Osasunak berdinketa lortu du partidako azken jokaldian (1-1)
Roberto Torresek azken jokaldian egindako golak puntu bat eman dio Osasunari Los Pajaritosen, Numantziaren aurka jokatutako partidan. Nafarrek aukera nabarmenak izan dituzte lehen zatian neurketa irabazteko, baina azken metroetan huts egin dute.
Gorritxoak garaipenaren bila atera dira lehen minututik, Bigarren Mailako lidergoa lortu nahian. Etxeko taldea, berriz, ez da eroso egon zelaian.
Roberto Torresek izan du, hain zuzen, lehen aukera argia 7. minutuan, baina bere erremateari erantzun bikaina eman dio Juan Carlos atezainak. Guztira, Osasunak gola egiteko zortzi aukera argi izan ditu lehen 45 minutuetan.
Gola Numantziak egin du, ordea. Osasunaren areara lehen aldiz hurbildu dira, eta Diamankak gola egin du bigarren errematean, Gus Ledesek falta bat jaurti ostean.
Bigarren zatian, Jagoba Arrasateren taldeak hobera egin du, eta kontraerasoan aritu da. Partida erabakitzeko aukerak izan dituzte.
Baina, azkenean, berdinketarekin konformatu behar izan dute, Roberto Torresek banakoa egin duelako 93. minutuan.
Ficha técnica
1 - Numancia: Juan Carlos; Nacho, Atienza, Derik (Carlos Gutiérrez, min. 55), Ganea; Diamanka (Kako, min. 82), Escassi, Gus Ledes; Yeboah, Guillermo (Higinio, min. 70), Fran Villalba.
1 - Osasuna: Rubén; Nacho Vidal, David García, Unai García, Clerc; Oier, Fran Mérida (Íñigo Pérez, min. 76); Rober Ibáñez (Kike Barja, min. 62), Roberto Torres, Brandon (Xisco, min. 67); Juan Villar.
Goles: 1-0: min.21: Diamanka. 1-1: min. 90+3: Roberto Torres.
Zure interesekoa izan daiteke
Osasunak 2028ra arte lotu du Mauro Echegoyen, beste bi denboralditan jarraitzeko aukerarekin
Jokalariaren etete-klausula sei milioira igo dute, eta 15 milioira iritsiko da lehen taldeko kide denean. Dagoeneko Murchanteko erdilariak urrian egin zuen debuta lehen taldearekin, Sant Jordiren aurka Kopako lehen kanporaketan.
Juan Cruz: “Ohorea eta harro egoteko modukoa izan da Osasunaren armarria defendatzea”
Atzelari madrildarrak Nafarroako kluba utzi du, azken sei denboraldiak Iruñean eman ostean. Agur esatean, nabarmendu du 2023ko Errege Kopako finala dela haren oroitzapenik bereziena, eta, halaber, taldekideekin eta Taxoaren egunero-egunero bizi izandakoa.
Braulio Vazquez: “Uste dut pizgarri bat behar genuela, katarsi bat"
"Ez dut barkamenik eskatuko 8 urtez lehen mailan mantentzeagatik, nortzuk garen jakin behar dugu. Ez dakit zenbat aldiz entzun dudan anbizio falta dagoela", aurpegiratu du kirol zuzendari gorritxoak denboraldi amaierako prentsaurrekoan. Bestalde, Kike Barja kapitainaren kontratu berritzea % 99ra itxitzat jo du.
Juan Cruzek ez du Osasunan jarraituko
Atzelariak sei denboraldi eman ditu Nafarroako klubean; Elxetik iritsi zen bertara. 164 partida jokatu ditu talde gorritxoan: “Bere lehen denboralditik, taldekideen eta zaleen errespetua eta maitasuna bereganatu zituen, eta balioak defendatzen jakin izan du”, nabarmendu du Iruñeko klubak.
Alessio Liscik Osasunako entrenatzailea izateari utzi dio
Nafarroako klubak astelehenean iragarri du italiarrak ez duela jarraituko taldea zuzentzen; Liscik beste urtebeterako kontratua zuen, Osasunarekin.
Catena: “Ez da izan espero genuen bezala, ezta nahi genuen bezala ere, baina Lehen Mailan gaude"
Osasunako jokalariak salbazioa lortu ondoren hitz egin du, nahiz eta Getaferen aurka galdu (1-0) EA Sports Ligako azken jardunaldian. Kritiko agertu da denboraldi amaieragatik, batez ere atzetik datozenei eragindako "sufrimenduagatik".
Osasunak galdu egin du Getaferen aurka, baina Lehen Mailan jarraituko du (1-0)
Porrotaren ondoren, aurkari zuzenen emaitzen zain geratu dira. Gironaren eta Elxeren arteko berdinketak mesede egin dio talde nafarrari, horri esker beste urtebetez Lehen Mailan jarraituko baitu.
Lisci: “Taldea zelaian hilko da”
Alessio Lisci Osasunako entrenatzaileak autokritika egin du eta adierazi du gaizki egin zutela pentsatuz 42 puntu bilduta nahikoa zela mailari eusteko. Edonola ere, taldea ondo dagoela eta Getaferen aurkako “finalean” gorritxoek dena emango dutela ziurtatu du.
Zer behar du Osasunak mailari eusteko?
Osasunak ez dauka ziurtatuta lehen mailan jarraitzea, eta Getaferen etxean jokatuko du ligako azken partida. Jose Bordalasen taldeak, berriz, Conference Ligan sartzea izango du lehian.
Ateak irekita entrenatuko du Osasunak ostiralean, Sadarren, 18:00etan, Getaferen aurkako partida erabakigarriaren aurretik
Osasunaren zaleek talde nafarrari bultzada emateko aukera izango dute, Coliseum estadioan jokatuko den partidaren bezperan; talde gorritxoak EA Sports Ligan eustea bilatuko du.