Albiste da:

Jokatzeko geratzen diren bi partidak, zuzenean ETB-1en eta eitb.com-en

ETB-1ek eta EiTB.com-ek zuzenean eskainiko dituzte. Ostiralean Xalak eta Idoatek neurtuko dituzte indarrak, eta larunbatean Olaizola II.aren eta Julen Retegiren txanda izango da.

Xala, artxiboko irudia. Argazkia: EITB

ERREDAKZIOA

2014/05/26 - 02:00

Azken eguneratzea

2014/05/26 - 17:41

Asteburu honetan jokatuko dira jardunaldia bukatzeko falta diren final-laurdenetako partida biak, Buruz Burukoan.

ETB-1ek eta eitb.com-ek zuzenean eskainiko dituzte. Ostiralean, Gasteizen, Xalak eta Idoatek neurtuko dituzte indarrak, eta larunbatean Olaizola II.aren eta Julen Retegiren txanda izango da, Donostian (17:00).

Urrutikoetxea zuzenean sailkatu zen finalerdietarako Zabaletaren lesioaren ondorioz, eta Juan Martinez de Irujok igandean eskuratu zuen txartela, Beroiz mendean hartuta (22-13).

Irujo-Urrutikoetxea finalerdia, ekainaren 7an Bilbon

Buruz Buruko Irujo-Urrutikoetxea finalerdian ekainaren 7an jokatuko da, Bilboko pilotalekuan, jakitera eman du gaur Enpresen Ligak.