Eibarrek bere lehendabiziko puntua lortu du Malagan (1-1)
Eibarrek 1-1 bukatu du Malagaren etxean jokatu duen Hypermotion Ligako lehen jardunaldiko partida. Armaginak Javier Martonek sartutako golari esker aurreratu dira markagailuan, baina baloia atzetik ateratzerakoan huts egin dute gero, eta Malagak akats hori baliatu du markagailua berdintzeko.
Eibar hainbat bajarekin heldu da La Rosaleda estadiora, baina, hala ere, ohiko maila eman du, eta defentsa lanetan sendo aritu da. Lehen zatian, etxeko taldea izan da nagusi, baina azken metroetan ez dira fin ibili. Gainera, Jonmi Magunagoitiak pare bat geldiketa erabakigarri egin ditu atsedenaldia heldu baino lehen.
Bigarren zatian, hasierako estrategiari eutsi diote armaginek: atzean irmo egotea eta gola egiteko aukera txikiena ondo baliatzea. Abagunea 52. minutuan iritsi da, korner batean. Aleix Garridok erdiratu du eta Javier Martonek bidali du baloia sarera, errematea area txikitik eginda.
Gol horrek min handia egin dio Malagari, ordura arte partida kontrolpean izan duelako, eta asko kostatu zaio jokoan berriro sartzea. Alabaina, Peru Nolaskoainek huts egin du baloia atzetik ateratzerakoan, eta akats hori ondo aprobetxatu du Adrian Niñok area kanpotik jaurtiketa eginez Magunagoitia gainditzeko eta, ondorioz, markagailuan 1-1ekoa jartzeko.
25 minutu gelditzen ziren aurretik, eta Malaga saiatu da emaitza iraultzen. Eibarrek, berriz, Andaluziako taldeak atzealdean utzitako espazioak erabili ditu, kontraerasoan bigarrena sartzen ahalegintzeko. Batak ez besteak ez dute helburua lortu, eta neurketa 1-1 bukatu da azkenean.
FITXA TEKNIKOA
1 - Malaga: Alfonso Herrero; Puga (Murillo, 46. min), Alex Pastor, Montero, Víctor García (Dani Sánchez, 82. min); Larrubia, Izan Merino, Luismi Sánchez (Dani Lorenzo, 21. min), Lobete (Chupete, 56. min); Dotor (Joaquín, 56. min) eta Adrian Niño (Rafa Rodriguez, 90. min).
1 - Eibar: Magunagoitia; Cubero, Marco Moreno, Arbilla (Arambarri, 90. min), Buta (Arrillaga, 84. min); Corpas (Alvaro Rodríguez, 84. min), Nolaskoain, Aleix Garrido (Sergio Álvarez, 75. min), Magunazelaia; Guruzeta (Alkain, 84. min) eta Marton (Javi Martinez, 75. min).
Golak: 0-1, 52. min: Marton. 1-1, 64. min: Adrian Niño.
Epailea: Saul Ais Reig. Txartel horia atera die Malagako Pastorri eta Joaquini, eta Eibarko Corpasi eta Cuberori.
Zure interesekoa izan daiteke
Hirugarren porrota jarraian jaso du Eibarrek (1-2)
Bigarren zati osoan zehar Eibar partidaren agintea hartzen saiatu da markagailuari buelta emateko, baina ez da posible izan eta hirugarren porrota jarraian jaso du.
Altonagaren golak garaipena eman dio Eibarri Logroñon (0-1)
Eibarrek 0-1 gainditu du Logroño F Moeve Ligako 13. jardunaldian. Arene Altonagak sartu du armaginei garaipena eman dien gola.
Pontevedra-Eibar Errege Kopako norgehiagokaren laburpena (0-3)
Eibarrek partida serioa egin du Pontevedran eta Errege Kopako final-hamaseirenetarako sailkapena lortu du. Javi Martonek, Corpasek eta Magunazelaiak egin dituzte Beñat San Joseren taldearen golak.
Eibarrek partida serio eta eraginkorra egin du Pontevedran, Kopan sailkapena lortzeko (0-3)
Javi Martonek, Corpasek eta Magunazelaiak egin dituzte Beñat San Joseren taldearen golak. Galiziako futbol-zelaiaren baldintzetara egokitzen jakin dute armaginek.
Eibarrek jipoia jaso du Santanderren (4-0)
Armaginak ez dira Racingen maila berdintzeko gai izan, eta jaitsiera postuetan jarraitzen dute.
Eibarrek denboraldiko kontuak onartu ditu botoen % 88,2rekin
Batzarrean 899 akziodun izan dira, aurrez aurre edo telematikoki parte hartu dutenak. Horiek 16.463 akzio ordezkatu dituzte, hau da, % 35,6.
Eibarrek Zaragoza azken sailkatuaren aurka galdu du Ipuruan (1-2)
Armaginak aurreratu dira markagailuan, Peru Nolaskoainek sartutako golari esker, baina Zaragozak emaitza irauli du, 27. minututik jokalari bat gutxiagorekin aritu bada ere.
Eibarrek puntu bat eskuratu du Sportingen aurka (1-1)
Talde armaginak Molinonen eten nahi zuen etxetik kanpoko bolada txarra, baina 1-1eko emaitzarekin konformatu behar izan du. Partidako golegileak Jose Corpas (Eibar) eta Jonathan Dubasin (Sporting) izan dira, azken hori penaltiz.
Eibarrek penaltiei esker garaitu du Albacete (3-2)
Talde armaginak garaipena behar zuen, eta birritan irauli behar izan du markagailua, baina gaur hiru puntuak etxean geratu dira.
Adu Aresi ebakuntza egingo diote ezker belaunean eta Albaceteren aurkako lehia galduko du
Eibarreko aurrelaria ebakuntza gelara eramango dute ostegun honetan, Donostian, ezker belaunean dituen molestiak tratatzeko.