Gipuzkoa Basketen hirugarren porrota, Obradoiroren aurka
Gipuzkoa Basketek ez du oraindik garaipenik eskuratu Endesa Ligan, hiru partida jokatuta. Donostiarrek ez dute neurketa ona egin, Obradoiroren kantxa zailean (85-69).
Nahiko berdinduta hasi da norgehiagoka, Gipuzkoa Basket partida zuzenena egiten ari zela. Zailtasunak egon arren, gipuzkoarrek jaurtiketa asko egin dituzte kanpotik.
Taquan Deanek lehenengo laurdenean 10 puntu egin dituen bitartean, Rio Natura Monbusen zazpi jokalarik lortu dute punturen bat. Galiziarrak aurretik jarri dira lehenengo laurdenaren azken momentuan (20-19).
Bigarren laurdenean, Deanek jarraiu du Gipuzkoa Basketeko saskiratzailea izaten, eta gainontzeko jokalariek ez dute lagundu puntuak eskuratzen. Ezinean barruko jokoan eta arazoekin defentsan, donostiarrek baloi gehiegi galdu dute.
Obradoirok oreka handiagoa erakutsi du, eta pibot aurkariekin arazoak izan arren, bigarren laurdeneko jokoan nagusi izan dira, eroso agintzen. Gipuzkoa Basketeko gabeziak aprobetxatu ditu, atsedenaldian 10 puntu aurretik heltzeko (46-36).
Ezer ez da hobetu hirugarren laurdenean, eta markagailuko aldea txikiegia izan da (60-54). Jokoan, bi taldeen arteko diferentzia, markagailuko 6 puntuak baino handiagoa izan da. Obradoiro eraginkor aritu da hiruko marratik.
Putuen lana gaizki banduta (Deanen 17 puntu, Hanleyren 13 eta Grimauren 12), eta erdipurdiko Doblas batekin, Gipuzkoa Basketek aurkariarengandik urrun bukatu du partida Fontes do Sarren, oraindik Endesa Ligan irabazi gabe.
FITXA TEKNIKOA
Rio Natura Monbus Obradoiro: Rafa Freire Luz (2), Pavel Pumprla (6), Alberto Corbacho (13), Maxi Kleber (15), Juanjo Triguero (6) -hasierako boskotea-, Daniel Miller (1), Adam Waczynski (11), Fran Cárdenas (-), Pepe Pozas (9), Jesús Chagoyen (6) eta Keaton Nankivil (16).
Gipuzkoa Basket: Jared Jordan (-), Jordi Grimau (12), Taquan Dean (17), Will Hanley (13), David Doblas (9) -hasierako boskotea-, Mikel Motos (1), Goran Huskic (-), Julen Olaizola (3), Josep Franch (6) eta Dani Díez (8).
Partzialak: 20-19, 26-17, 14-18 y 25-15.
Zure interesekoa izan daiteke
Sarah Pollerosek Lointek Gernika utzi du
Jokalari alemaniarrak ez du Bizkaiko taldean jarraituko; 2025eko udan ailegatu zen bertara.
Kosner Baskoniak Valentzia mendean hartuz nahi dio jarraipena eman Kopako tituluari
Partida Buesa Arenan jokatuko da, ostegunean, 20:30etik aurrera. Aurreikuspena da Kurucs, Diop eta Sedekerskis baja izanen direla, baina Galbiatik Markquis Nowell eta Kobi Simmons eskuragarri izanen ditu.
Paolo Galbiati, Baskoniak izandako harreraz: "Espero nuena baino handiagoa izan da, askoz ere handiagoa"
Entrenatzaile italiarrak, Kosner Baskoniak Gasteizen ospatu duen festaren azken minutuetan, EITBrekin hitz egin du: "Garaipen honek betiko lotuko gaitu", adierazi du Galbiatik.
Tadas Sedekerskisek "Ikusi mendizaleak" abestu du Kosner Baskoniaren zaleekin
Gora etorri da Lituaniako jokalaria, eta kanta ospetsua abestu du.
Gasteizek bere txapeldunei harrera beroa egin die, zazpigarren Koparen ospakizunetan
Gasteizko Andre Maria Zuriaren plaza lepo bete da Paolo Galbiatiren jokalariei harrera egiteko, taldeak bere zazpigarren Errege Kopa irabazi ondoren. Baskoniaren entrenatzaile italiarra zeremonia-maisu izan da, eta Sedekerskis kapitaina Ikusi mendizaleak abestia kantatzera ausartu da.
Paolo Galbiati: “Ezin nuen plaza hau nire klubarentzat beteta ikustea baino hoberik espero”
Paolo Galbiati Baskoniako ikur bilakatu da. Gasteiztarren artean maitatua, eta giroa jartzen paregabea. Honakoak izan dira gasteiztarrei, baskonistei eta bere lan-taldeari eskaini dizkien hitzak.
Sedekerskis: “Zuek gabe Kopa hau ez litzateke posible izango; kolore hauek eta armarri hau defendatzen jarraituko dugu”
Baskoniak Errege Kopan lortutako garaipenaren ospakizuna egin dute gaur Gasteizen. Andre Maria Zuriaren plazako balkoian Tadas Sedekerskis kapitainak eskerrak eman dizkie zaleei, baita Markus Howardek ere: “Inor baino gehiago merezi duzue; garaipen hau gurea bezain zuena da”.
Aurreskua egin diote Kosner Baskonia txapeldunari
Kosner Baskoniak Errege Kopan lortutako garaipenaren ospakizunean, aurreskua dantzatu diete txapeldunei; Algara Dantza Taldea arduratu da horretaz, bere 25. urteurrenean.
ARGAZKI-GALERIA: Baskoniaren ospakizunek Gasteizen utzitako irudirik onenak
Baskoniak bere zaleekin batera ospatu du asteburuan Valentzian irabazitako Errege Kopa. Andre Maria Zuriaren plaza jendez lepo egon da Gasteizko taldeari harrera egin eta jokalariak omentzeko. Hemen ikus ditzakezue ekitaldiak utzitako une ikusgarrietako zenbait.
Ikusi zuzenean "Zorionak, Baskonia!" saioa, saskibaloiko Kopa txapeldunak omentzeko harrera ekitaldia
Gaur arratsaldean, 18:45etik aurrera, saskibaloiko Kopako txapeldunari Gasteizko Andre Maria Zuriaren plazan egingo zaion harrera zuzenean ikusteko aukera izango da kirolakeitb.eus atarian, ETB1en, ETB2n eta ETB On plataforman.