Realak porrota jaso du Atletico Madrilen aurka, denboraldiko azken partidan (0-2)
Realak 0-2 galdu du Atletico Madrilen aurka Reale Arenan, 2023-2024 denboraldiko EA Sports Ligako 38. jardunaldian. Txuri-urdinek azken garaipena lortu nahi zuten etxean, sailkapenean 6. postua ziurtatuta izan arren, baina Realak ez du talde koltxoneroa gainditzeko modua aurkitu, 9. minutuan aurreratu baita Samuel Lino jokalari brasildarrak sartutako golari esker. Neurketako bigarren gola Reinildo Mandavak egin du luzapenean.
Atletico Madrilek bere hasiera bikaina baliatu du markagailuan aurrea hartzeko. Partida hasi eta zortzi minutura, Linok gola sartu du talde bisitariarentzat, Llorenteren eskuin hegaletik egindako jokaldi baten ostean. Llorentek erdiraketa egin du, eta brasildarrak baloia Remiroren ate barrura sartu du (0-1).
Lehen laurdenean, talde koltxoneroa Reala baino gehiago izan da, eta Linok bigarren gola barkatu du. Talde txuri-urdina Madrilgo taldea bere arean sartzen saiatu da, baina Simeoneren taldeak oso ondo defendatu du, tarterik utzi gabe.
Realak erasoan jarraitu du, eta 20. minutuan iritsi da Donostiako taldearen lehen aukera. Zakharyanek baloia pasatu dio Beckerri, aurrelariak buruz errematatu du, eta Griezmannek ia atepean atera du.
Imanolen mutilei asko kostatu zaie madrildarren defentsan sartzea, geldikako jokaldiak eta trantsizioak alde batera utzita. Realak gora egin du minutuek aurrera egin ahala, baina ezin izan du Oblak gainditu. Bi irteera egin ditu atezainak, eta Elustondok izan du argiena, buruz egindako erremate batekin.
Llorentek azken abagunea izan du 0-2koa jartzeko jaurtiketa bikain batekin, baina Remirok EA Sports Ligako atezainik onenetakoa izateko arrazoiak erakutsi ditu. Azkenean, Simeonek zuzentzen duen taldearen aldeko markagailuarekin heldu dira atsedenaldira.
Neurketak mugituta jarraitu du bigarren zatian ere. Talde zuri-gorriak ezin zuen inolaz ere partida irabazitzat eman, Gipuzkoako taldeak kalitate handia duelako, eta Kubo japoniarrak abisua eman diolako.
Dena dela, Atletico Madrilek arrisku handiagoa sortu du azken 45 minutuetan. Gainera, Saulek txartel gorria ikusi eta gero, Atletico Madrilek bigarrena egin du Reinildo mozambiketarraren bitartez (0-2).
Fitxa teknikoa:
0.- Real Sociedad: Remiro; Traore, Aritz, Pacheco, Tierney (Aranburu, 81. min); Barrenetxea (Oyarzabal, 67. min), Zakharyan (Olasagasti, 67. min), Turrientes (Gonzalez de Zarate, 84. min), Brais; Becker (Andre Silva, 81. min) eta Take.
2.- Atletico Madril: Oblak; Azpilikueta (Reinildo, 84. min), Witsel, Gimenez; Lino (Saul Ñiguez, 69. min), Llorente, Koke, De Paul (Hermoso, 69. min), Vermeeren (Riquelme, 57. min); Griezmann eta Correa (Morata, 69. min).
Golak: 0-1, 9. min: Lino. 0-2, 93. min: Reinildo.
Epailea: Sanchez Martinez. Saul kaleratu du bi txartel hori aterata (90. min). Pacheco, Brais, Olasagasti, Vermeeren, Saul eta Reinildo jokalariek txartel horia ikusi dute.
Zure interesekoa izan daiteke
Alazne Estensorok 2028ra arte berritu du Realarekin
19 urteko atezain lazkaotarrak Moeve F Ligan egin du debuta denboraldi honetan, talde txuri-urdinarekin.
Sansek nagusitasunez irabazi dio Cadizi Nuevo Mirandillan (0-2)
Txuri-urdinen bigarren taldeak ondoz ondoko hirugarren garaipena lortu du Cadiz mendean hartuta. Donostiako taldeak sendotasuna eta eraginkortasuna erakutsi ditu, etxeko harmailetan atsekabea nagusitu den norgehiagokan.
?fmt=webp-alpha&qlt=80)
Unai Marrerok kontratua luzatu du 2030era arte
Azpeitiako atezainak txuri-urdinen atea defendatuko du lau denboraldi gehiagoz.
Alvaro Odriozolak ezker belauneko aurreko lotailu gurutzatua hautsi du
Realeko atzelariak belauna bihurritu zuen larunbatean, Anoetan, Oviedoren aurka jokatutako partidan.
Realak beste garaipen bat eskuratu du Espanyol garaituta (2-1)
Realak beste garipen bat lortu du RCD Espanyioli 2-1 irabazita gaur arratsaldean Zubietan jokatu den F Moeve Ligako 21. jardunaldiko partidan. Txuri-urdinak jaun eta jabe izan dira hasieratik amaierara arte.
Berdinketa mingotsa lortu du Realak Oviedoren aurka (3-3)
Realak buelta eman dio Oviedoren 0-2koari, baina Asturiasko taldeak markagailua berdindu du azken hasperenean.
Elustondo: "Ez gara eroso sentitu, saiatu gara, baina gauzak ez ziren ateratzen"
Aritz Elustondo Realeko jokalariaren adierazpenak, EA Sports Ligako 25. jardunaldiko partidan Oviedoren aurka 3-3 berdindu ostean.
Job Ochiengek 2028ko ekainera arte berritu du Realarekin
Hegalekoak debuta egin du dagoeneko lehen taldean, Matarazzoren gidaritzapean, eta beste bi denboraldi emango ditu txuri-urdinez jantzita.
Rino Matarazzo, Reala-Real Oviedo partidaz: "Erakutsi behar dugu gose garela eta gehiago nahi dugula"
Realak Real Oviedoren aurka jokatuko du Anoetan larunbatean, 14:00etan. Txuri-urdinen entrenatzailearen iritziz, Realak Bernabeun galdu ondoren, “errekzionatu beharra daukagu, aurkariarekiko errespetua erakutsi, eta maila igo”.
Oskarsson: "Denboraldiko unerik onenean nago"
"Egunetik egunera sentsazio hobeak ditut, erritmo eta konfiantza handiagoa", aitortu du Realeko aurrelariak, ETBk egindako elkarrizketan. Islandiarrak izan dituen lesioak gogora ekarri ditu, eta atzean utzi nahi dituela erantsi du. Bestalde, bere abestiari buruz hitz egin du: "Oso ezaguna da". Azkenik, eskerrak eman dizkie zaleei abestiagatik, eta une zailetan emandako babesagatik.