Baskoniak lehen garaipena lortu du Bilbao Basketi irabazita
Laboral Kutxak ligako bere aurreneko garaipena lortu du, Buesa Arenako euskal derbian Bilbao Basket gaindituta (86-74).
Bilbotarrek indartsu hasi dute partida Gasteizen, ondo kokatuta eta Baskoniari mina eginez. Heurtelek ez du gidaritza zuzena topatu, eta Bilbao Basketek hamar puntuko errenta lortu du aurreneko laurdenean (13-23). Raul Lopez maila altuan aritu da.
Suspertu egin da Marco Crespiren taldea bigarren laurdenean eta markagailuan aurretik jarri da. Tillie eta San Emeterio erabakigarriak izan dira, eta Bertansen hirukoak borobildu du etxekoen laurden bikaina (41-34).
Baskoniak bigarren laurdeneko jokoari jarraipena eman dio hirugarrenean, eta Bertans izan da berriro ere protagonista azken segundoan hirukoa sartuta. Azken laurdenari bederatzi puntuko errentarekin egin dio aurre etxeko taldeak (62-53).
Sito Alonsoren taldeak ez du amore eman eta arriskuarekin hurbildu da markagailuan, baina orduan agertu da Baskoniaren nortasuna partida erabakita uzteko. San Emeterio izan da saskiratzaile nagusia, 15 punturekin, eta berak jaso du ere baloraziorik altuena (32).
Fitxa Teknikoa:
86 - Laboral Kutxa (13+28+21+24): Heurtel (10), Johnson (7), Bertans (12), Shengelia (6), Iverson (7) -hasierako bostekoa-, Perkins (10), Causeur (4), Hamilton (9), San Emeterio (15), Tillie (6).
74 - Bilbao Basket (23+11+19+21): Colom (13), Bertans (9), D. Todorovic, M. Todorovic (8), Hervelle (4)-hasierako bostekoa-, Borg (2), German Gabriel, Mumbru (13), Williams (9), Raul Lopez (10), Andusic, Wragge (6).
Zure interesekoa izan daiteke
Sarah Pollerosek Lointek Gernika utzi du
Jokalari alemaniarrak ez du Bizkaiko taldean jarraituko; 2025eko udan ailegatu zen bertara.
Kosner Baskoniak Valentzia mendean hartuz nahi dio jarraipena eman Kopako tituluari
Partida Buesa Arenan jokatuko da, ostegunean, 20:30etik aurrera. Aurreikuspena da Kurucs, Diop eta Sedekerskis baja izanen direla, baina Galbiatik Markquis Nowell eta Kobi Simmons eskuragarri izanen ditu.
Paolo Galbiati, Baskoniak izandako harreraz: "Espero nuena baino handiagoa izan da, askoz ere handiagoa"
Entrenatzaile italiarrak, Kosner Baskoniak Gasteizen ospatu duen festaren azken minutuetan, EITBrekin hitz egin du: "Garaipen honek betiko lotuko gaitu", adierazi du Galbiatik.
Tadas Sedekerskisek "Ikusi mendizaleak" abestu du Kosner Baskoniaren zaleekin
Gora etorri da Lituaniako jokalaria, eta kanta ospetsua abestu du.
Gasteizek bere txapeldunei harrera beroa egin die, zazpigarren Koparen ospakizunetan
Gasteizko Andre Maria Zuriaren plaza lepo bete da Paolo Galbiatiren jokalariei harrera egiteko, taldeak bere zazpigarren Errege Kopa irabazi ondoren. Baskoniaren entrenatzaile italiarra zeremonia-maisu izan da, eta Sedekerskis kapitaina Ikusi mendizaleak abestia kantatzera ausartu da.
Paolo Galbiati: “Ezin nuen plaza hau nire klubarentzat beteta ikustea baino hoberik espero”
Paolo Galbiati Baskoniako ikur bilakatu da. Gasteiztarren artean maitatua, eta giroa jartzen paregabea. Honakoak izan dira gasteiztarrei, baskonistei eta bere lan-taldeari eskaini dizkien hitzak.
Sedekerskis: “Zuek gabe Kopa hau ez litzateke posible izango; kolore hauek eta armarri hau defendatzen jarraituko dugu”
Baskoniak Errege Kopan lortutako garaipenaren ospakizuna egin dute gaur Gasteizen. Andre Maria Zuriaren plazako balkoian Tadas Sedekerskis kapitainak eskerrak eman dizkie zaleei, baita Markus Howardek ere: “Inor baino gehiago merezi duzue; garaipen hau gurea bezain zuena da”.
Aurreskua egin diote Kosner Baskonia txapeldunari
Kosner Baskoniak Errege Kopan lortutako garaipenaren ospakizunean, aurreskua dantzatu diete txapeldunei; Algara Dantza Taldea arduratu da horretaz, bere 25. urteurrenean.
ARGAZKI-GALERIA: Baskoniaren ospakizunek Gasteizen utzitako irudirik onenak
Baskoniak bere zaleekin batera ospatu du asteburuan Valentzian irabazitako Errege Kopa. Andre Maria Zuriaren plaza jendez lepo egon da Gasteizko taldeari harrera egin eta jokalariak omentzeko. Hemen ikus ditzakezue ekitaldiak utzitako une ikusgarrietako zenbait.
Ikusi zuzenean "Zorionak, Baskonia!" saioa, saskibaloiko Kopa txapeldunak omentzeko harrera ekitaldia
Gaur arratsaldean, 18:45etik aurrera, saskibaloiko Kopako txapeldunari Gasteizko Andre Maria Zuriaren plazan egingo zaion harrera zuzenean ikusteko aukera izango da kirolakeitb.eus atarian, ETB1en, ETB2n eta ETB On plataforman.