Eibarrek garaipena lortu du azken sailkatua den Cartajenaren aurka (0-2)
Eibarrek Cartagena Hypermotion Ligako azken sailkatuari egindako bisita aprobetxatu du bolada txarrari amaiera emateko, eta hiru puntu garrantzitsu lortu ditu Pascualek eta Cuñatek (bere atean) sartutako golei esker.
Neurketako lehen aukera argia 11. minutuan iritsi da, etxekoen aldetik. Alex Millanek ez du Jon Mikel Magunagoitiaren aurreko aukera aprobetxatu, baina penaltia eskatu dute. Erantzuna Jon Bautistak eman du, area kanpotik egindako jaurtiketa batekin. 24. minutuan, Jorge Pascualek jarri ditu gipuzkoarrak aurretik, Bautistak berak emandako pase ona baliatuta (0-1).
Hiru minutu geroago, 0-2koa iritsi da, Sergio Cuberok sartutakoa, buruz oztopo handirik gabe errematatuz, Matheus Pereirak ateratako korner baten ondoren. Hala ere, baloiak Cuñate atezaina jo du sare barrura sartu aurretik.
Atsedenaldiaren ostean, Pablo Camposek 0-3koa eragotzi du, Alkainen jaurtiketa geldituta. Alkain bera punteriarik gabe ibili da handik gutxira, eta Bautista taldekideak Camposekin egin du topo. Bi gol jaso arren, Campos izan da, berriro, etxeko taldean onena. 92. minutuan, partidako azken aukeran, Kiko Olivasek langara bidali du baloia.
Fitxa teknikoa:
0.- Cartagena: Pablo Campos; Aguirregabiria (Delmas, 46. min), Sipcic, Kiko Olivas, Nacho Martinez; Ndiaye, Pepin Machín (Andy Rodriguez, 46. min), Oscar Clemente; Rafa Nuñez (Alfredo Ortuño, 82. min), Dani Escriche (El Jebari, 61. min) eta Alex Millán (Daniel Luna, 46. min).
2.- Eibar: Magunagoitia; Sergio Cubero, Arnau Comas, Arbilla, Cristian Gutierrez (Arrillaga, 80. min); Sergio Alvarez, Matheus Pereira (Madariaga, 80. min), (Carrasco, m.89), Corpas, Alkain (Jon Guruzeta, 89. min); Jorge Pascual (Antonio Puertas, 61. min) eta Jon Bautista.
Golak: 0-1, 24. min: Jorge Pascual. 0-2, 27. min: Sergio Cubero.
Epailea: Marta Huerta de Aza. Txartel horia atera die Dani Escriche, El Jebari eta Ndiaye jokalariei.
Zure interesekoa izan daiteke
Eibarrek laugarren garaipena jarraian lortu du Ceutaren aurka (3-0)
Armaginek zazpi jardunaldi jarraian daramatzate puntuak lortzen, eta play-off postuak lortzeko lehian sartu dira.
Eibarrek amaiera eman dio bolada txarrari, Costa Adeje Teneriferen aurka puntu garrantzitsua lortuta (0-0)
Eibarrek balio handiko puntua bereganatu du gaur Costa Adeje Tenerife ligako laugarren sailkatuaren aurka, defentsan talde lan bikaina eginda. Horrenbestez, armaginek bederatzi porroteko bolada txarra eten dute, eta horrek lasaitasuna emango die hurrengo neurketei konfiantza gehiagorekin aurre egiteko.
Anaitz Arbilla: “Taldea prest dago osteguneko partidari aurre egiteko"
Anaitz Arbillak prentsaurrekoa eman du ostegunean Sanseren aurka jokatuko duen partidari begira taldea nola dabilen azaltzeko. Jokalari nafarrak taldeak azkeneko boladan izan duen hobekuntza nabarmendu du.
Eibar igotzeko postuetara begira jarri da, Las Palmas garaituta (3-1)
Kanarietako taldearena izan da baloiaren jabetza, baina armaginak askoz eraginkorragoak izan dira areatan. Javi Marton funtsezkoa izan da garaipena lortzeko, bi gol sartu baititu.
Burua altxatu ezinik segitzen du Eibarrek (2-1)
Eibarrek 2-1 galdu du Deportivoren aurka Coruñan jokatu duen partida, Iara Lacostak egin duen golari esker markagailuan aurreratu bada ere. Horrenbestez, bederatzigarren porrota jarraian jaso dute armaginek.
Eibarrek burua altxatu ezinik jarraitzen du, Real Madrilen aurka ere galdu du eta (0-1)
Eibarrek 0-1 galdu du Real Madrilen aurka, F Moeve Ligako 23. jardunaldian, etxean. Eibarrek etxean jokatutako 11 partidatan bost gol besterik ez ditu sartu, eta Real Madrilen aurkako partidarekin zortzigarren porrota jasan du jarraian.
Eibarrek play-offekin amesten jarraitzen du Andorra mendean hartu ostean (0-1)
Eibarrek bigarren garaipena jarraian lortu du etxetik kanpo, Andorrari 0-1 irabazita, Peru Nolaskoainen golari esker. Talde armaginak zortzi partida kateatu ditu galdu gabe, eta igotzeko play-offean postu bat lortzeko aukerak ditu oraindik.
Eibarrek zazpigarren porrota jaso du jarraian, Espanyolen aurka, Bartzelonan (2-0)
Dinamika txarra izan arren, talde armaginak 17 punturekin jarraitzen du sailkapenean, Alhamak mugatutako jaitsiera postuetatik zortzi puntura.
Eibarrek etxeko bolada eten du, Burgosen aurka golik gabe berdinduta (0-0)
Armaginek gola egiteko aukera argiak izan dituzte, baina ezin izan dute Burgosen atea zulatu.
Eibarrek madarikazioa hautsi eta denboraldiko lehen garaipena lortu du etxetik kanpo (0-1)
Eibarrek denboraldiko lehen garaipena lortu du, Leganesen aurka 0-1 irabazita, Peru Nolaskoainen golari esker.