Bainetek ASPEren kontrola hartu du, Fernando Vidarteren akzioetako gehienak eskuratuta
Eibarreko enpresako administratzaile bakar ohiak agur esan du, astelehenean, prentsaurrekoan. Vidartek ziurtatu du ASPEk “berdin” jarraituko duela, eta “Baikoren aurka lehiatuko” dela; halaber, onartu du ez duela pilotariekin hitz egin.
Fernando Vidarte, prentsaurrekoan. Argazkia: EITB.
Bainetek ASPEren kontrola hartu du, orain arte ASPEko administratzaile bakarra izan den Fernando Vidarteren akzioetako gehienak eskuratuta. Vidartek agur esan du, astelehenean, prentsaurrekoan. Vidartek ziurtatu du ASPEk “berdin” jarraituko duela, eta “Baikoren aurka lehiatuko” dela; halaber, onartu du ez duela pilotariekin hitz egin.
Hala, Fernando Vidarte komunikabideen aurrean azaldu da, EITBk igande arratsaldean eman zuen albistearen gaineko xehetasunak ematea helburu, alegia, Bainetek Fernando Vidartek ASPEn zituen akzioak eskuratu dituela adieraztea. Enpresariak nabarmendu du amaitu egin dela “28 bat urteko bidaia”, eta bi argudio eman ditu, akzio gehienak saltzeko erabakia azaltze aldera: osasuna eta ilusio falta. Vidartek iragarri du “lotura txikia” izango duela aurrerantzean ere ASPEren barnean.
Erabakia “gogorra, baina beharrezkoa” izan dela adierazi du. Horren ondorioz, Bainetek hartu du ASPEren kontrola, eta nabarmendu duenez, espero du Bainetek proiektua “zaindu” egingo duela, eta “hazten lagunduko” diola.
Kazetarien galderei erantzunez, Vidartek zehaztu du ASPEk “Eibarren jarraituko” duela, eta enpresaren jarduerak orain arte bezala segituko duela: “Hori bai, orain jabea beste bat da, Bainet”. Ildo horretan, azpimarratu du ASPEk “Baikorekin lehiatuko den enpresa bat” izango dela, eta ASPEren izpirituak bere horretan” jarraituko duela.
Vidartek onartu du ez dela gauza zehazteko zenbateko pisua izango duen ASPEk enpresa berrian, eta adierazi du aukera dagoela Bainetek ondorengo egunetan prentsaurrekoa deitzeko. Nabarmentzeko modukoa da Jorge Vidartek, alegia, Fernando Vidarteren aitak, enpresan jarraituko duela, gerente lanetan.
Enpresariak azaldu du “bizpahiru talderekin” izan dela hizketan, akzioak saltzeko, eta adierazi du uste duela ez dela “monopoliorik” izango. Zehaztu duenez, ez du ASPEko pilotariekin hitz egin; horiek “duela egun batzuk” izan dute erabakiaren berri: “Erabateko diskrezioaz egin da dena, pentsatzen genuen hala behar zuela”, esan du. Onartu ere onartu du uste duela pilotariak minduta sentitu ahal direla; Vidarte horiekin hitz egiteko prest azaldu da, oraindik datarik ez duen bilera batean.
“Denak bere horretan jarraituko du”, berretsi du, “pilotak berdin jarraitu behar du”, esan du Fernando Vidartek.
Zure interesekoa izan daiteke
Elordik eta Zabaletak garaipen garrantzitsua lortu dute bigarren postua sendotzeko (22-18)
Elordik eta Zabaletak 22-18 irabazi diete Larrazabal eta Mariezkurrenari, Binakako Txapelketako 13. jardunaldian. Partida oso lehiatuta egon da, Mariezkurrenak min hartu duen arte.
Iker Larrazabal, ur-aparretan
Sailkapenaren estuasunak ikusita gaurko puntua oso garrantzitsua da bi bikoteentzat. Aspekoek Baikokoek baino puntu bat gehiago dute. Neurketa horri buruz hitz egiteko Iker Larrazabalekin izan gara.
Beñat Rezustaren muturreko bi egoerak, hilabete gutxitan
Iaz, Ezkurdiarekin batera, Binakako Txapelketan nagusi izan ostean, gainbehera egin du Rezustaren ibilbideak, eta ezin buelta emanda dabil aurten. Zer-nolako sentipenak dituen kontatu du elkarrizketa honetan, aurten bere faboritoak zein diren azaldu du.
Laso eta Albisu berriro garaile, Elordi eta Zabaleta menderatuta (17-22)
Lasok eta Albisuk 11. garaipena lortu dute Binakako Txapelketako 12. jardunaldian, Elordi eta Zabaleta 17-22 menderatuta. Gorriak 9-5 aurreratu dira lehen erdian, baina urdinek 11-11ko berdinketa lortu dute gero, eta hortik aurrera nagusi izan dira.
Zabalak eta Martijak mendean hartu dituzte Larrazabal eta Mariezkurrena II.a (22-21)
Zabala eta Martija nagusitu dira Irungo Uranzu frontoian Larrazabalen eta Mariezkurrena II.aren aurka jokatu duten partidan. Zabala ez da sentsazio onekin atera kantxara, frontoi irregularra eta zaila dela iritzita, baina gorriak pozik atera dira partida gorabeheratsuan lortutako emaitzarekin.
Peña II.ak Artola ordezkatuko du eta Laso berragertuko da asteburuan
Binakako Txapelketako hamabigarren jardunaldia behartutako ordezkapenek eta espero ziren itzulerek markatuta dator, mugimendu nabarmenekin bai Lehen Mailan baita B Seriean ere.
Jon Ander Albisu, Binakako Txapelketaz: “Kantxan gozatzen ari naiz”
Jon Ander Albisu Binakako Txapelketa ona egiten ari da Unai Laso aurrelariarekin batera. Emaitzak alde, Albisuk buruan du txapela lortzea, baina oraindik bide luzea du aurretik. Berarekin izan gara Ataunen, bere sorterrian.
Iñaki Artolak ezker eskuko laugarren hatza hautsi du
Baikok jakinarazi duenez, Alegiako pilotariak kolpea hartu zuen larunbatean Donostian jokatu zen Binakako Txapelketako partidan, eta falange distala hautsi zitzaion.
Peñak Lasoren papera bete du Altuna eta Ezkurdia garaitzeko (14-22)
Peña II.ak eta Albisuk 14-22 garaitu dituzte Altuna eta Ezkurdia Binakako Txapelketaren 11. jardunaldian. Baikoko bikoteak ziurtatuta zuen sailkapena, baina Aspekoak kontuz ibili beharko du azken jardunaldietan.
Karlos Arguiñano: "Gauzak bere tokian jarri nahi ditugu, modu onean; ez da inor kalean geldituko"
Bainet enpresako jabeak lasaitasun mezua igorri nahi izan die pilotariei eta pilotazaleei Bainetek Asperen kontrola hartu ostean.