GBCk porrota jaso du, baina Real Madrili aurre egin dio (76-90)
Gipuzkoa Basketek ezin izan du Real Madril mendean hartu (76-90), Donostia Arenan jokatutako 2. jardunaldiko norgehiagokan.
Joko ona egin du Jaume Ponsarnauren taldeak lehen laurdenean. Gipuzkoarrek intentsitate handiz ekin diote neurketari, eta Real Madrili ohi baino gehiago kostatu zaio partidan sartzea. Hanley eta Dean izan dira GBCko onenak, eta taldeak alde txikia lortu du markagailuan. Baina zuriak azken minutuetan suspertu dira, eta, 1-14ko partzialari esker, bost puntuko aldearekin amaitu dute lehen laurdena (23-28).
Bigarren laurdenean, abantaila handitu du Pablo Lasoren taldeak, eta atsedenaldian 37-46koa zen markagailua. Hala ere, GBCk lanean jarraitu du, eta ondo, gainera.
Hirugarren laurdenaren hasieran, GBC baino gehiago izan da talde zuria, erritmoan zein jokoan, eta markagailuan joan egin da. Baina Gipuzkoa Basket ez zegoen besoak jaisteko prest, eta esnatu egin da. GBC suspertu bada ere, hamaika puntuko errenta zuen Lasoren taldeak hirugarren laurdenaren amaieran, Sergio Rodriguezek kantxaren erditik sartutako hirukoari esker (58-69).
Azken laurdenean, Gipuzkoa Basket ez da aurkariaren erasoak geldiarazteko gai izan, eta zurien kalitatea nagusitu da azkenean. Sergio Rodriguez izan da partidako saskiratzaile nagusia (19), eta, etxekoen artean, Hanleyk 18 sartu ditu.
Fitxa teknikoa:
Gipuzkoa Basket: Jordan (3), Dean (16), Díez (11), Hanley (18), Doblas (7) --hasierako boskotea--; Iarochevitch (6), Franch (7), Olaizola (4), Grimau (2), Motos (2), Huskic (-).
Real Madril: Llull (16), Carroll (10), Maciulis (8), Ayón (3), Bourousis (2) --hasierako boskotea--; Rodríguez (19), Campazzo (5), Fernández (3), Rivers (11), Reyes (9), Mejri (4).
Partzialak: 23-28, 14-18, 21-23 eta 18-21.
Zure interesekoa izan daiteke
Sarah Pollerosek Lointek Gernika utzi du
Jokalari alemaniarrak ez du Bizkaiko taldean jarraituko; 2025eko udan ailegatu zen bertara.
Kosner Baskoniak Valentzia mendean hartuz nahi dio jarraipena eman Kopako tituluari
Partida Buesa Arenan jokatuko da, ostegunean, 20:30etik aurrera. Aurreikuspena da Kurucs, Diop eta Sedekerskis baja izanen direla, baina Galbiatik Markquis Nowell eta Kobi Simmons eskuragarri izanen ditu.
Paolo Galbiati, Baskoniak izandako harreraz: "Espero nuena baino handiagoa izan da, askoz ere handiagoa"
Entrenatzaile italiarrak, Kosner Baskoniak Gasteizen ospatu duen festaren azken minutuetan, EITBrekin hitz egin du: "Garaipen honek betiko lotuko gaitu", adierazi du Galbiatik.
Tadas Sedekerskisek "Ikusi mendizaleak" abestu du Kosner Baskoniaren zaleekin
Gora etorri da Lituaniako jokalaria, eta kanta ospetsua abestu du.
Gasteizek bere txapeldunei harrera beroa egin die, zazpigarren Koparen ospakizunetan
Gasteizko Andre Maria Zuriaren plaza lepo bete da Paolo Galbiatiren jokalariei harrera egiteko, taldeak bere zazpigarren Errege Kopa irabazi ondoren. Baskoniaren entrenatzaile italiarra zeremonia-maisu izan da, eta Sedekerskis kapitaina Ikusi mendizaleak abestia kantatzera ausartu da.
Paolo Galbiati: “Ezin nuen plaza hau nire klubarentzat beteta ikustea baino hoberik espero”
Paolo Galbiati Baskoniako ikur bilakatu da. Gasteiztarren artean maitatua, eta giroa jartzen paregabea. Honakoak izan dira gasteiztarrei, baskonistei eta bere lan-taldeari eskaini dizkien hitzak.
Sedekerskis: “Zuek gabe Kopa hau ez litzateke posible izango; kolore hauek eta armarri hau defendatzen jarraituko dugu”
Baskoniak Errege Kopan lortutako garaipenaren ospakizuna egin dute gaur Gasteizen. Andre Maria Zuriaren plazako balkoian Tadas Sedekerskis kapitainak eskerrak eman dizkie zaleei, baita Markus Howardek ere: “Inor baino gehiago merezi duzue; garaipen hau gurea bezain zuena da”.
Aurreskua egin diote Kosner Baskonia txapeldunari
Kosner Baskoniak Errege Kopan lortutako garaipenaren ospakizunean, aurreskua dantzatu diete txapeldunei; Algara Dantza Taldea arduratu da horretaz, bere 25. urteurrenean.
ARGAZKI-GALERIA: Baskoniaren ospakizunek Gasteizen utzitako irudirik onenak
Baskoniak bere zaleekin batera ospatu du asteburuan Valentzian irabazitako Errege Kopa. Andre Maria Zuriaren plaza jendez lepo egon da Gasteizko taldeari harrera egin eta jokalariak omentzeko. Hemen ikus ditzakezue ekitaldiak utzitako une ikusgarrietako zenbait.
Ikusi zuzenean "Zorionak, Baskonia!" saioa, saskibaloiko Kopa txapeldunak omentzeko harrera ekitaldia
Gaur arratsaldean, 18:45etik aurrera, saskibaloiko Kopako txapeldunari Gasteizko Andre Maria Zuriaren plazan egingo zaion harrera zuzenean ikusteko aukera izango da kirolakeitb.eus atarian, ETB1en, ETB2n eta ETB On plataforman.