"Harri Herri" saio berritzailearen bigarren denboraldia, astelehenero, ETB1en eta eitb.eus-en
Astelehen honetan (apirilak 15) iritsi da EITBra "Harri Herri" herri kirol programa berritzailearen bigarren edizioa. 32 harri-jasotzailek hartuko dute bertan parte, 16 gizonezkok eta 16 emakumezkok; eta launa taldetan lehiatuko dira, lau gizonezkoetan eta lau emakumezkoetan. Talde bakoitzak bere kapitaina izango du. Kirol honi bultzada eman asmoz iaz EITBren babesarekin abian jarritako proiektu garrantzitsuak goi mailako ikuskizuna eskainiko du berriz ere astelehen gauero, ETB1en eta eitb.eus-en.
Asteasuko frontoian jokatuko den lehiaren kontakizuna Juanan Legorburuk egingo du, Ane Muruamendiarazekin batera. Lagun izango dituzte Iñaki Perurena eta Idoia Etxeberria adituak, belaunaldi ezberdinetako harrijasotzaileak eta errekor garrantzitsuak lortutakoak biak ala biak.
Astelehen honetan emakumezkoen lehen finalerdia jokatuko da eta hurrengoan gizonezkoena. Hilaren 29an emakumezkoen bigarren finalerdia izango dugu ikusgai eta maiatzaren 6an gizonezkoena. Maiatzaren 13an izango da finala.
Zure interesekoa izan daiteke
Jokin Eizmendik eta Lierni Osak "Harri Herri"ko finalerako urratsa eman dute
Neguko "Harri Herri" saioko bigarren jardunaldian, Jokin Eizmendik Xabat Olaizolaren marka berdindu du. Beñat Telleriak eta Gorka Etxeberriak 9na jaso dute, eta sailkapenean hirugarren eta laugarren jarri dira. Emakumezkoetan Lierni Osak egin du markarik onena, 13 jasoaldi, Maddi Gesalagak baino bat gutxiago. Bestalde, Ane Atxutegi (9) eta Ane Cestau (8) nekez sartuko dira zortzi onenen artean.
Maddi Gesalaga eta Xabat Olaizola izan dira onenak lehenengo kanporaketan
Emakumezkoetan, Gesalagak, Patricia Martin debutariak, Olaia Esnaolak eta Estefania Etxebestek egin dute aurrera. Gizonezkoetan, berriz, Xabat Olaizolak eta Aimar Galarragak beste horrenbeste egin dute.
Larunbat honetan hasiko da ''Harri Herri''ren hurrengo edizioa
Kanporaketetan, 21 gizonek eta 17 emakumek hartuko dute parte, eta martxoan jokatuko den "Harri Herri" txapelketan parte hartzea izango dute helburu.
Mollarri vs Ibiur eta Etxauri vs Laukariz, ''Harri Herri'' saioko final handian
Harri-jasotze garaikidearen ikuskizunaren final handia jokatuko da igande honetan. Emakumezkoetan, Mollarri eta Ibiur izango dira aurrez aurre, eta gizonezkoetan, Etxauri eta Laukariz, nor baino nor gehiago. 12:00etatik aurrera, ETB1en eta eitb.eus atarian.
Gizonezkoen bigarren finalerdia, gaur gauean, ''Harri Herri'' saioan
Igeldo eta Laukariz nor baino nor arituko dira gaur, apirilak 21, Euskal Telebistako ''Harri Herri'' saioan. Ez galdu gizonezkoen bigarren finalerdia, 22:20tik aurrea, ETB1en eta eitb.eus-en!
Ulia eta Mollarri taldeak, aurrez aurre, gaurko ''Harri Herri'' saioan
Indarra, perseberantzia, teknika eta trebetasuna dira harri-jasotze garaikidearen ikuskizunaren oinarri nagusiak. Gaur gauean, emakumezkoen 2. finalerdia jokatuko da. Ulia eta Mollarri taldeak izango ditugu lehian 22:20tik aurrera, ETB1en eta eitb.eus atarian.
Etxauri eta Albizuri aurrez aurre ''Harri Herri''n, gizonezkoen lehenengo finalerdian
Indarra, iraupena, teknika eta trebetasuna ikusgai "Harri Herri" saioan, harri-jasotze garaikidearen ikuskizunean. Ez galdu gizonezkoen lehenengo finalerdia, astelehenean, 22:20an, ETB1en eta eitb.eus atarian.
''Harri Herri'' saioaren denboraldi berria, gaurtik aurrera, ETB1en eta eitb.eus atarian
''Harri Herri'' harri-jasotzearen gaineko saioa gaur gauean itzuliko da EITBra. 22:20tik aurrera, eitb.eus-en eta ETB1en izango da ikusgai.
''Harri Herri'' saioa laster itzuliko da EITBra
eitb.eus-en eta ETB1en izango da ikusgai. Benetako kirol ikuskizuna, laster, EITBn!