mendizaleak"
Lituaniako jokalaria euskararekin animatu da, eta euskal kanta ospetsua abestu du.
Gasteizek bere txapeldunei harrera beroa egin die zazpigarren Koparen ospakizunetan
Gasteizko Andre Maria Zuriaren plaza lepo bete da Paolo Galbiatiren jokalariei harrera egiteko, taldeak bere zazpigarren Errege Kopa irabazi ondoren. Baskoniako entrenatzaile italiarra zeremonia-maisu izan da, eta Sedekerskis kapitaina 'Ikusi mendizaleak' abestia kantatzera ausartu da.
Paolo Galbiati: “Ezin nuen plaza hau nire klubarentzat beteta ikustea baino hoberik espero”
Paolo Galbiati Baskoniako ikur bilakatu da. Gasteiztarren artean maitatua, eta giroa jartzen paregabea. Honakoak izan dira gasteiztarrei, baskonistei eta bere lan-taldeari eskaini dizkien hitzak.
Sedekerskis: “Zuek gabe Kopa hau ez litzateke posible izango; kolore hauek eta armarri hau defendatzen jarraituko dugu”
Baskoniak Errege Kopan lortutako garaipenaren ospakizuna egin dute gaur Gasteizen. Andre Maria Zuriaren plazako balkoian Tadas Sedekerskis kapitainak eskerrak eman dizkie zaleei, baita Markus Howardek ere: “Inor baino gehiago merezi duzue; garaipen hau gurea bezain zuena da”.
Hau izan da Kosner Baskoniaren omenezko aurreskua
Kosner Baskoniak Errege Kopan lortutako garaipenaren ospakizunean, aurreskua dantzatu da txapeldunen omenez; Algara Dantza Taldea, bere 25. urteurrenean, horretaz arduratu da.
ARGAZKI-GALERIA: Baskoniaren ospakizunek Gasteizen utzitako irudirik onenak
Baskoniak bere zaleekin batera ospatu du asteburuan Valentzian irabazitako Errege Kopa. Andre Maria Zuriaren plaza jendez lepo egon da Gasteizko taldeari harrera egin eta jokalariak omentzeko. Hemen ikus ditzakezue ekitaldiak utzitako une ikusgarrietako zenbait.
Ikusi zuzenean "Zorionak, Baskonia!" saioa, saskibaloiko Kopa txapeldunak omentzeko harrera ekitaldia
Gaur arratsaldean, 18:45etik aurrera, saskibaloiko Kopako txapeldunari Gasteizko Andre Maria Zuriaren plazan egingo zaion harrera zuzenean ikusteko aukera izango da kirolakeitb.eus atarian, ETB1en, ETB2n eta ETB On plataforman.
Errege Kopako hamar jokaldi onenak
Amaitu da saskibaloiko Errege Kopa, eta hemen bildu ditugu txapelketako hamar jokaldi onenak. Jokaldi onena Trent Forresten mate bat izan da.
Gasteiz irribarrea ahoan da, Baskoniak Kopa irabazita
Hiriak goizaldera arte ospatu du Paolo Galbiatiren taldearen garaipena; orduek aurrera egin ahala, gasteiztarrak egunerokoan murgildu dira, baina ohi baino alaiago, otsaileko edozein astelehenetan baino poz handiagoa izan dutela.