Euskadik Filipinak menderatu ditu (15-5, 15-5) eta Espainiaren aurka galdu du (5-15, 7-15), Nazioen Ligan
Euskadiko gizonezkoen selekzioak Filipinetakoa menderatu du, bi jokotan, 15-5 eta 15-5, eta Euskadiko emakumezkoen selekzioa galtzaile irten da Espainiakoaren aurka, bi jokotan, 5-15 eta 7-15, 2025eko Jai Alaiko Nazioen Ligako ligaxkako laugarren eta azken jardunaldian, Gernika-Lumon, asteazkenean. Hala, gizonezkoen txapelketan, Euskadik, B multzoko lehen sailkatua bera, Espainiaren aurka jokatuko du finalerdietan, ostegunean, 22:00etatik aurrera, ostiraleko final handirako txartela eskuratzea helburu; emakumezkoen txapelketari dagokionez, ordea, Euskadik final handia jokatuko du, ostiralean, Espainia aurkari, 21:00etatik aurrera.
Gizonezkoen txapelketan, Eñaut Urreistik eta Unai Lekerikak debuta egin dute Euskadiko selekzioarekin, eta nagusitasunez irabazi dute, bi jokotan, 15-5 eta 15-5, Filipinetako selekzioa aurkari; Robin Flores eta Carlo Benavente izan dira Filipinetako bikotean. Pentsatzeko modukoa zen Euskadi zela faborito, ligaxkari amaiera emango zion norgehiagokan, eta bete egin da gidoia, egia esan.
Ondo ibili dira Urreisti eta Leke, aurkariak baino hobeto; hori bai, Flores Filipinetako aurrelariak Gernika-Lumoko Jai Alain beste behin giro bikaina sortu duten zaleen txaloak jaso ditu, tanto eder batzuk egin baititu. Hala, Euskadik multzoko lider gisa bukatu du ligaxka, eta, finalaurrekoan, A multzoan bigarren sailkatu den Espainia izango du aurkari.
Emakumezkoen txapelketan, Euskadiko eta Espainiako selekzioak aritu dira nor baino nor gehiago; biak ala biak ostiraleko final handirako sailkatuta zeuden, eta asmoa zuten, alde batetik, multzoko aurreneko postua lortzea, eta, bestetik, aurkariari, nolabait, lehenengo kolpea jotzea. Testuinguru horretan, Espainiak lortu du garaipena, bi jokotan, 5-15 eta 7-15. Erika Mugartegi eta Arai Lejardi aritu dira Espainiako selekzioan, eta Elaia Gogenolak eta Maia Goikoetxeak osatutako bikotea baino gehiago izan dira.
Hobeto ekin dio partidari Espainiak, eta norgehiagoka osoan eutsi dio sendotasun horri. Erika ondo aritu da errematean, eta, atzean, Araik partida bikaina egin du, ia-ia akatsik gabekoa. Euskadiren aldetik, Elaiak, tanto polit batzuk eginda ere, ezin izan du hainbatetan emandako maila erakutsi, eta Maiari ere gauza bera gertatu zaio. Espainiako selekzioak merezita erdietsi du garaipena.
Txapelketako laugarren jardunaldian jokatu duten aurreneko partidan, Espainiak, Cosme Aguirre aurrelari eta Ruben Bailo atzelari, Mexiko menderatu du, bi jokotan, 15-6 eta 15-7; azken selekzio horretan, Gonzalo Sierrak eta Javier Ruiz Povedak osatu dute bikotea. Espainia gehiago izan da, bereziki lehenengo jokoan; izan ere, bigarrenean zazpina ere izan dira. Azkenean, Espainiak garaipen ezinbestekoa eskuratu du; hain zuzen ere, neurketa horretan finalaurrekoetarako txartel bat zegoen jokoan.
