Osasunak denboraldiko lehen puntua eskuratu du, Elxen aurka
Osasuna eta Elxek puntu bana erdietsi dute Osasunak denboraldi honetan Sadar zelaian jokatu duen estreinako partidan. Juan Villarren golari esker aurreratu dira gorritxoak, baina ezin izan diote abantailari eutsi, David Garcia defentsa kanporatutakoan, Elxekoek berdinketa lortu baitute.
Lehen zati parekatua izan ondoren, Osasunak aukera bi izan ditu. Horietako aurrena Iñigo Perezek izan du, falta jaurtiketa batean, eta Juan Villarrek izan du bigarrena, area txikian egindako erremate batean.
53. minutuan kanporatu du epaileak David Garcia defentsa gorritxoa, eta horrek eragin handia izan du bigarren zatiaren hasieran. Jose Rojo 'Pacheta' entrenatzailearen mutilek aukera argia izan dute, Gonzaloren jaurtiketa baten bitartez, baina ez dute asmatu.
Talde nafarra hamar jokalarirekin gelditu arren, Iñigo Perezek jaurtitako falta batean, Juan Villarrek bete-betean jo, eta gorritxoak aurreratzea lortu du.
Hurrengo minutuetan, gorritxoek kontrolpean izan dituzte Elxen eraso guztiak, 75. minutuan, Sory Kaba ginearrak gola egin duen arte, Josanen pase bat baliatuta.
Batak eta besteak aukera ugari izan dituzte norgehiagokaren azken partean, baina ez dute asmatu, eta, ondorioz, berdinduta bukatu dute Sadarren.
Fitxa teknikoa:
1 - Osasuna: Juan Perez; Nacho Vidal, Unai Garcia, David Garcia, Clerc; Juan Villar (Xisco, 66. min), Oier, Iñigo Perez, Ruben Garcia; David Rodriguez (Imanol Garcia, 57. min) eta Roberto Torres (Brandon, 80. min).
1 - Elx: Jose Juan; Tekio, Neider, Gonzalo Verdu, Manu; Xavi Torres; Josan (Benja, 81. min), Javi Flores (Provencio, 21. min), Gonzalo Villar (Nino, 64. min), Ivan Sanchez; eta Sory Kaba.
Golak: 1-0, 61. min: Juan Villar. 1-1, 75. min. Sory.
Epailea: Daniel Ocon Arraiz. Txartel horiak atera dizkie Osasunako Unai Garciari eta David Garciari (53. minutuan kanporatu du, bigarren txartel horia aterata) eta Elxeko Tekio, Gonzalo Verdu eta Xabi Torres jokalariei.
Zure interesekoa izan daiteke
Osasunak 2028ra arte lotu du Mauro Echegoyen, kontratua beste bi denboraldi luzatzeko aukerarekin
Jokalariaren etete-klausula sei milioira igo dute, eta 15 milioira iritsiko da lehen taldeko kide denean. Dagoeneko Murchanteko erdilariak urrian egin zuen debuta lehen taldearekin, Sant Jordiren aurka Kopako lehen kanporaketan.
Juan Cruz: “Ohorea eta harro egoteko modukoa izan da Osasunaren armarria defendatzea”
Atzelari madrildarrak Nafarroako kluba utzi du, azken sei denboraldiak Iruñean eman ostean. Agur esatean, nabarmendu du 2023ko Errege Kopako finala dela haren oroitzapenik bereziena, eta, halaber, taldekideekin eta Taxoaren egunero-egunero bizi izandakoa.
Braulio Vazquez: “Uste dut pizgarri bat behar genuela, katarsi bat"
"Ez dut barkamenik eskatuko 8 urtez lehen mailan mantentzeagatik, nortzuk garen jakin behar dugu. Ez dakit zenbat aldiz entzun dudan anbizio falta dagoela", aurpegiratu du kirol zuzendari gorritxoak denboraldi amaierako prentsaurrekoan. Bestalde, Kike Barja kapitainaren kontratu berritzea % 99ra itxitzat jo du.
Juan Cruzek ez du Osasunan jarraituko
Atzelariak sei denboraldi eman ditu Nafarroako klubean; Elxetik iritsi zen bertara. 164 partida jokatu ditu talde gorritxoan: “Bere lehen denboralditik, taldekideen eta zaleen errespetua eta maitasuna bereganatu zituen, eta balioak defendatzen jakin izan du”, nabarmendu du Iruñeko klubak.
Alessio Liscik Osasunako entrenatzailea izateari utzi dio
Nafarroako klubak astelehenean iragarri du italiarrak ez duela jarraituko taldea zuzentzen; Liscik beste urtebeterako kontratua zuen, Osasunarekin.
Catena: “Ez da izan espero genuen bezala, ezta nahi genuen bezala ere, baina Lehen Mailan gaude"
Osasunako jokalariak salbazioa lortu ondoren hitz egin du, nahiz eta Getaferen aurka galdu (1-0) EA Sports Ligako azken jardunaldian. Kritiko agertu da denboraldi amaieragatik, batez ere atzetik datozenei eragindako "sufrimenduagatik".
Osasunak galdu egin du Getaferen aurka, baina Lehen Mailan jarraituko du (1-0)
Porrotaren ondoren, aurkari zuzenen emaitzen zain geratu dira. Gironaren eta Elxeren arteko berdinketak mesede egin dio talde nafarrari, horri esker beste urtebetez Lehen Mailan jarraituko baitu.
Lisci: “Taldea zelaian hilko da”
Alessio Lisci Osasunako entrenatzaileak autokritika egin du eta adierazi du gaizki egin zutela pentsatuz 42 puntu bilduta nahikoa zela mailari eusteko. Edonola ere, taldea ondo dagoela eta Getaferen aurkako “finalean” gorritxoek dena emango dutela ziurtatu du.
Zer behar du Osasunak mailari eusteko?
Osasunak ez dauka ziurtatuta lehen mailan jarraitzea, eta Getaferen etxean jokatuko du ligako azken partida. Jose Bordalasen taldeak, berriz, Conference Ligan sartzea izango du lehian.
Ateak irekita entrenatuko du Osasunak ostiralean, Sadarren, 18:00etan, Getaferen aurkako partida erabakigarriaren aurretik
Osasunaren zaleek talde nafarrari bultzada emateko aukera izango dute, Coliseum estadioan jokatuko den partidaren bezperan; talde gorritxoak EA Sports Ligan eustea bilatuko du.