Lehen zati kaskar batek Osasunaren porrota eragin du Valentziaren aurka
Osasunak porrota jaso du Valentziaren aurka (2-0) Mestallan, Ligako 30. jardunaldian. Ondorioz, talde gorritxoak 35 punturekin jarraitzen du sailkapeneko 12. postuan, jaitsierako postuak 9 puntura dituelarik.
Hobeto ekin dio norgehiagokari Valentziak, eta gola sartu du Rodrigok hirugarren minutuan, baina epaileak baliogabetu egin du, bideo-arbitraje laguntzailea kontsultatu ostean. Ondoren, 12. minutuan, Guedesek 1-0ekoa sartu du, jokaldi ikusgarria egin eta bukaera ezin hobea emanda.
Gola jaso ostean, Osasuna ez da erreakzionatzeko gai izan. Talde gorritxoa ezinean ibili da, eta Valentziak abagune bikaina izan du 21. minutuan, baina Rodrigoren errematea kanpora joan da gutxigatik, Unai Garcia jo ostean. Ondoren, Osasunak hobetu egin du, eta norgehiagoka parekatu egin da. Jagoba Arrasateren taldea ondoen zebilenean, Unai Garciak huts egin du baloia jokatuta ateratzerakoan, Guedesek pase bikaina eman, eta Rodrigok ez du barkatu (2-0) Ruben atezainaren aurrean.
Neurketako 41. minutuan izan du bere lehen abagunea Osasunak, jokaldi nahasi baten ostean gutxigatik kanpora joan den Brasanacen erremate baten bidez. Lehen zatiko luzapenean, Nacho Vidalek buruz egin du errematea area barruan, baina ez du gola sartzen asmatu. Atsedenaldira iritsi aurretik, Cillessen atezainak eragotzi du gorritxoen gola, Adrianen jaurtiketa desbideratuta.
Jagoba Arrasate Osasunako entrenatzaileak hiru aldaketa egin ditu bigarren zatiari ekiteko: Ruben Garcia, Roberto Torres eta Enric Gallego zelairatu ditu, Cardonaren, Raul Navasen eta Iñigo Perezen ordez. Aldaketen eraginez, erasokorrago jokatu du talde gorritxoak, eta lehen abisua eman du 53. minutuan, Cillessenek aldendu duen Roberto Torresen jaurtiketarekin; aldaratzea Adrianek jaso du, eta aurrelariak langara bidali du errematea. Nafarroako taldea baloiaren jabe egin da bigarren zatiaren hasieran, eta Roberto Torresek saiakera egin du area kanpotik, baina Cillessen atezainak gelditu du jaurtiketa, 61. minutuan.
Nagusi izan da Jagoba Arrasatek zuzentzen duen taldea atsedenaldiaren ostean zelairatu denean, eta abagune argiena 71. minutuan izan du, oso gutxigatik kanpora joan den Roberto Torresen erremate baten bitartez, baina kanpora joan da, zutoina urratuta. Ekinean ibili da Osasuna, eta beste aukera bat sortu du 81. minutuan; Ruben Garciak hegaletik erdiratu du, Arnaizek baloia jaso du area barruan, baina ezin izan du errematea egin Cillessen atezainak zuloak ondo estali baitizkio. Azen minutuetan, Valentziak hirugarren gola sartzeko abagune argia izan du, baina Ruben atezainak desbideratu egin du Cherysheven errematea. Azkenean, Osasunaren porrota.
Fitxa teknikoa:
2 - Valentzia: Cillessen, Florenzi, Gabriel Paulista, Guillamon, Costa; Kondogbia (Wass, 57. min), Parejo, Carlos Soler; Guedes (Cheryshev, 67. min); Rodrigo (Esquerdo, 89. min) eta Maxi Gomez (Ferran, 67. min)
0. Osasuna: Ruben Martinez, Nacho Vidal, Unai, Navas (Roberto Torres, 46. min), D. Garcia, Estupiñan, Brasanac (Fran Merida, 69. min), Oier, Iñigo Perez (Ruben Garcia, 46. min), Cardona (Enric Gallego, 46. min) eta Adrian (Arnaiz, 80. min).
