Willian Josek bere kontratua berritu du
Reala eta Willian Jose akordio batera iritsi dira bere kontratua urte bat luzatzeko.
2022. urtera arte berritu du lan hitzarmena gaur goizean Anoetan Jokin Aperribay presidentearekin.
5 urterako kontratua sinatu zuen Willian Josek pasa den udan eta, urtebete gehiago, 2022ra arte izango da Realean. 25 urteko aurrelariak egundoko maila erakutsi du Donostiara iritsi zenetik.
Las Palmasen aritu ostean, Realak 6 milioi euro ordaindu zizkion Maldonadori jokalariaren eskubideen ehuneko 70en truke. Fitxaketa errentagarria oso. Iaz Willian Josek 14 gol egin zituen, 12 Ligan eta 4 Kopan. Golak egiteaz gain brasildarrak baloia jokatzeko trebezia handia erakutsi zuen zelai erdian. Eusebioren taldeko gizonik garrantzitsuenetarikoa bihurtu zen.
Europan berriz ere izateko jokalari ezinbestekoa, bere lanak oihartzun berezia izan zuen eta uda honetan Bartzelona eta Europa mailako beste talde batzuen interesaren zurrumurruak ez dira falta izan.
Zure interesekoa izan daiteke
Sansek mailari eustea hurbilago du, Huesca mendean hartu baitu (1-2)
Horrela, zortzi jardunaldiko garaipenik gabeko bolada txarrari amaiera eman diote txuri-urdinek, eta bederatzi puntura utzi dituzte jaitsiera postuak. Bigarren zatian, Ansotegiren taldea jokalari bat gutxiagorekin geratu da, epaileak Mikel Rodriguez egotzi baitu.
Gorrotxategi: “Europan egon arren, gehiago lehiatu behar dugu"
Realeko jokalariak Betisen aurka lortutako berdinketaz (2-2) hitz egin du, EA Sports Ligako 35. jardunaldian.
Realak puntu bat berreskuratu du Betisen aurka (2-2)
0-2 galtzen hasi arren, Oskarssonen eta Oyarzabalen golek puntu bat atera dute txuri-urdinentzat EA Sports Ligako 35. jardunaldian.
Realak olatu aparretan jarraitzen du, Granada ere garaituta (3-0)
Realak garaipen argia lortu du Granadaren aurka Zubietan (3-0), Cecilia Marcosen, Claire Lavogezen eta Klara Cahynovaren golei esker. Joan den asteburuan Europarako sailkapena ziurtatu ondoren, txuri-urdinek modu ezin hobean ospatu dute denboraldi historikoa zaleen aurrean.
Rino Matarazzo, Reala-Betis partidaz: “Ligan, % 90 ez da nahikoa irabazteko”
Larunbatean, 21:00etan, Realak Betis jasoko du etxean, Anoetan. Bezperan, Zubietan, Rino Matarazzo txuri-urdinen entrenatzaileak neurketa hori izan du hizpide, eta adierazi du bere taldeak galdera bati erantzun behar diola: “Betis baino hobeak al gara?”.
Aritz Elustondok jokalari txuri-urdin izateari utziko dio denboraldi amaieran
Klubak jokalariari jakinarazi dio bi aldeak lotzen dituen kontratua ez duela berrituko. Beasaingo futbolariak, kapitainetako batek, 2014ko abenduan egin zuen debuta, eta 310 partida ofizial jokatu ditu lehen taldean ibili den 11 denboraldietan.
Aramburu: “Ez gara ondo aritu; jokoaren alderdi guztietan hobetu behar dugu”
Realak 1-0 galdu du Sevillaren aurka, Jon Aramburuk azaldu duenez "ondo jokatu ez duten" partida baten ostean. Caracaseko jokalariak azpimarratu du "jokoaren alderdi guztietan hobetu" behar dutela "modu onenean amaitu ahal izateko". (Bideoa gazteleraz).
Realak porrota jaso du Sevillan, Matarazzoren taldearen partida eskasa egin du (1-0)
Alexis Sanchezek bigarren zatian sartutako golak erabaki du norgehiagoka. Realak minuturik onenak partida hasieran eta bigarren zatiaren hasieran izan ditu, baina ez du asmatu azken metroetan.
Cecilia Marcos: “Txapeldunen Ligan gaude; denboraldi borobila egin du taldeak”
Cecilia Marcosek sartu zuen Reala Txapeldunen Ligara eramango duen gola Deportivoren aurkako partidan. Oraindik Moeve F Ligan hiru partida gelditzen zaizkien arren Ceciliak argi dauka “orain disfrutatzeko momentua” dela.
Sansek eta Burgosek ezin izan dute golik sartu Anoetan (0-0)
Txuri-urdinak hobeto aritu dira baloiarekin eta hainbat hurbilketa arriskutsu sortu dituzte, baina ez da egon sarea aurkitzeko modurik.