Alberto Zerain eta Mariano Galvan hil egin dira, elur-jausi baten ondorioz
Erreskateko helikopteroak Alberto Zerain eta Mariano Galvan desagertuta daudela konfirmatu du, bi alpinistak zeuden inguruan elur-jausi bat egon dela ikusita. Zerain eta Galvan Nanga Parbat (8.125) mendira igotzen ari ziren.
Ez da arabarraren eta argentinarraren berririk izan iragan larunbatetik, Mazeno inguruan zeudenean. Zerainen "radiotrackera" itzali egin zen 150 metroko erorikoa markatu ostean, 6.000 metroko altueran, gutxi gorabehera.
Elur-jausiaren ondorioz inor bizirik aurkitzeko aukerak baztertuta, Pakistaneko Armadako Abiazioak bukatutzat eman ditu bilaketa lanak.
"Erreskate taldeak urratsak ikusi ditu, puntu batera arte, eta gero desagertu egin dira. Ondorioz, elur-jausiak harrapatu dituela konfirmatu dute. Armadako Abiazioak gure artean ez daudela konfirmatu digu", esan du Pakistaneko iturri espainiar batek.
Muhammed Irfan Armadako Abiazioko bozeramaileak esan duenez, bi helikoptero Nanga Parbat inguruan ibili dira 5:30ak eta 11:00ak artean, eta bilaketa lanak bertan behera uztea erabaki dute esku hutsik bueltatuk zirela ikustean. Dildar Ahmed Diamerreko barrutiko Administrazioaren buruak ere konfirmatu du bilaketa lanak amaitutzat eman dituztela.
Lehen erreskate saioa, asteazkenean
Helikopteroa asteazkenean atera zen lehen aldiz bi alpinisten bila, eta 3 orduko bilaketa egin ostean, itzuli egin behar izan zuen eguraldi txarrak behartuta.
Ordutik, eguraldiak bigarren saiakera bat galarazi du, gaur goizaldera arte. Bigarren saiakera honetan konfirmatu dute bi alpinistak desagertuta daudela.
"Atsekabea" Gasteizen
Gazteizko Udaleko aldedi guztiek euren "atsekabea" agertu dute Alberto Zerain eta Mariano Galvan alpinistekin gertatutakoagatik.
Ohar baten bidez, Udalak elkartasuna eta gertutasuna agertu die bi mendizaleen senitarteko eta lagunei.
"Alberto Zerain erreferentea izan da Gasteizen, kirolari eta pertsona moduan. Adorea eta ahalegin nekaezinaren adibide, gure hiriaren izena mundo osoan zabaldu du. Bere desagerpena galera handia da euskal mendizaletasunarentzat", azpimarratu du Gorka Urtaran alkateak.
Lehen arabarra, Everestera igotzen
Alberto Zerain gasteiztarrak 55 urte zituen, eta ia 40 eman ditu mendian. Lehen pausoak eskaladan eman zituen 17 urterekin, Eginon eta Atxarten, Gasteiztik gertu dauden eskoletan.
Everestera igo zen lehe arabarra izan zen. Makalu izan zen bere bigarren mendi garrantzitsua (8.485 metro), Oiarzabalekin batera igo zuen.
Orain hamaikagarren zortzimilakoaren atarian geratu da, eta proiektu ugari zituela, Oiarzabalekin batera 14 zortzimilakoak errepikatzeko helburua bait zuen, 2x14x8000 proiektuan.
Zure interesekoa izan daiteke
Carlota Ciganda 71 kolpeko txartelarekin estreinatu da Chevron Championshipen, bat parraz azpitik
Nafarrak bi birdie egin ditu, 5. eta 14. zuloetan, baina 9. zuloan bogey bat ere egin du. Eguneko gainerako zuloetan parra egin du. Ciganda bederatzigarren geratu zen iaz Chevron Championshipen.
Hawaiiko Kaiwi kanala, Iskander Sagarminagaren hurrengo erronka
Iskander Sagarminaga igerilari galdakaoztarrak aurrean duen hurrengo erronkaren berri eman du: Hawaiiko Kaiwi kanala zeharkatu nahi du, Molokai uhartean.
?fmt=webp-alpha&qlt=80)
Jon Rahmek LIV Golf Mexico City txapelketa irabazi du, eta hogeigarren postuan jarri da munduko sailkapenean
2026ko denboraldian, bigarrenez eskuratu du garaipena euskal golf jokalariak; izan ere, Hong Kongen ere gailendu zen. Mexikon, Rahmek paretik azpiko 21 egin du, alegia, bigarren sailkatuak baino sei kolpe gutxiago behar izan ditu.
Ainhize Belar: “15 egunetan hiru 9A bide egitea lortu dut, espero ez nuen zerbait da eta kriston motibazioa eman dit"
Eskalatzaile bizkaitarrak bere lorpenak errepasatu ditu denboraldi honetan, besteak beste, 'La Reina Mora' eta 'Estado Crítico'. Gainera, eskaladaren hazkundea azpimarratu du oro har, eta bereziki emakumeek kirol honetan duten parte-hartzea, batez ere "arrokan" eskalatzen.
McIlroyk irabazi du Augustan, bigarren aldiz jarraian; Rahmek, berriz, 39. postuan amaitu du
Barrikakoak ez zuen txapelketa ondo hasi ostegunean, eta aukerarik gabe iritsi zen azken jardunaldira. 289 kolperekin itxi zuen lehia.
Jon Rahmek agur esan dio garaipenerako borrokari Augustako Mastersean
Barrikako golf jokalariak ez du hirugarren jardunaldian suspertzerik lortu, eta Rory McIlroyren gainbeherak final irekia utzi du Cameron Youngekin batera.
Rahmek ozta-ozta egin du aurrera Augustako Mastersean
Jose Maria Olazabal, bi aldiz txapeldun izandakoa, kanpoan geratu da. Rory McIlroy iazko txapeldunak, berriz, sendo jarraitzen du titulua berriro irabazteko bidean.
Rahmek bigarren jaka berdea jantzi nahi du, McIlroyk bigarrena jarraian eta Schefflerrek Augustan historia egin
Lehen aldia da Barrikako, Ipar Irlandako eta Estatu Batuetako hiru golflariak Erresuma Batuko Irekitik, iragan uztailetik, txapelketa batean elkartzen direna. Bestalde, Jose Maria Olazabal hondarribiarrak berriro parte hartuko du, biziarteko tokia gordeta baitu 1994an eta 1999an lortutako garaipenengatik.
Janire Gonzalez-Etxabarri eta Adur Amatriain, Europako txapelketa irabazi ondoren: “Ez zen gure helburua, baina lortu dugu"
Txapelketara belauneko arazoekin iritsi zela aitortu du surflari zumaiarrak. Pare bat manga gainditzea xede zuela erantsi du Gonzalez-Etxabarrik. Era berean, Amatriainek esan du zazpigarren postua zuela helburu, Challengerrera sailkatzeko.
“Moztaileak Munduan” dokumentala, asteazken gauean, ETB1en
“Moztaileak Munduan” dokumentalak ardi moztaileen lana eta Euskal Selekzioak Zeelanda Berrian bizi izan zuen esperientzia ditu ardatz. Aurrestreinaldia egin dute gaur, Abadiñoko Errota Kultur Etxean.