Baskonia nagusitu da GBCren aurkako euskal derbian (79-62)
Laboral Kutxak Endesa Ligako bere hirugarren garaipena erdietsi du, Buesa Arenan jokatutako euskal derbian Gipuzkoa Basketi irabazita (79-62). Ibon Navarro garaipenarekin estreinatu da gasteiztarren aulkian
Oso parekatua izan da lehen laurdena, intentsitate handikoa. Gipuzkoarrak indartsu hasi dira, eta aurreneko hamar minutuetan bost puntuko abantaila eskuratu dute (15-20). Causeur eta Doblas izan dira onenak.
Bigarren laurdena hasi eta gutxira, markagailuan aurreratu dira baskoniarrak (23-22), Hamilton handiari esker, baina Jaume Ponsarnaurenek sendotasunari eutsi diote. Bi taldeak bikain aritu dira hiruko marratik. Atsedenaldian, puntu bateko errenta gipuzkoarrentzat (36-37).
10-eko partzialari esker, bederatzi puntuko aldea erdietsi du Navarroren taldeak, hirugarren laurdenaren amaierara heltzeko sei minuturen faltan. Heurtel izan da gakoetako bat. Laboral Kutxak hamar goitik egin dio aurre azken laurdenari (55-45).
Azken laurdenean, Gipuzkoa Basketek ezin izan du etxekoen garaipea saihesteko ezer egin. Une gogorrenetan Hanley bota izan dute faltan donostiarrek. David Doblas izan da saskiratzaile nagusia, 17 punturekin.
Fitxa teknikoa:
79 Laboral Kutxa (15+21+19+24): Heurtel (15), Causeur (12), San Emeterio (7), Shengelia (11), Iverson (9)-hasierako boskotea-, Tillie (2), Bertans (13), Hamilton (8), Perkins, Vujacic (2).
62 Gipuzkoa Basket (20+17+8+17): Dean (9), Grimau (7), Jordan (5), Hanley (6), Doblas (17)-hasierako boskotea-, Franch (10), Oroz, Motos (2), Huskic (1), Olaizola, Iarotchevitch (5).
Zure interesekoa izan daiteke
Araskik Julieta Mungo eta Mireia Sanz aurkeztu ditu
Araskik berebi fitxaketa berriak aurkeztu ditu: Julieta Mungo eta Mireia Sanz. Mungo Ardoitik heldu da Gasteizera eta denboraldi baterako sinatu du. Sanz, bere aldetik, 19 urteko eta etorkizun handiko jokalaria da eta 2028ra arte sinatu du. (Bideoa, gazteleraz)
Manex Ansorregi, bere aurkezpenean: “Nire helburua egunero lan egitea eta hobetzea da”
Gaur aurkeztu du Surne Bilbaok Manex Ansorregi. Azkoitiko jokalaria Gipuzkoa Basketetik iritsi da Surne Bilbaora, eta aurten debutatuko du Endesa Ligan.
Kutxabank Araskik Aleksandra Stanacev eta Kristina Racovic aurkeztu ditu
Kutxabank Araskik bi jokalari aurkeztu ditu: Aleksandra Stanacev joko-antolatzailea eta Kristina Racovic hegal-pibota. Endesa ligan jokatutakoak dira Serbiako eta Montenegroko jokalariak.
A.J. Lawson hegalekoa aurkeztu du Baskoniak
A.J. Lawson hegalekoaren aurkezpen ofiziala egin du Baskoniak. NBAn esperientzia du kanadarrak, eta talde arabarrari “erasoan zein defentsan laguntzeko” iritsi dela adierazi du ekitaldian.
Khalifa Diopek Kosner Baskonia utzi du, eta Cleveland Cavaliers taldean arituko da
Pibot senegaldarrak hiru denboraldi eman ditu euskal taldean, eta, guztira, 138 partidatan kantxaratu da, Endesa Liga eta Euroligako norgehiagokak kontuan izanik. Errege Kopa bat irabazi du, 2026koa.
EITBk Endesa Ligako partidak emango ditu hurrengo bi denboraldietan
Denboraldi bakoitzean, hamar neurketa emango ditu, eta Kosner Baskonia eta Surne Bilbao izango dira protagonista horietan. 2026-2027 denboraldian, gainera, bi euskal taldeek azaroaren 22an jokatuko duten partida ere ikusgai izango da. EITBk telebistako bere kateetan eta kirolakeitb.eus Kiroletako bere atarian emango ditu.
Azu Muguruza: “Identitatea sortzeko unea da, taldearen DNA”
Taldeko zazpi jokalari mantentzen dituzten arren, Mirai Euskotrenek ez du ondo hasi 2026-27 denboraldia. Azu Muguruza entrenatzaileak adierazi duenez, "nortasuna sortzeko unea da". (Bideoa gazteleraz)
Lara McSpadden pibot australiarrak Inversus Gernikan jokatuko du
27 urteko jokalaria 1,94 metro luze da, eta bere herrialdeko ligako Sydney Flames taldetik dator.
Bassala Bagayokok ez du Surne Bilbaon jarraituko
2028ra arte kontratua izan arren, bi aldeak ados jarri dira lotura hausteko. Maliko pibotak Texas Tech taldean jokatuko du, AEBetako unibertsitate ligan.
Ponsarnau: “Klubaren hazkundeari eusteko gogor egin beharko dugu lan”
Surne Bilbao Basketek denboraldiaurreko lehen entrenamendua buru du. Aurten, Europa mailan koska bat igo eta Txapeldunen Ligan jokatuko du (BCL). “Hazkunde horren parte” izan nahi dutela azaldu du Harald Frey jokalariak, baina horretarako, gogor egin beharko dute lan.