Lagun Arok zulotik irten ezinik jarraitzen du
Gipuzkoako taldeak denboraldiko bosgarren porrota jaso du, Mad-Croc Fuenlabradaren aurka (75-86). Sito Alonsoren taldeak erasoan arazo ugari izan ditu, eta Madrilgo taldeak defentsa sendoarekin eta eraso eraginkorrarekin garaipena eskuratu du Ilunben.
Lagun Aro GBCk partida oso txarto hasi du erasoan, eta Mad-Croc Fuenlabradak 0-12ko partzial garrantzitsua eskuratu du. Donostiako taldeak soilik 9 puntu lortu ditu aurreneko laurdenean, eta emaitza 9-22koa izan da.
Bigarren laurdenean Gipuzkoa Basketek markagailua estutzeko gogor sakatu du kantxan, eta Raul Netoren eta Dani Diezen saskiraketei esker, Sito Alonsoren gizonek 31-39koa jarri dute markagailuan. Hala ere, Fuenlabradak defentsa sendotu egin du berriro, eta Feldeinek ederki gidatu du taldea. Atsedenaldian, 34-50 markagailuan goitik izan dira Porfi Fisacen mutilak.
Atsedenaldiaren ostean Madrilgo taldeak 0-6ko partzial ona eskuratu du, eta Lagun Aro GBCk erasoan gaizki jarraitu du (34-56). Gipuzkoako taldeak ezin izan du Fuenlabradaren erasoa gelditu, eta neurketa pixkanaka Porfi Fisacen taldearen alde erabakitzen joan da (50-69).
Donostiako taldeak hirukoekin markagailuko aldea murritzen saiatu da, baina Fuenlabradak bikain defendatu du, eta Sito Alonsoren mutilek ezin izan dute markagailua irauli. Raul Netok eta Kuksiksek Lagun Aro lau puntura jarri dute (73-77), bi minuturen faltan, baina Fisacen taldeak sendotasuna erakutsi du une garrantzitsuetan eta Madrilgo taldeak garaipena eskuratu (75-86).
Fitxa teknikoa:
75 - Lagun Aro GBC: Salgado (9), Papamakarios, Woods (5), Rubio (2), Ibekwe (7)-hasierako bostekoa- Neto (13), Korolev (3), Doblas (6), Kuksiks (13), Diez (17), Olaizola.
86 - Mad-Croc Fuenlabrada: Mainoldi (17), Cortaberria (1), Sene (2), Gladyr (20), Colom (9)-hasierako bostekoa- Vega (6), Laso, Feldeine (15), Charles García (6), Sergio Sanchez (10), Alvaro Muñoz.
Zure interesekoa izan daiteke
Kosner Baskoniak Bartzelonara bidaiatuko du Euroligan bisitari moduan lehenengo garaipenaren bila
Paolo Galbiatiren taldeak Bartzelonaren aurka jokatuko du, azkeneko hauek Joan Peñarroya kaleratu zutenetik jokatu dituzten hamaika partidetatik hamar irabazi dituzte. Euskal taldea taldea konfiantzarekin ailegatzen da neurketara, Monakoren kontra, Buesa Arenan lortutako garaipenaren ondoren.
Lointek Gernikak Villeneuve d 'Ascq txapeldunaren aurka neurtuko ditu indarrak final-zortzirenetan
Frantziako taldea egungo txapelduna eta berriro irabazteko hautagai nagusia da. Joaneko partida urtarrilaren 15ean jokatuko da, ostegunean, Malosten, eta itzulikoa 22an, ostegunean, Frantzian.
Kosner Baskoniak sendo jarraitzen du Buesa Arenan, Monako 85-73 mendean hartuta
Gasteizko taldeak Monakokoari irabazi zion; horrenbestez, etxean jarraian lortzen duten seigarren garaipena da.
Surne Bilbaok Prievidza menderatu du (46-83), eta sendo jarraitzen du FIBA Europa Kopan
Txapelketako bigarren fasean, euskal taldeak bi partida jokatu ditu, eta bietan lortu du garaipena, Eslovakiako taldearen kantxan irabazita.
Lointek Gernika 19 puntuko errenta galtzeko zorian izan da Pecsen aurka Hungarian, baina sailkatzea lortu du, ozta-ozta
Lucas Fernandezen jokalariak markagailuan atzetik ibili dira partida osoan zehar, eta ikaragarri sufritu dute hurrengo faserako txartela lortzeko.
IDK Euskotren, Kutxabank Araski eta Lointek Gernika taldeek galdu egin dute Endesa Ligan
Hiru euskal taldeek asteburu zaila izan dute, eta porrotek are gehiago estutu dute Kopako postuetarako borroka.
Surne Bilbaok garaipen sendoa lortu du Hiopos Lleidaren aurka Miribillan (93-75)
Beltzezko gizonek nagusitasunez irabazi dute, markagailua oso parekatuta joan bada ere, etxekoek oso indartsu amaitu baitute partida.
Kanaria Handia-Kosner Baskonia bertan behera utzi dute, "Emilia" denboraleagatik
Ekaitzaren ondorioz, Kanaria Handiko Kabildoak kirol-instalazio guztiak itxi behar izan ditu.
Pablo Laso, Anadolu Efes taldeko entrenatzaile berria 2027ra arte
Bere azken denboraldian Baskoniaren buru izan ostean, gasteiztarrak bi aldiz Euroligako txapeldun izan denaren gidaritza hartuko du.
Kosner Baskoniaren lanak ez du saririk izan Real Madrilen aurka (94-87)
Howard inspiratu batek zuriak estutasunetan jarri ditu azken laurdenean, baina ez da nahikoa izan etxetik kanpo arabarren beste porrot bat saihesteko.