Jai Alai League
2023/08/13 - 17:07
Erkiagak eta Del Riok Grand Slama irabazi dute, Gernikan
Aritz Erkiagak eta Julen del Riok Gernikako Grand Slameko txapeldunak dira. Bikoteak 15-9 eta 15-10 gainditu zituzten Unai Lekerika eta Johan Sorozabal.
2023/08/12 - 16:58
Zabalak ez du Gernikako Grand Slameko finala jokatuko; Lekerikak ordezkatuko du
Zabala lesionatu egin da, eta ezingo du jokatu Gernikako Grand Slameko finala. Ondorioz, Lekerikak osatuko du bikotea Johanekin finalean. Erkiagaren eta Del Rioren kontra lehiatuko dira.
2023/08/06 - 17:17
Erkiaga-Del Rio eta Johan-Zabala bikoteek jokatuko dute Gernika Jai Alai Grand Slameko finala
Erkiagak ea Del Riok Goikoetxea eta Manzi menderatu zituzten, bi jokotan (15-13 eta 15-5), lehen finalaurrekoan; bigarrena, aldiz, lehen jokoan bertan behera gelditu zen, Jean Olharanen lesioagatik.
2023/08/06 - 17:11
Jean Olharan lesionatu egin da, Gernikan, Grand Slamen; erradiografiak ez du hezur hausturarik antzeman
Paueko aurrelariak eskuineko hankan hartu zuen min, larunbatean, finalaurrekoan. Astelehenean, ekografia egingo diote, lotairuren bat hautsita duen aztertzea helburu.
2023/08/04 - 16:27
Barandika: ''Badirudi apurka-apurka apurtzen joan den gauza bat dela, erremate finala duela bi aste eman du''
Xabi Barandikak ezin izango du denboraldia bukatu lesio batengatik. Medikuak esan dio lotailu gurutzatua haustea denbora kontua dela, eta, horrez gain, ebakuntza egingo diote.
2023/08/02 - 22:33
Xabi Barandikak denboraldi osoa galduko du, hautsita baitu eskuin belauneko lotailu gurutzatua
Abuztuaren 2an egin diote bigarren erresonantzia, eta, lesioa baieztatu denez, epe luzez egongo da jokatu ezinda. Ebakuntza egingo diote abuztuaren 22an.
2023/07/11 - 18:54
Gernika Grand Slam, uztailaren 15etik abuztuaren 12ra
Astearte honetan aurkeztu da Gernikako Grand Slameko 6. edizioa. Uztailaren 15ean hasi eta abuztuaren 12an bukatuko da. Partida guztiak Jai Alai Frontoian jokatuko dira eta 5 jardunaldiko txapelketa izango da.
2023/07/01 - 16:54
Agur hunkigarria Iñaki Osa Goikoetxeari Zumaian
Iñaki Osa Goikoetxea puntistak azkenengoz jokatu zuen profesional gisa Zumaian, bere etxean. Jai Alai Winter Series txapelketa jokatu ostean utziko du zesta-punta profesionala. Bere jaioterrian jokatutakoa oso neurketa berezia izan zen Goikorentzat.
2023/06/29 - 01:16
Jai Alai Summer Season King Series txapelketa berritzailea aurkeztu dute
Donostiako Santa Klara irlan aurkeztu dute txapelketa. San Fermin Torneoa ordezkatuko du, eta berritasun ugari izango ditu. Lau bikote arituko dira nor baino nor gehiago. Urrizak eta Ansak atzelari moduan jokatuko dute; Barrenetxeak eta Azpirozek, berriz, aurrelari postuetan.
2023/06/24 - 19:16
Goikoetxeak azkenengoz jokatu du Markina-Xemeinen
Ekainaren 23an Iñaki Osa Goikoetxeak azkenengoz jokatu zuen Markina-Xemeingo pilotalekuan. Atain bikotekide zuela, galdu egin zuen Olharanen eta Zabalaren aurka. Lehen seta 15-12 irabazi arren, bigarrena galdu egin zuten (10-15). Joko erabakigarrian tanto bakarragatik galdu zuten (4-5).
