Rahm lider jarri da Genesis Invitational torneoan, hiru kolpeko aldearekin
Jon Rahm euskal golflariak bikain jardun zuen larunbatean, Pacific Palisades zelaian jokatzen ari den (Kalifornia, AEB) Genesis Invitational txapelketan. Hala, parraz azpitik 6 kolpeko ibilbidea bete eta torneoko lidergoa eskuratu zuen, bigarren sailkatuarekiko hiru kolpeko abantaila aterata.
6 birdie erdietsi zituen eta ez zuen bogeyrik egin; hartara, Rahm -15eko emaitzara iritsi zen, eta horrek lehen bi jardunaldietan lider egondako Max Homa estatubatuarra gainditzea ahalbidetu zion. Homa bigarren da une honetan (-12).
Denny McCarthy estatubatuarrak baino ez zuen lortu (-7) Rahmek baino emaitza hobea larunbatean.
Barrikakoak bere hirugarren garaipena lortu nahi du urte hasiera bikain honetan (Sentry Tournament of Champions eta The American Express irabazi ditu dagoeneko), eta, lortuz gero, munduko sailkapeneko lehen postua berreskuratzeko aukera ere izan dezake.
Munduko sailkapen horretan Rahmek bi golf jokalari ditu aurretik: lehen postuan, Scottie Scheffler estatubatuarra dago une honetan (-5 pilatuta); bigarrenean, Rory McIlroy iparrirlandarra (-4 guztira).
Azkenik, Tiger Woodsek parraz azpitik -3ko emaitza pilatu du orain arte. Tiger bere lehen txapelketa jokatzen ari da joan den uztaileko Erresuma Batuko Openetik, aurreko sasoian egutegi osoan hiru hitzordu bakarrik jokatu ondoren: Augustako Mastersa, PGA Txapelketa eta aipatutako Opena.
Woodsek mina du oraindik orkatilan, 2021ean izandako errepide istripu larri baten ondorioz.
Zure interesekoa izan daiteke
Oier Ibarretxe boxeolariak, Parisen olinpikoa bera, Bilbon eginen du debuta profesional mailan
Oier Ibarretxek, 2024ko Parisko Jokoetan olinpikoa eta amateur mailan sei aldiz Espainako txapelduna bera, hurrengo martxoaren 14an eginen du debuta profesional mailan, Bilboko Casilla pabilioian, Bassam Laaoula alacantarraren aurka (1-0-1).
Oier Ibarretxe boxeolariak debut profesionala egingo du martxoaren 14an
Basque Teameko Oier Ibarretxe boxeolariak debuta egingo du profesional gisa, datorren martxoaren 14an, Casilla pabiloian. Hori dela eta, Galdakaoko kirolariak prentsaurrekoa egin du San Mamesen, xehetasunak emateko. Jon Fernandez izango da kartelburua, Somay Bilalen aurkako borrokan. Horiez gain, Jokin Garcia eta Gianluca Ceglia ere Bilbon izango dira; Ibarretxek, berriz, Bassam Laaoula izango du aurkari debutean.
MotoGPk lehen hiri-lasterketa egingo du 2027an, Adelaiden
Datorren urtetik aurrera, Australiako Sari Nagusia Adelaiden egingo da, ez Phillip Islanden. Lasterketa horrela egiteko akordioa gutxienez 2032ra arte egonen da indarrean.
Arrieta Rodriguez donostiarra 33. sailkatu da bere debut olinpikoan
Gipuzkoarrak 01:46.83ko marka egin du, bi jaitsierak pilatuta, Mikaela Shiffrin txapeldun olinpikoa (01:39.10) 00:07.73ra duela. Camille Rast suitzarrak (01:40.60) eta Anna Swenn Larsson suediarrak (01:40.81) osatu dute podiuma.
Kataluniako zirkuituak 2032raino luzatu du kontratua, eta bi urterik behin lasterketak hartuko ditu
1 Formulak 2026, 2028, 2030 eta 2032 urteetarako dauzka lasterketak aurreikusita Bartzelonan, Spa-Francorchamps zirkuituarekin aldizkatuko duen egutegian.
Klaebok historia egin du Neguko Jokoetan, bederatzigarren urre olinpikoa eskuratuta
29 urteko norvegiarra orain arte urrezko domina gehien lortu dituen kirolaria da, Bjorn Daehlieri, Marit Bjorgeni eta Ole Einar Bjornersi aurrea hartu baitie.
Anthony Kimek irabazi du Adelaideko LIV Golf txapelketa, ezustean, eta Jon Rahm bigarren sailkatu da
Golf jokalari estatubatuarra hamabi urtez izan zen goreneko mailatik kanpo. Adelaiden, txapelketako azken jardunaldian, Rahm eta Bryson DeChambeau menderatu ditu, hirugarren egunaren amaieran bi horiek lehen postuan izan arren, Kim atzetik segika 5 kolpera zutela.
Carlota Ciganda laugarren izan da Riaden, denboraldiko lehen txapelketan
7. zuloko bogey bikoitzak nafarrak garaipena lortzeko aukerak zapuztu ditu, eta sei birdie pilatu ditu 3, 6, 9, 15, 16 eta 17. zuloetan.
Salsamendik agur esan die Olinpiar Jokoei Klaebok urrea irabazi duen proban
Brasilekin lehiatu duen eskiatzaile nafarrak 97. postuan bukatu du estilo libreko iraupen-eskiko proba, hamar kilometroko distantzian.
Eguibarrek eta Romerok ez dute final-laurdenetako eta final-zortzirenetako langa gainditu, hurrenez hurren
Romerok azpimarratu du "pozik" dagoela egindako jaitsierarekin, baina "ez emaitzarekin". Bere aldetik, Eguibarrek erorikoa izan du, aurkarietako batek bidea itxi ondoren. "Badakit horrelakoak gerta daitezkeela, baina berak jakin behar du hori ezin dela egin", esan du donostiarrak haserre.