Golak: 1-0, 12. min: Guedes. 2-0, 35. min: Rodrigo.
Epailea: Medie Jimenez. Txartel horia atera die Guedesi (Valentzia) eta Estupiñan eta Ruben Garciari (Osasuna).
Zure interesekoa izan daiteke
Juan Cruz: “Ohorea eta harro egoteko modukoa izan da Osasunaren armarria defendatzea”
Atzelari madrildarrak Nafarroako kluba utzi du, azken sei denboraldiak Iruñean eman ostean. Agur esatean, nabarmendu du 2023ko Errege Kopako finala dela haren oroitzapenik bereziena, eta, halaber, taldekideekin eta Taxoaren egunero-egunero bizi izandakoa.
Braulio Vazquez: “Uste dut pizgarri bat behar genuela, katarsi bat"
"Ez dut barkamenik eskatuko 8 urtez lehen mailan mantentzeagatik, nortzuk garen jakin behar dugu. Ez dakit zenbat aldiz entzun dudan anbizio falta dagoela", aurpegiratu du kirol zuzendari gorritxoak denboraldi amaierako prentsaurrekoan. Bestalde, Kike Barja kapitainaren kontratu berritzea % 99ra itxitzat jo du.
Juan Cruzek ez du Osasunan jarraituko
Atzelariak sei denboraldi eman ditu Nafarroako klubean; Elxetik iritsi zen bertara. 164 partida jokatu ditu talde gorritxoan: “Bere lehen denboralditik, taldekideen eta zaleen errespetua eta maitasuna bereganatu zituen, eta balioak defendatzen jakin izan du”, nabarmendu du Iruñeko klubak.
Alessio Liscik Osasunako entrenatzailea izateari utzi dio
Nafarroako klubak astelehenean iragarri du italiarrak ez duela jarraituko taldea zuzentzen; Liscik beste urtebeterako kontratua zuen, Osasunarekin.
Catena: “Ez da izan espero genuen bezala, ezta nahi genuen bezala ere, baina Lehen Mailan gaude"
Osasunako jokalariak salbazioa lortu ondoren hitz egin du, nahiz eta Getaferen aurka galdu (1-0) EA Sports Ligako azken jardunaldian. Kritiko agertu da denboraldi amaieragatik, batez ere atzetik datozenei eragindako "sufrimenduagatik".
Osasunak galdu egin du Getaferen aurka, baina Lehen Mailan jarraituko du (1-0)
Porrotaren ondoren, aurkari zuzenen emaitzen zain geratu dira. Gironaren eta Elxeren arteko berdinketak mesede egin dio talde nafarrari, horri esker beste urtebetez Lehen Mailan jarraituko baitu.
Lisci: “Taldea zelaian hilko da”
Alessio Lisci Osasunako entrenatzaileak autokritika egin du eta adierazi du gaizki egin zutela pentsatuz 42 puntu bilduta nahikoa zela mailari eusteko. Edonola ere, taldea ondo dagoela eta Getaferen aurkako “finalean” gorritxoek dena emango dutela ziurtatu du.
Zer behar du Osasunak mailari eusteko?
Osasunak ez dauka ziurtatuta lehen mailan jarraitzea, eta Getaferen etxean jokatuko du ligako azken partida. Jose Bordalasen taldeak, berriz, Conference Ligan sartzea izango du lehian.
Ateak irekita entrenatuko du Osasunak ostiralean, Sadarren, 18:00etan, Getaferen aurkako partida erabakigarriaren aurretik
Osasunaren zaleek talde nafarrari bultzada emateko aukera izango dute, Coliseum estadioan jokatuko den partidaren bezperan; talde gorritxoak EA Sports Ligan eustea bilatuko du.
Kike Barja: “Konfiantzaz, gogoz eta motibazioz gaude"
Kike Barja Osasunaren jokalariak asteburu honetan Getaferen aurka jokatuko duten partida erabakigarriari buruz hitz egin du. Adierazpenak, gaztelaniaz.