Landutako garaipena lortu du Baskoniak derbian (81-80)
Caja Laboral Baskoniak garaipena lortu du Bilbao Basketen aurka, Buesa Arenan, jokatutako derbian (81-80). Partida parekatua izan da eta garaipena azken segundoetan erabaki da.
Zirraragarria eta intentsitate handikoa izan da lehen laurdena. Aurreneko minutuak nahiko parekatuak izan dira, baina Zan Tabaken gizonek hirukoetan ezarri dute aldea.
"Hirukoen jaiak" bigarren laurdenean izan du jarraipena, eta Baskoniak errenta garrantzitsua eskuratu du (33-21). Nocioni, San Emeterio eta Causeur izan dira erabakigarriak. Baina suspertu dira beltzezko gizonak, eta bigarren zatiari partidan sartuta egin diote aurre (44-41).
Gasteiztarrek hamabi puntuko aldea erdietsi dute berriro ere (53-41), baina Bilbao Basketek ez zuen amore eman nahi eta hirugarren laurdena bukatzeko hiru minutaren faltan, bi puntura hurbildu dira (55-53), hein handi batean, Vasileiadisen asmatzeari esker. Hirugarren laurdenaren amaieran, baskoniarrak ziren nagusi (65-57).
Hamar minutu geratzen ziren, eta ezer ez zegoen erabakita. Baskonia zen nagusi, baina 38 minutuan, Hamiltonen saskitatzeak 75-73ko markagailuarekin jarri du norgehiagoka. Emozioa azken unera arte ziurtatuta zegoen, amaierarako 47 segundoren faltan partida berdindu baitu Vasileiadisek (77-77).
Azken jabetza Bilbao Basketentzat izan da, baina Vasileiadisek eta Hamiltonek ez dute elkar ulertu, eta erasoan baloia galdu dute. Nocionik sartutako jaurtiketa libre bik garaipena eman diote Caja Laborali. Azken unean hirukoa sartu du Hamiltonek, baina ez du partida irabazteko nahikoa izan (81-80). Endesa Ligan, bederatzigarren garaipena lortu dute arabarrek.
Fitxa teknikoa:
81 Caja Laboral (22+22+21+16): Heurtel (2), Causeur (10), Nocioni (17), M. Bjelica (7), Lampe (8)-hasierako bostekoa-, Cabezas (2), Oleson (3), San Emeterio (18), Pleiss (2), N. Bjelica (12)
80 Bilbao Basket (18+23+16+23): Zisis (9), Vasileiadis (16), Mumbru (14), Hervelle (10), Hamilton (20)-hasierako bostekoa-, Grimau, Rakovic (4), Moerman (7).
Zure interesekoa izan daiteke
Kosner Baskoniak sendo jarraitzen du Virtusi irabazita (72-82)
Gasteizko taldeak bigarren garaipena lortu du etxetik kanpo, minutu askotan nagusi izan den partidan.
Surne Bilbaoko jokalari eta zaleek elkarrekin ospatu dute Szombathelyren aurkako garaipena
Surne Bilbaok 95-88 irabazi dio Szombathelyri Miribillan. Garaipen honekin FIBA Europe Cupeko finala jokatuko dute bigarren urtez jarraian.
Surne Bilbaok bigarren finala jarraian jokatuko du, Miribillan ere Szombathelyri irabazi ondoren (95-88)
Ponsarnauren mutilek aise gainditu dute Hungariako taldea, partida serio batean. Giro hotz samarra izan da Miribillako harmailetan, Europarako finalerdia izan arren. Finalean Greziako PAOK Salonika izango da aurkaria berriro, UCAM Murtzia kanporatu baitu beste finalerdian.
Lointek Gernikak IDK Euskotren menderatu du Gascan, derbian, luzapenean (72-73)
Hala, Lucas Fernandezen taldeak Endesa Ligan jarraitzeko aurrerapauso ia erabakigarria eman du; Azu Muguruzaren taldea, ordea, ezin izan da play-offeko postuetara gerturatu. Gainera, Araskik balio handiko garaipena eskuratu du Perfumerias Avenidaren kantxan (68-72).
Kosner Baskoniak Makabiri irabazi dio, ateak itxita (101-98)
Baskoniarrek hirugarren laurden bikaina egin dute, eta partidan funtsezkoa izan den 40-19ko partziala sartu diote Israelgo taldeari.
Jaume Ponsarnau, asteazkeneko Surne Bilbao-Szombathely FIBA Europa Kopako partidaz: “Etxean jokatzen dugula aprobetxatu behar dugu”
Asteazkenean, 20:00etatik aurrera, Surne Bilbaok Szombathely taldearen aurka jokatuko du Miribillan. FIBA Europa Kopako finalerdietako itzuliko partida da, eta, hortaz, finalerako txartela jokoan da; Bilboko taldeak 17 puntuko aldea eskuratu zuen joaneko neurketan. EITBk zuzenean emango du partida, kirolakeitb.eus-en eta ETB1ONen.
Baskoniak laugarren garaipena jarraian lortu du Ligan, Baxi Manresa menderatuta (83-88)
Kosner Baskoniak bolada onean jarraitzen du, laugarren garaipena jarraian lortu baitu Endesa Ligan. Gasteizko taldeak Baxi Manresa garaitu du Nou Congosten, 83-88. 2-11ko partzialak eta Timothe Luwawu-Cabarrotek (27 puntu) eta Trent Forrestek (20 puntu) egindako lanak Baskoniaren alde jarri dute partida. Arabako taldeak 18 partida irabazi eta 7 galdu ditu orain arte.
Surne Bilbaok 90-74 menderatu du Unicaja, play-offetara hurbiltzeko
Surne Bilbaok Endesa Ligako play-offetarako hautagaitza aurkeztu du, Unicajaren aurka garaipen garrantzitsua eskuratuta (90-74). Zortzigarren sailkatuarekin berdinduta kokatu da, 15 garaipenekin, nahiz eta Malagako taldeak baino partida bat gehiago izan jokatuta.
Lointek Gernikaren garaipena eta Kutxabank Araskiren eta IDK Euskotrenen porrotak 26. jardunaldian
Bizkaiko taldea izan da puntuak lortu dituen bakarra, eta Araskik jaitsiera postuetan jarraitzen du.
Baskoniak berriro irabazi dio Real Madrili (98-96)
Gasteizko taldeak bere izaera berreskuratu du eta zuriak kolpatu ditu, duela bi hilabete Errege Kopako finalean bezala.