Urrutikoetxea-Olaizola II.a, Buruz Buruko finala
Bilboko Bizkaia pilotalekuak Buruz Buruko finala hartuko du gaur. Bertan, Aimar Olaizolak eta Mikel Urrutikoetxeak neurtuko dituzte indarrak, Goizuetakoa faborito dela. Aimarrek bere bosgarren txapela jantzi nahi du.
Aurrelari nafarrak esperientzia zabala du alde, txapeldun izan da 2005, 2007, 2012 eta 2013ko edizioetan, eta azpitxapeldun izan da beste lau alditan. Ondorioz, apustuetan dirua bere alde izango da. Urrutikoetxearentzat, berriz, lehen finala izango da, Oinatz Bengoetxeak lesio baten ondorioz partida jokatzeari uko egin ostean.
Bengoetxea VI.ak atzamar bat hautsi zuen finalerako entrenatzen ari zela. Bi asteko atzerapena eman zioten, baina azkenean jokatzeari uko egin behar izan zion, atzamarrak ez baitzuen jokatzeko moduan. Ondorioz, finaleko txartela Urrutikoetxeak lortu zuen, txapelketako sailkapenean hirugarren zegoelako.
Protagonistak
Urrutikoetxeak 26 urte ditu eta Buruz Burukoan aritzeko ezaugarri onenak dituen bizkaitarra da. Historian sartzeko aukera du igandean, 38 urte igaro baitira bizkaitar batek Buruz Buruko txapela azken aldiz jantzi zueneatik. Iñaki Gorostiza izan zen, 1977. urtean.
Hala ere, Zaratamokoarena ez da erronka makala. Lanak izango ditu Aimar Olaizola mendean hartzeko. 35 urteko nafarra sasoi onean iritsi da finalera eta egungo izar handienetako bat da, Juan Martinez de Irujorekin batera.
Buruz Buruko lau txapela, Lau t?erdiko zazpi eta Binakako bi irabazi ditu Aimarrek. Igandeko finala finalaurrekoan Irujori 22 eta 15 irabazita jokatuko du.
Pilotak
Material aukeraketa ostegunean egin zuten bi protagonistek, inolako arazorik gabe. Olaizola II.ak 105,4 eta 105.2 gramoko bi pilota aukeratu zituen, Urrutikoetxeak hartutakoak baino apur bat azkarragoak. Bizkaitarrak aukeratutako pilotek 105,4 eta 104,7 gramoko pisua eman zuten.
Zuzenean, ETB1en eta eitb.eus-en
Pilota jaialdia 17:00etan hasiko da eta finala jaialdi horreko bigarren partida izango da. ETB1ek eta eitb.eus-ek zuzenean emango dute jaialdia. Atariko partidan Danel Elezkanok eta Ladis Galarzak Iker Irribarriaren eta David Merinoren aurka jokatuko dute.
Zure interesekoa izan daiteke
Dario Gomezek arantzaz beteriko ibilbidea izan du txapelaren loria lortu arte
Aurrelari errioxarrak 2015eko ekainaren 14an egin zuen debuta profesionaletan, Asperen eskutik, Logroñoko Adarraga pilotalekuan. Buruz buruko txapeldunaren ibilbide profesionala zailtasunez beteta egon da, arritmia arazoak izan zituen eta urte luzez arazo ugari eskuekin.
Dario Gomez: “Gorriz jantzita pasako dut urte osoa, ametsik onenetan ere ez nuen halakorik aurreikusten”
Dario Gomezek, egungo Buruz Buruko txapeldunak, elkarrizketa bat eskaini du Ezkaraiko plazatik. Errioxarrak, garaipenarekin pozik, "txapelketa amestutakoa baino askoz hobea" izan dela eta "aurretik datorren guztian pentsatzen" ari dela esan digu. (Bideoa gazteleraz)
2026ko Buruz Buruko Txapelketako sailkapenak, emaitzak eta egutegia
2026ko Buruz Buruko Txapelketa apirilaren 3an hasiko da, eta maiatzaren 31n bukatu. Finala Nafarroa Arenak hartuko du.
Ezkaraitarrek ongietorri beroa egin diote Dario Gomez txapeldunari
Dario Gomez Buruz Buruko txapeldun berriari harrera beroa egin diote Ezkarain. Eskertuta eta hunkituta agertu da errioxarra.
6-21ekoa, finaleko tantorik onena: Dariok pilotakada bikaina emanda amaitu du
Buruz Buruko final handiko azken-aurreko tantoan, bi pilotariak bizi-bizi aritu dira, defentsa ederra egin dute eta, pilatutako nekea gorabehera, Nafarroa Arena bete duten zaleei biziki gozarazi diete.
Botileroen finala: “Oparirik ez egiteko momentua da!"
Dario Gomezen eta Iñaki Artolaren botileroek protagonismoa izan dute Nafarroa Arenan jokatutako final handian.
Miguel Capellan, Darioren entrenatzailea Ezcarayn: “Badakizu zer egin duen Dariok? Sinestezina da!”
Buruz buruko txapeldun berriak Miguel Capellan izan zuen entrenatzaile. Nafarroa Arenan jokatutako finala ikusi eta aurrelari errioxarrak txapela jantzi ostean, Capellanek, hunkituta, urte haiek ekarri ditu gogora.
Balba Gil, Darioren ama: “Niretzat, nire semea nire txapelduna da”
“Bere bizitza osoko ametsa da”, esan du Balba Gil 2026ko Buruz Buruko Txapelketako txapeldunaren amak, semeak Nafarroa Arenan txapela irabazi ostean. Dario argi menderatu du Iñaki Artola finalean: 6-22.
Dario Gomez: “Hurrengo pilotakadan baino ez nuen pentsatu nahi”
Dario Gomez Aspeko pilotariaren adierazpenak, 2026ko Buruz Buruko Txapelketa irabazi eta txapela jantzi ondoren. (Adierazpenak gaztelaniaz)
Finaleko azken tantoa eta sari banaketa
Dario Gomez da 2026ko buruz buruko txapelduna. Igandean, Iruñeko Nafarroa Arenan jokatutako finalean, Aspeko pilotariak 6-22 menderatu du Iñaki Artola, eta garaipen horri esker txapela eskuratu du.