Zure interesekoa izan daiteke
Imanol Lopezek San Telmo egunean esango dio agur zesta-puntari, Zumaia Jai Alai Master Seriesen finalean
Astelehenean jokatu dute bigarren finalerdia, eta Erkiagak eta Lopezek Johan eta Ibarluzea kanporatu dituzte, bi jokotan, 15-9 eta 15-11; emakumezkoen txapelketan, Elaiak eta Fridak Helena eta Oaia menderatu dituzte, bi jokotan ere, 15-14 eta 15-12.
Donibane Lohizuneko All Starraren bosgarren edizioa aurkeztu dute
Donibane Lohizuneko All Starraren bosgarren edizioaren aurkezpena egin dute asteazken honetan. Gizonezkoena apirilaren 9an hasiko da eta emakumezkoena, berriz, 21ean. Finalak 28an izango dira eta Euskal Telebistan jarraitu ahal izango dira.
Olharan-Lekerika eta Ihart-Maialen, Zumaiako Master Serieseko finalera
Harmailetan giro ederra zela jokatu ziren atzo Zumaiako Master Seriesko finalerdiak, eta Ihart-Maialen eta Olharan-Lekerika bikoteak atera dira garaile bi jokotan. Olharanek eta Lekerikak 13-15 eta 11-15 hartu zituzten mendean Urreisti eta Uranga. Ihart eta Maialen 15-13 eta 15-5 nagusitu zitzaizkien Sorozabali eta Eneritzi.
12 puntista, 2026ko Banakako Laboral Kutxa zesta-punta txapelketan
Apirilaren 3tik 12ra lehiatuko dira, Berriatuko Mendibarren frontoian.
Imanol Lopezek, azken mende laurdeneko atzelari onenak, erretiroa hartuko du, jaioterrian
Zumaian erretiratuko da, apirilaren 6an, eta finalerdia irabazten badu, astebetera, San Telmo egunean. Zumaiako Master Seriesean, momentuko aurrelaririk onena izango du Lopezek lagun: Aritz Erkiaga.
Erika Mugartegi: “Sinetsi ezinda gaude oraindik; ea txapelketa gehiago egiten diren eta nesken zesta gehiago ikusten den”
Erika Mugartegi eta Frida Watkinsekin bildu gara Euskotren Winter Series txapelketa irabazi berritan. Oraindik sinetsi ezinda dauden arren, oso pozik daude lortutakoarekin. Aurtengo txapelketak emakumeen zestak aurreapausoak emateko balio izatea espero dute, hori baita beraien helburu eta nahia.
?fmt=webp-alpha&qlt=80)
Arai Lejardik eta Erika Mugartegik egin zituzten finaleko tantorik onenak
Arai Lejardi atzelariaren eta Erika Mugartegiren tanto hauek izan ziren Euskotren Winter Series finaleko tantorik ikusgarrienak. Araik, bi paretaz egin zuen, Erikak, berriz, errebotean bi.
Erkiagak eta Atainek irabazi dute Ezkurdi Jai Alai Master Series txapelketa
Astelehenean jokatutako finalean, Urreisti eta Lekerika menderatu dituzte, hiru jokotan, 15-11, 12-15 eta 5-1.
Erika-Frida bikotea, txapeldun, Helena eta Arai finalean hiru jokotan mendean hartuta
Markinarrak eta zumaiarrak iazko txapeldunei 15-8, 4-15 eta 5-2 irabazi diete. Lau Winterretik hiru jokatu ditu Erikak, eta hiru-hirurak irabazi. Fridak, ordea, txapelketako lehen garaipena du.
Erika Mugartegi: “Hirugarren jokora bigarrena galduta iritsi gara; nahiko gaizki, egia esan, baina zerotik hasi gara"
Erika Mugartegik eta Frida Watkinsek hiru jokotan (15-8, 4-15 eta 5-2) mendean hartu dituzte iazko txapeldunak, Helena Barrenetxea eta Arai Lejardi, Euskotren Winter Serieseko finalean, Durangoko Ezkurdi pilotalekuan.