Carlota Cigandak bereganatu du Espainiako Irekia
Carlota Ciganda golf-jokalari nafarrak Espainiako Irekia irabazi du igande honetan, Emakumezkoen Europako Zirkuituko (Ladies European Tour) azken proba eta orain arte bere palmaresean agertzen ez zena. Cigandak 4 kolpeko aldearekin (-15) garaitu du Maka Stark suediarra (-11).
"Izugarri pozik eta hunkituta nago, aspalditik lortu nahi nuena da", azaldu du Cigandak Espainiako Golf Federazioak (RFEG) zabaldutako adierazpenetan.
Azken jardunaldiari ekin diotenean, Nafarroako golfistak hiru kolpeko abantaila zeukan hirugarren amaitu duen Atthaya Thitikul thailandiarrarekiko, eta ez du arazorik izan garaipena ziurtatzeko, parraren azpitik bost kolpe eginez bukatu baitu, 3 birdie eta eagle lortu ostean, bogeyrik egin gabe.
Gainera, Thitikulek zailtasunak izan ditu 1. zuloan (bogey) eta 15.ean (bogey bikoitza), eta horrek asko erraztu dio bidea Larraintzargoari.
Espainiako irekia Cigandak Europako Tourrean bereganatzen duen bosgarren txapelketa da. Aurretik irabazi zituen Deloitte Ladies Open (Herbehereak, 2012), China Suzhou Taihu Open (Txina, 2012), UniCredit Ladies German Open (Alemania, 2013) eta Estrella Damm Mediterranean Ladies Open (Espainia, 2019). Horrez gain, beste bi garaipen ditu LPGA zirkuituan: LPGA KEB Hana Bank Championship (Hego Korea, 2016) eta Citibanamex Lorena Ochoa Invitational (Mexiko, 2016).
Zure interesekoa izan daiteke
Oier Ibarretxe boxeolariak, Parisen olinpikoa bera, Bilbon eginen du debuta profesional mailan
Oier Ibarretxek, 2024ko Parisko Jokoetan olinpikoa eta amateur mailan sei aldiz Espainako txapelduna bera, hurrengo martxoaren 14an eginen du debuta profesional mailan, Bilboko Casilla pabilioian, Bassam Laaoula alacantarraren aurka (1-0-1).
Oier Ibarretxe boxeolariak debut profesionala egingo du martxoaren 14an
Basque Teameko Oier Ibarretxe boxeolariak debuta egingo du profesional gisa, datorren martxoaren 14an, Casilla pabiloian. Hori dela eta, Galdakaoko kirolariak prentsaurrekoa egin du San Mamesen, xehetasunak emateko. Jon Fernandez izango da kartelburua, Somay Bilalen aurkako borrokan. Horiez gain, Jokin Garcia eta Gianluca Ceglia ere Bilbon izango dira; Ibarretxek, berriz, Bassam Laaoula izango du aurkari debutean.
MotoGPk lehen hiri-lasterketa egingo du 2027an, Adelaiden
Datorren urtetik aurrera, Australiako Sari Nagusia Adelaiden egingo da, ez Phillip Islanden. Lasterketa horrela egiteko akordioa gutxienez 2032ra arte egonen da indarrean.
Arrieta Rodriguez donostiarra 33. sailkatu da bere debut olinpikoan
Gipuzkoarrak 01:46.83ko marka egin du, bi jaitsierak pilatuta, Mikaela Shiffrin txapeldun olinpikoa (01:39.10) 00:07.73ra duela. Camille Rast suitzarrak (01:40.60) eta Anna Swenn Larsson suediarrak (01:40.81) osatu dute podiuma.
Kataluniako zirkuituak 2032raino luzatu du kontratua, eta bi urterik behin lasterketak hartuko ditu
1 Formulak 2026, 2028, 2030 eta 2032 urteetarako dauzka lasterketak aurreikusita Bartzelonan, Spa-Francorchamps zirkuituarekin aldizkatuko duen egutegian.
Klaebok historia egin du Neguko Jokoetan, bederatzigarren urre olinpikoa eskuratuta
29 urteko norvegiarra orain arte urrezko domina gehien lortu dituen kirolaria da, Bjorn Daehlieri, Marit Bjorgeni eta Ole Einar Bjornersi aurrea hartu baitie.
Anthony Kimek irabazi du Adelaideko LIV Golf txapelketa, ezustean, eta Jon Rahm bigarren sailkatu da
Golf jokalari estatubatuarra hamabi urtez izan zen goreneko mailatik kanpo. Adelaiden, txapelketako azken jardunaldian, Rahm eta Bryson DeChambeau menderatu ditu, hirugarren egunaren amaieran bi horiek lehen postuan izan arren, Kim atzetik segika 5 kolpera zutela.
Carlota Ciganda laugarren izan da Riaden, denboraldiko lehen txapelketan
7. zuloko bogey bikoitzak nafarrak garaipena lortzeko aukerak zapuztu ditu, eta sei birdie pilatu ditu 3, 6, 9, 15, 16 eta 17. zuloetan.
Salsamendik agur esan die Olinpiar Jokoei Klaebok urrea irabazi duen proban
Brasilekin lehiatu duen eskiatzaile nafarrak 97. postuan bukatu du estilo libreko iraupen-eskiko proba, hamar kilometroko distantzian.
Eguibarrek eta Romerok ez dute final-laurdenetako eta final-zortzirenetako langa gainditu, hurrenez hurren
Romerok azpimarratu du "pozik" dagoela egindako jaitsierarekin, baina "ez emaitzarekin". Bere aldetik, Eguibarrek erorikoa izan du, aurkarietako batek bidea itxi ondoren. "Badakit horrelakoak gerta daitezkeela, baina berak jakin behar du hori ezin dela egin", esan du donostiarrak haserre.