Osasunak hiru puntu eskuratu ditu Getaferen aurka (3-2) Sadarreko partida zirraragarrian
Osasunak 3 eta 2 irabazi dio Getaferi Sadarren jokatutako EA Sports Ligako 21. jardunaldiko partida. Gorritxoek bi goleko errenta lortu dute lehen zatian, Getafek berdindu egin du bigarren zatiko lehen 20 minutuetan, eta Aresok 80. minutuan sartutako gol ikusgarriak eman dio garaipena Nafarroako taldeari.
Ondo ekin dio neurketari Osasunak, eta gola sartu du bederatzigarren minutuan (1-0). Raul Garcia de Haro izan da golegilea, Pablo Ibañezen erdiraketa errematatuta.
Gorritxoen golaren ostean, Madrilgo taldearen erantzuna etorri da. Greenwoodek bi abagune argi izan ditu, baina Sergio Herrera atezainak eragotzi du gola bietan. Sustoa pasatuta, 31. minutuan, Iker Muñozek 2-0ekoa sartu du. Osasunako jokalariak David Soria atezaina gainditu du area kanpotik egindako jaurtiketarekin.
Atsedenaldira iritsi aurretik, 43. minutuan, Greenwood Getaferen desabantaila murrizteko zorian izan da, baina Sergio Herrerak gelditu egin du Erresuma Batuko aurrelariaren jaurtiketa.
Bigarren zatiaren hasieran, parekotasuna izan da nagusi. Etxeko taldeak izan du atsedenaldiaren osteko lehen abagunea, baina David Soriak gelditu egin du Raul Garcia de Haroren errematea.
Pixkanaka-pixkanaka, Getafe Herrerak babestutako ate ingurura gerturatzen hasi da, eta Borja Mayoralek desabantaila murriztu du 64. minutuan, Unalen pasea jaso eta baloia gorritxoen ate barrura bidalita (2-1).
Madrilgo taldearen golak min egin dio Osasunari. Getafek erasora jo du, eta Bordalasen taldeak 2 eta 2koa jarri du markagailuan, Maksimovicen golari esker. Erdilariak Herrera gainditu du korner jaurtiketa errematatuta.
Bi goleko errenta ezerezean utzi du Getafek. Hala ere, Osasunak ez du etsi, eta 80. minutuan aurretik jarri da berriro. Aresok 3-2koa jarri du markagailuan, gol ikusgarria eginez. Nafarroako jokalariak kornerreko banderaren ondotik erdiratu du, baloiak aurkariaren aterako norabidea hartu du, eta ate barrura sartu da.
Azken txanpan, erasora jo du Getafek, eta Osasunak laugarrena sartzeko aukera izan du. Soria atezainak, ordea, gorritxoen gola eragotzi du.
Hala, bada, Osasunak hiru puntu eskuratu ditu, Getafe 3 eta 2 menderatuta.
Fitxa teknikoa:
3 – Osasuna: Sergio Herrera; Peña (Areso, 73. min), Catena, David Garcia, Juan Cruz, Mojica; Pablo Ibañez (Darko, 66. min), Iker Muñoz (Torro, 86. min), Moi Gomez (Aimar, 66. min); Raul Garcia de Haro (Arnaiz, 74. min), Budimir.
2 – Getafe: Soria; Djene, Alderete, Gaston (Jordi Martin, 46. min), Rico; Maksimovic, Milla, Aleña (Carmona, 46. min); Greenwood, Ünal, Mayoral.
Golak: 1-0, 9. min: Raul Garcia de Haro. 2-0, 30. min: Iker Muñoz. 2-1, 64. min: Mayoral. 2-2, 68. min: Maksimovic. 3-2, 80. min: Areso.
Epailea: Jose Maria Sanchez Martinez. Txartel horia atera die Raul Garcia de Haro, Moi Gomez, David Garcia eta Juan Cruz Osasunako jokalariei, baita Milla, Iglesias, Carmona eta Maksimovic Getafeko futbolariei ere.
Zure interesekoa izan daiteke
Moi Gomez Osasunako jokalariak lesioa du bizeps femoralean
Talde gorritxoak ez du zehaztu zenbat denbora egongo den bajan. Erdilari gorritxoak minduta bukatu zuen Alavesen kontrako partida.
Moncayola: “Ez da gure eguna izan, akats asko egin ditugu”
Jon Moncayolak onartu du Osasunak akats asko egin dituela eta bost gol sartuta oso zaila dela Lehen Mailan puntuak batzea.
Luis Miguel Ramis: “Partida parekatua izango dela uste dut"
Alavesek eta Osasunak igandean neurtuko dituzte indarrak Mendizorrotzan, oso derbi parekatuan. Bi taldeak defentsan sendotasuna erakutsita iritsiko dira hitzordu honetara, lehen hiru jardunaldietan gol bakarra jaso baitute. Gainera, Romain Del Castillok debuta egiteko aukera izango du, talde gorritxoarekin bat egin berritan.
Osasunak Rockson eta Del Castillo aurkeztu ditu, Sadarren
Nafarroako taldeak ondo ekin dio EA Sports Ligari; izan ere, jokoan izan diren aurreneko bederatzi puntuetatik, zazpi bereganatu ditu. Ostegunean, bi jokalari berri hauen aurkezpena egin du.
Osasunak Romain Del Castillo aurrelaria fitxatu du
Del Castillo, 30 urtekoa bera, Brest taldetik iritsi da Osasunara, alegia, Frantziako Ligatik. Nafarroako klubak milioi bat euro ordaindu du jokalaria fitxatzeko, baina, hainbat aldagai beteta, beste 450.000 euro ere ordain litzake. Futbolariak bi denboraldirako sinatu du, eta beste denboraldi batez luza dezake.
Sergio Herrera: “Pozik eta konfiantza handiarekin egon behar dugu”
Osasunak 1-0 irabazi dio Getaferi. Sergio Herrerak azaldu duenez, "Getafe ez da talde erraza", baina Ruben Garciak, bere aldetik, "ondo defendatu" dituztela adierazi du eta lortutakoaz harro agertu dira biak. (Bideoa gazteleraz)
Budimirrek Osasunaren garaipena sinatu du Getaferen aurka (1-0)
Osasunak denboraldi hasiera onari eustea lortu du Getaferen aurka, Sadarren, eta, partida parekatua izan arren, garaitezin jarraitzea lortu du.
Luis Miguel Ramis: “Getaferen proposamena oso argia da eta oso ondo islatzen dute"
Luis Miguel Ramis entrenatzaileak badaki talde indartsua izango dutela aurrean, ideiak oso argi dituena, baina Osasuna etxean Getaferen aurka lehen garaipena lortzeko prest dago, horren ustez.
Ramis: “Oso garrantzitsua zen etxetik kanpo indartsu lehiatu gaitezkeenaren sentsazioa izatea”
Osasunak markagailua irauli du Celtaren aurka, denboraldiko lehen garaipena lortuz (1-2). Luis Miguel Ramisek azpimarratu du garaipen hori merezi zutela, bat gehiagorekin egoteak abantaila eman dien arren. (Bideoa gazteleraz)
Osasunak markagailua irauli eta garaipena eskuratu du Balaidosen
Aspasek aurretik jarri ditu etxekoak, baina Marcos Alonsoren kanporaketak partida aldatu du eta Barjak eta Budimirrek markagailua irauli dute.