Kilian Jornet eta Sylvia Nordskar, 2024ko Zegama-Aizkorri mendi maratoiko garaileak
Kilian Jornet eta Sylvia Nordskar dira 2024ko Zegama-Aizkorri mendi maratoiko irabazleak. Giroa bikaina izan da Aizkorriko maldetan, baita Zegaman ere, irteeran zein helmugan.
Gizonezkoen mailan, Kilian Jornet izan da jaun eta jabe. Kataluniarra hasieratik jarri da buruan, eta helmugako marra gurutzatzen lehena izan da, 3 ordu, 38 minutu eta 8 segundoko marka eginda. Hamaikagarrenez irabazi du Zegama-Aizkorri mendi maratoia. Elhousine Elazzaoui helmugaratu da bigarren postuan, 8 minutu eta 8 segundora, eta Bartlomiej Przedwojewski izan da hirugarren, 8 minutu eta 45 segundora.
Emakumezkoen mailako lasterketan, Sylvia Nordskar izan da garailea, 4 ordu, 29 minutu eta 13 segundoko markarekin. Lasterketaren buruan egin du probaren zati handiena, eta garaipenak ez dio ihes egin. Malen Osa euskalduna izan da bigarren, 6 minutu eta 7 segundora, eta Marta Martinez asturiarra izan da hirugarren, irabazleak baino 6 minutu eta 27 segundo gehiago erabilita.
Zure interesekoa izan daiteke
2026ko maiatzaren 17an jokatuko da XXV. Zegama-Aizkorri mendi maratoia
Mendi maratoirik entzutetsuenak urtarrilaren 12an irekiko du aurretiko izen-ematea, eta otsailaren 20an zozketatuko ditu dortsalak.
2026an ez da Ehunmilak ultratrail lasterketa egingo
Ehunmilakeko antolatzaileek iragarri dute 2026an ez dela lasterketarik egingo, antolatzaileen egoera pertsonala eta zailtasun ekonomikoak direla eta. Proiektuari heldu nahi diotenek atea zabalik dutela gaineratu dute.
Aitor Ajuria eta Lide Urrestarazu nagusitu dira Gorbeia Suzien lasterketan
Gorbeia Suzien probaren 12. edizioak euskal korrikalariak izan ditu protagonista. Aitor Ajuria izan da gizonik azkarrena, eta emakumezkoetan, garaipena lortzeaz gain, errekor berria ezarri du Lide Urrestarazuk.
800 korrikalaritik gora lehiatuko dira Gorbeia Suzien mendi-lasterketan
Gorbeia Suzien mendi-lasterketa larunbatean jokatuko da, Zeanurin. 800 korrikalari pasatxo lehiatuko dira, bi distantziatan: 32 kilometrokoan eta 21 kilometrokoan. Proba zuzenean ikusi ahalko da, 08:45etik aurrera, ETB1en eta eitb.eus atarian.
Gorbeia Suzien, mendi-lasterketa bat baino gehiago
Gorbeia Suzien mendi-lasterketaren 12. edizioa lehiatuko dute larunbat honetan, irailaren 27an. Zeanuriko plazan hasita, 32 kilometroko ibilbide gogorra egin beharko dute parte-hartzaileek.
Eba eta Magali ama-alaben sentipenak, Gorbeia Suzien lasterketaren atarian
Eba eta Magali ama-alabak dira, eta mendi-korrikalariak. Magali izan da urte askoan ama iritsi zain egon dena; orain, ordea, lekukoa eskuz aldatzen hasi da. Haien sentipenak kontatu dituzte elkarrizketa honetan.
Sara Alonso atletak agur esan dio denboraldiari, behi batek eraso egin baitio
Gertakaria entrenatzen ari zela jazo da. Korrikalari donostiarrak hainbat kolpe hartu ditu, eta saihets bat hautsita dauka. Horrenbestez, iragarri du amaitu egin zaiola lasterketen denboraldia.
600 bat parte-hartzaile arituko dira, igandean, 2025eko Camille Extreme lasterketan
Izaban hasi eta amaituko da proba, ibilbideak 32 kilometro izango ditu, eta desnibel positiboa 2.000 metrotik gorakoa da. Asteazkenean aurkeztu egin dute, Iruñean.
Sara Alonso Zegama-Aizkorriko garailearen amets gozoa
Sara Alonsok 2025eko Zegama-Aizkorri mendi-lasterketa irabazi zuen. "Ametsa beteta" geratu dela adierazi du, eta garaipenak indarra eman diola datozen erronketan ere podiuma bilatzeko.
Elhousine Elazzaoui eta Sara Alonso nagusitu dira Zegama-Aizkorri mendi maratoiaren 24. edizioan
Elhousine Elazzaoui marokoarra eta Sara Alonso donostiarra gailendu dira Zegama-Aizkorri mendi maratoian, biek ala biek indar erakustaldia eginda. Lehen aldiz irabazi dute, gainera, mendi lasterketa entzutetsua.