Eibarrek ezin izan du Elxen aurka (0-1), eta Errege Kopatik kanpo gelditu da
Adam Boayar Elxeko jokalariak egin du, 27. minutuan, final-hamaseirenetako kanporaketan erabakigarria izan den gola, Ipuruan. 71. minutuan, Dituro atezainak penalti bat gelditu dio Jose Corpasi.
Adu Ares eta John Donald, partidako jokaldi batean. Argazkia: EFE.
Eibar 2025-2026 denboraldiko Errege Kopatik at gelditu da, final-hamaseirenetan, asteartean. Beñat San Joseren taldeak ezin izan du final-zortzirenetara aurrera egin, Elxen aurka galdu dutelako, 0-1, Ipuruan; hala, Elx hurrengo kanporaketarako sailkatu da, eta euskal taldea txapelketatik kanpo gelditu da.
Adam Boayar Elxeko jokalariak, 27. minutuan, kanporaketan erabakigarria izan den gola sartu du; jokaldi horretan, Luis Lopezek, Eibarreko atezaina bera, ez du asmatu pasea ematean, eta Adamek, adi-adi, baloia lapurtu du, eta sareetara bidali. Bigarren zatian, 71. minutuan, Gipuzkoako taldeak gol-aukera bikaina izan du berdintzeko; izan ere, Jose Corpasi penaltia egin diote, eta Corpasek berak jaurti du hori, baina Dituro atezainak geldiketa bikaina egin du.
Eder Sarabiak entrenatzen duen Lehen Mailako Elx taldea aurkari, Eibarren hamaikakoan Ligan minutu gutxiago dituzten hainbat jokalari sartu dira. Armaginek gogotsu jokatu dute, eta, bereziki bigarren zatian, jokoaren kontrola izan dute; azken finean, baina, arestian aipatutako bi jokaldi horiek ekarri dute emaitza: Luis Lopezek Elxen golaren jokaldian egindako akatsa, eta Corpasek sartu ezin izan duen penaltia.
Hala, Eibarrek Ligako hurrengo jokaldia du jomugan; ostiralean, berriro ere Ipuruan, Valladolid izango du aurkari, 20:30ean, guztiz gakoa izan ahal den norgehiagokan.
Fitxa teknikoa
0 - Eibar: Luis Lopez, Alvaro Rodriguez (Corpas, 68. m), Arambarri, Marco Moreno, Arrillaga, Toni Villa (Mada, 68. m), Olaetxea (Sergio Alvarez, 68. m), Aleix Garrido, Adu Ares (Hugo Garcia, 82. m), Magunazelaia (Marton, 76. m) eta Bautista.
1 - Elx: Dituro, Alvaro, Houary (Fort, 63. m), Mendoza (Aguado, 73. m), Boayar (Santiago, 73. m), Redondo, Petrot, Pedrosa, Diaby (Affengruber, 82. m), Josan Fernandez (Neto, 63. m) eta Donald.
Gola: 0-1, 28. m, Adam Boayar.
Epailea: Alejandro Quintero (Andaluzia).
Nabarmentzekoa: 2.426 zale izan dira Ipuruan.
Zure interesekoa izan daiteke
Eibarrek porrota jaso du Deportivoren aurka eta etxetik kanpo irabazi gabe jarraitzen du
Talde armaginak gol bakarragatik galdu du Riazorren, eta bere zelaitik urrun oraindik partidarik irabazi ez duen bigarren mailako talde bakarra da.
Xeber Alkainek Eibar utzi du eta FK Karpaty Lviv talde ukrainarrarekin sinatu du
Futbolari gipuzkoarrak denboraldi eta erdi baino gehiagoz jokatu du Eibarren; 2024ko udan iritsi zen talde armaginera, Alavesetik, eta Eibarreko taldearekin 48 partida ofizial jokatu ditu.
Arene Altonaga: "Urteko azkeneko derbia da, eta motibazio handiarekin eta irabazteko gogoekin gaude"
F Moeve Ligako 21. jardunaldian, Eibarren eta Athleticen arteko derbia igande honetan jokatuko da, 12:00etan. EITBk ETB2n eta kirolakeitb.com bidez emango du partidaren berri. Eibar jaitsierarekiko daukan puntu tartea babesten saiatuko da.
Juan Bernat, SD Eibarreko jokalari berria: "Futbolaria naizela sentitu nahi dut berriro, eta Eibarrek aukera hori eman dit"
SD Eibarrek Juan Bernat aurkeztu du, eta pubalgiarako bigarren ebakuntza egin ostean libre ailegatu da. Atzelari valentziarrak zelaietara itzultzeko gogoa azpimarratu du, nahiz eta oraindik "aste eta erdi" behar duen.
Eibarrek garaipen epikoa lortu du gola luzapenean sartuta (2-1)
Javier Martonen eta Alvaro Rodriguezen golei esker, armaginek markagailua irauli dute Racing liderraren aurka.
Bartzelona gehiegi izan da Eibarrentzat (4-0)
Eibarrek 4-0 galdu du Bartzelona liderraren etxean F Moeve Ligako 20. jardunaldian. Lehen zatian 3-0 aurreratu dira etxekoak, eta bigarren zatiko aldaketek ez dute eraginik izan. Irene Paredesek 4-0ekoa sartu du.
Juan Bernat, SD Eibarren fitxaketa berria
Talde armaginak denboraldi bukaerara arte itxi du hegaleko valentziarraren kontratua. Ondoren, jarraitzeko aukera izango du.
Eibarrek puntu bat atera du Zaragozatik, partida kaskarra egin arren (1-1)
Armaginek etxetik kanpo garaipenik lortu gabe jarraitzen dute denboraldi honetan. Bi golak Yamiqek egin ditu, bat bere atean, eta horrez gain txartel gorria ere ikusi du partidaren amaieran.
Eibarrek laugarren porrota jarraian jaso du Granadaren aurka 0-2 galduta
Eibarrek 0-2 galdu du Granadaren aurka F Moeve ligako 19. jardunaldian. Jaitsierako postuak urrun badituzte ere, porrot hau ere zenbatuta, armaginek azken lau partidak galdu dituzte.
Eibarrek eta Udinesek Leo Butaren lagapenari amaiera ematea adostu dute
Ezker hegaleko portugaldarra 2025eko udaran ailegatu zen Eibarrera, eta 15 partida ofizial jokatu ditu talde armaginean.