Osasuna nagusi izan da Cadizen aurka, bi golak penaltiz sartuz (2-0)
Lehenengo zatian baloiaren jabetza bereganatu eta denbora gehiena Cadizen zelaian jokatzen egon diren arren, ez dute arrisku gehiegi sortu hasierako 20 minutuetan. Lehen zatiko aukera argiena Budimirren erdiraketa batetik etorri da, izan ere, Cadizeko defentsa batek baloia urrundu nahian, bere atera bidali du. Ledesmaren erreflexu azkarrei esker, gola saihestu dute cadiztarrek baloia kornerrera bidaliz.
Hidratazio geldialdia eta bost minutu beranduago, 35. minutuan, Conan Ledesmak Budimirrekin talka egin eta talde gorritxoaren aldeko penaltia adierazi du Matheu Lahoz epaileak. Gaurkoan, ohikoa den bezala, Chimy Avilak hartu du 11 metroetatik jaurtiketa egiteko ardura. Argentinarrak jaurtiketa gogor bat egin du Cadizen atearen erdi-erdira eta bat eta hutsekoa jarri du markagailuan. Atsedenaldira bat eta hutsekoarekin joan dira.
Aldageletatik bueltan, Arrasateren mutilek ez dute denbora alferrik galdu eta 47. minutuan Budimirrek buruz egindako erremate batek Ledesma arazoetan jarri du; jardunaldiko geldiketetako bat izan daitekeena egiteraino. Cadizek azkar erantzun dio jokaldi horri eta minutu bat beranduago, jokaldi bikain baten ostean, aukera garbi bat xahutu du Lucas Perezek eta baloia zuzenean kanpora bidali du.
Partidaren nondik norakoa geroz eta argiago zegoen eta 75. minutuan, Cadizeko Tomas Alarcon kanporatu du epaileak.
Alarcon kanporatu eta bi minutura egin du Kike Garciak bigarrena, area barruan bultza egin diote Extremadurako aurrelariari eta epaileak penaltia adierazi du. Ez du barkatu Garciak eta bigarrenarekin partida akabatuta utzi du Osasunak.
Hala amaitu da norgehiagoka, Sadarren geratu dira hiru puntuak eta Osasuna, Ligako lehen bi jardunaldietan irabazita, liderra da oraingoz.
Fitxa teknikoa
2 – Osasuna: Osasuna: Sergio Herrera; Peña (Nacho Vidal, 75. minutuan), Unai Garcia, David Garcia, Juan Cruz; Moi Gomez, Moncayola (Darko, 75. minutuan), Torro, Aimar (Roberto Torres, 83. minutuan); Chimy Avila (Ruben Garcia, 65. minutuan), Budimir (Kike Garcia, 65. minutuan).
0 – Cadiz: Cadiz: Ledesma; Zaldua, Luis Hernandez, Chust, Espino (Negredo, 75. minutuan); Diarra (Alejo, 62. minutuan), Fali (Jose Mari, 62. minutuan), Alarcon, Mabil (Arzamendia, 62. minutuan), Lucas Perez (San Emeterio, 79. minutuan), Lozano.
Golak: Chimy Avila 1-0 (37. minutuan), Kike Garcia 2-0 (79. minutuan).
Epailea: Antonio Mateu Lahoz. Epaileak txartel horia erakutsi die Lucas Torro eta Chimy Avila gorritxoei. Kanpoko taldean berriz, Alarcon kanporatu du bi txartel hori aterata (47. minutuan eta 76. minutuan) eta txartel horia atera die Lozanori, Chusti eta Alejori.
Zure interesekoa izan daiteke
Alessio Lisci: "Kopa oso erraza da, zelaira irten arte"
Alessio Liscik Errege Kopako partidan Huescaren aurka lortutako garaipena aztertu du prentsaurrekoan.
Osasunak luzapenean kanporatu du Huesca (2-4), eta Errege Kopako final-zortzirenetan da
Huesca 1-0 aurreratu da, baina Raul Garcia de Harok berehala egin du berdinketa; luzapenean, Raul Garcia de Harok, beste behin, 1-2koa sartu du, Osambelak 2-3koa lortu du, eta Budimirrek egin du laugarrena.
Alessio Lisci, Kopako Huesca-Osasuna kanporaketaz: “Alavesen aurkako partida ere izango dugu kontuan”
Errege Kopako final-hamaseirenetan, Osasunak Huescaren kontra jokatuko du, Alcorazen, asteazkenean. Alessio Lisci Nafarroako taldearen entrenatzaileak onartu du larunbatean izango den Osasuna-Alaves derbiak eragina izango duela hamaikakoan, baina zehaztu ere zehaztu du: “Aterako dugun taldeak aurrera egiteko ahalmen osoa izango du”.
“Merkatura joateko dirua daukagu”, adierazi du Braulio Vazquezek
Taldea neguko merkatuko uztan indarberritzeko lanean ari dela baieztatu du Osasunaren kirol zuzendariak, hala ere, onartu du gaur egungo merkatua konplexua dela.
Lisci: "Tokatzen zen partida egin dugu; taldeak partida bikaina egin du, eskatu diedan ia guztia egin dute"
Osasunak 2-0 galdu du Bartzelonaren aurka Spotify Camp Noun. Partidaren ondoren, Alessio Liscik adierazi du taldea ondo aritu dela, akats batzuk tarteko, baina eskatutakoa bete dutela.
Osasunaren harresiak ez dio Bartzelonaren erasoari eutsi (2-0)
Gorritxoek dena eman dute defentsan euren areara etengabe hurbildu den talde baten aurka, Raphinhak garaipenaren bi golak sartu dituen arte.
Lisci: "Dena gerta daiteke futbolean, eta Bartzelonaren aurka saiatuko gara"
Osasuna taldeko entrenatzaileak larunbatean Bartzelonaren aurka EA Sports ligako 16. jardunaldian jokatuko duen partidaz hitz egin du.
Boyomok, Lucas Torrok, Aimar Orozek eta Arguibidek Bartzelonaren aurka jokatu ahalko dute, larunbatean
Osasunako lau jokalariek arazo fisikoak zituztela amaitu zuten Levanteren aurkako partida, aurreko astelehenean, baina Alessio Liscirendako eskuragarri egonen dira, Camp Noun jokatuko den partidan.
Iñigo Argibide: ''Amets bat izan da titularra izatea, eta gainera, irabazi dugu''
Iñigo Argibide Osasunako jokalaria pozik agertu da Levanteri irabazi ostean. Titular izatea amets bat izan dela berretsi du, berriz errepikatzea espero duela esateaz gain.
Osasunak garaipen sendoa lortu du Levanteren aurka, Sadarren (2-0)
Talde gorritxoak partida tinkoa sinatu du mailari eusteko lehia zuzenean, eta Levante are ukituago utzi du.