Laboral Kutxak aise irabazi dio RETAbet.es GBCri euskal derbia
Laboral Kutxa Baskoniak 101-73 jipoitu du RETAbet.es GBC Buesa Arenan eta euskal derbia irabazi du. Arabako taldeak Endesa Ligako laugarren postuari eusten dio, eta Gipuzkoa Basketek ia ezinezkoa du salbazioa lortzea.
Hasieratik nagusi izan da Laboral Kutxa. Perasovicek zuzentzen duen taldeak azkar hartu du abantaila markagailuan (15-5) eta Gipuzkoa Basket ezinean ibili da lehen minututik. Lehen laurdenaren amaieran hamaika puntuko desabantaila (18-7) izan du GBCk eta zazpi punturaino murriztea lortu duen arren (18-11), Baskoniak hamar puntuko abantaila eskuratu du lehen hamar minutuetan (22-12).
Bigarren laurdenean nabarmenagoa izan da Laboral Kutxaren nagusitasuna eta RETAbet.es GBCk ezin izan du ezer egin Arabako taldearen jokoa gelditzeko. Minutuak aurrera joan ahala, aldeak handitzen joan da Baskonia. 30 puntuko aldea ere lortu du Perasovicek zuzentzen duen taldeak (50-20). GBC ezinean ibili da, baina atsedenaldira iritsi orduko 25 puntura murriztu du desabantaila (50-25). Azken segundotean, ordea, Baskoniak erraztasunez saskiratzea lortu eta etxekoen aldeko 57-26ko emaitzarekin iritsi da partida atsedenaldira.
Atsedenalditik kantxara itzultzean, norgehiagokaren gidoia ez da aldatu, baina desabantaila gehiagora ez joatea lortu du Gipuzkoa Basketek. 31 puntuko aldea lortu du Baskoniak bigarren laurdenean eta hirugarren laurdena 32 puntuko abantailarekin bukatu du (79-47).
Azken laurdenerako dena erabakita egon den arren, Laboral Kutxak ehun puntuetara iristea izan du jomuga eta helburua lortu egin du. Gipuzkoa Basket, aldiz, emaitza txukuntzen saiatu da, eta aldeak pixka bat murriztu ditu. Amaieran, Baskoniarentzat euskal derbia (101-73).
Fitxa teknikoa:
101 - Laboral Kutxa Baskonia (22+35+22+22): Adams (18), Hanga (9), Davis Bertans (16), Tillie (6), Planinic (8) -hasierako bostekoa-, Bourousis (5), M.James (11), Corbacho (21), I. Diop (3), M. Diop (4).
73 - RETAbet.es GBC (12+14+21+26): Llompart (2), Vrkic (17), Dean (11), Landry (25), Doblas (2) -hasierako bostekoa-, Agbelese (5), Maiza (0), M. Soluade (5), J. Grimau (4), U. Otegui (0), Oroz (2).
Epaileak: Vicente BULTO, Carlos SÁNCHEZ MONSERRAT eta Jacobo RIAL.
cobo RIAL. cobo RIAL.Zure interesekoa izan daiteke
IDK Euskotren, Kutxabank Araski eta Lointek Gernika taldeek galdu egin dute Endesa Ligan
Hiru euskal taldeek asteburu zaila izan dute, eta porrotek are gehiago estutu dute Kopako postuetarako borroka.
Surne Bilbaok garaipen sendoa lortu du Hiopos Lleidaren aurka Miribillan (93-75)
Beltzezko gizonek nagusitasunez irabazi dute, markagailua oso parekatuta joan bada ere, etxekoek oso indartsu amaitu baitute partida.
Kanaria Handia-Kosner Baskonia bertan behera utzi dute, "Emilia" denboraleagatik
Ekaitzaren ondorioz, Kanaria Handiko Kabildoak kirol-instalazio guztiak itxi behar izan ditu.
Pablo Laso, Anadolu Efes taldeko entrenatzaile berria 2027ra arte
Bere azken denboraldian Baskoniaren buru izan ostean, gasteiztarrak bi aldiz Euroligako txapeldun izan denaren gidaritza hartuko du.
Kosner Baskoniaren lanak ez du saririk izan Real Madrilen aurka (94-87)
Howard inspiratu batek zuriak estutasunetan jarri ditu azken laurdenean, baina ez da nahikoa izan etxetik kanpo arabarren beste porrot bat saihesteko.
Lointek Gernikak lehen fasean bere borreroa izan zen Pecs garaitu du kanporaketako lehen partidan (62-43)
Bizkaitarrek aise irabazi dute kanporaketako lehen neurketa, datorren asteazkenean Hungariako Lauber Dezso Sport Hall kantxan jokatuko den itzulerako norgehiagokarako 19 puntuko abantaila lortuz.
Kosner Baskoniak Eugene Omoruyi nigeriarra fitxatu du bi hilabeterako, denboraldia bukatu arte taldean geratzeko aukerarekin
Jokalaria Dubaiko Al Nasr taldetik dator, eta datozen orduetan Madrilera iritsiko da Baskoniako taldekide berriekin elkartzeko.
Surne Bilbaok sendo ekin dio txapelketako bigarren faseari, Sportingi irabazita (94-79)
Jaume Ponsarnauk zuzentzen duen taldea sufritu du partidako hainbat fasetan, baina ia beti aurretik egon da markagailuan. Garaipen garrantzitsua lortu dute beltzezko gizonek.
Tadas Sedekerskisi artroskopia egingo diote eskuineko orkatilan, eta gutxienez hilabete eta erdi egon liteke jokatu ezinik
Kosner Baskoniako jokalaria ostegunean egingo diote artroskopia hori; Eurobasketen, Lituaniako selekzioarekin ari zela, lesioa izan zuen, eta helburua da guztiz sendatzea.
Kutxabank Araskik, Lointek Gernikak eta IDK Euskotrenek galdu egin dute Endesa Ligako hamargarren jardunaldian
Larunbatean, Kutxabank Araskik ezin izan zuen Esteponaren aurka (71-91); igandean, kanpoko talde gisa, Lointek Gernika Bizkaiak Baxi Ferrolen kontra galdu zuen (71-57), eta IDK Euskotrenek, ordea, Spar Girona aurkari (71-60).