2023/06/20 - 22:55
Iñaki Osa Goikoetxeak hurrengo Winter Series txapelketa amaituta pilotari izateari utziko diola iragarri du
Puntista zumaiarrak prentsaurrekoan esan du, asteartean. Goikok 43 urte beteko ditu, uztailaren 10ean; pilotari gisa erretiroa hartuta, Eraman enpresako kirol arduradun bezala hasiko da lanean.
2023/06/20 - 22:52
Iñaki Osa Goikoetxea: ''Nire onenak eman ditut eta erretiroa hartzea erabaki dut''
27 urteko ibilbide arrakastatusaren ostean, Iñaki Osa Goikoetxeak Winter Series txapelketa bukatzean hartuko du erretiroa. Hortik aurrera, kirol zuzendari lanak egingo ditu Eraman enpresan.
2023/06/20 - 20:10
Iñaki Osa Goikoetxea: 27 urtez profesional gisa, historiako zestako pilotari onenetako batentzat
Zumaiarrak hurrengo Winter Series txapelketa amaituta utziko dio pilotaria izateari.
2023/06/18 - 15:35
Goikoetxeak eta Gorkak irabazi dute Donostiako Grand Slama
Goikoetxeak eta Gorkak zesta-puntako Donostiako Grand Slama irabazi dute, finalean Erik eta Del Rio bikotea mendean hartuta 15-9 eta 15-8ko emaitzarekin.
2023/06/10 - 18:23
Goikoetxea eta Gorka, Donostiako Torneoko finalera
Gaur goizean, Donostiako Grand Slameko finalerdian, Goiko eta Gorka Sorozabal, bi setetan nagusito zaizkie Johan Sorozabal eta Lopezi (15-12 eta 15-14). Bikote finalistak Erik eta Lekerikaren aurka jokatuko dute hurrengo larunbatean.
2023/06/07 - 13:02
Markina-Xemeingo Grand Slama, ekainaren 9tik uztailaren 16ra artean
Ekainaren 9an hasiko da 2023ko Markina-Xemeingo zesta-puntako Grand Slama, eta finala uztailaren 16an jokatuko da. Sei bikote ariko dira lehian. A multzoan egongo dira: Erkiaga-Ibarluzea, Goitia-Lopez eta Barandika-Basque. B multzoan, aldiz, Goikoetxea-Atain, Arbe-Lekerika eta Olharan-Zabala.
2023/05/11 - 00:28
Zesta-puntako Grand Slama, Donostian larunbatetik aurrera
Txapelketa Donostian aurkeztu dute. Sei bikote ariko dira lehian. Maiatzaren 13an jokatuko da estreinako partida eta finala ekainaren 17rako dago aurreikusita.
2023/05/05 - 18:20
Erkiaga-Zabala eta Sorozabal-Lejardi, txapeldun Donibane Lohizuneko All Starrean
Erkiagak eta Zabalak 12-15 eta 7-15 irabazi zieten Goiko eta Inza lesionatuaren ordez aritu zen Laborderi. Emakumezkoetan, Sorozabal eta Lejardi gailendu ziren Arakistain eta Laugie-ren aurrean 15-5 eta 15-7.
2023/05/04 - 18:05
Gaur gauean 23:30ean Donibane Lohizune Txapelketako finala ETB1en eta eitb.eus-en
Gaur Donibane Lohizune Txapelketako finalak jokatuko dira. Gizonezkoetan, Goikoetxeak eta Inzak, Erkiaga eta Zabala izango dituzte aurkari. Emakumezkoetan, berriz, Sorozabalek eta Araik, Ihar eta Aude Laugie izango dituzte aurrez-aurre. Ikusi ahalko da ETB1-en eta eitb.eus-en 23:30etatik aurrera.
2023/04/29 - 17:05
'Eraman!', zesta-puntako enpresa berria aurkeztu dute Gernikan
Jokalaririk onenak bilduko ditu helburu bikoitzarekin: kirolariak profesionalizatzea eta kirola egonkortzea.