Eibarrek entrenatzaile kargutik kendu du Joseba Etxeberria
Joseba Etxeberria entrenatzaile gipuzkoarrak ez du Eibar zuzentzen jarraituko, talde armaginak ekainaren 30era arte zuen kontratua etetea erabaki ondoren, igande honetan iragarri duenez. Azken 15 urteetan Eibarrek kargutik kendu duen lehen entrenatzailea da.
Horrela, Elgoibarko teknikariak Ipuruako taldearen gidaritzan egoteari utzi dio, aurreko denboraldian heldu ondoren.
Eibar 17. postuan dago Hypermotion Ligako sailkapenean, 27 jardunalditan 33 puntu lortu ondoren. Denboraldi honetan, 9 garaipen, 6 berdinketa eta 12 porrot izan ditu Ligan, eta Logroñesek kanporatu zuen Errege Kopan.
Kargugabetzearen berri izan ondoren, entrenatzaile gipuzkoarrak X sare sozialean adierazi duenez, "pena handia" hartu du erabakiaren berri jaso duenean, "baina onartu beharra" dago. "Aurten ez dira gauzak ondo atera", esan du Etxeberriak.
Eibar taldeko entrenatzaile bezala, 75 partida ofizialetan zuzendu du talde armagina Joseba Etxeberriak. Karguan eman zuen aurreneko denboraldian, Lehen Mailara igotzeko fasea jokatu zuen Eibarrek, baina lehen kanporaketan gelditu zen lehiatik at, Oviedo aurkari. Bigarren denboraldi honetan, 2023-24an izandako hainbat jokalari garrantzitsuk taldea utzi ostean, Eibarri askoz ere gehiago ari zaio kostatzen golak sartzea, eta, horrez gain, jokalari batzuk ez dabiltza iaz bezain ondo.
Hori dela eta, Eibarrek atzera egin du sailkapenean. Eldensek igandean irabazi ostean, Eibarrek bost puntura du jaitsierako lehenengo postuan dagoen taldea.
Zure interesekoa izan daiteke
Eibarrek laugarren garaipena jarraian lortu du Ceutaren aurka (3-0)
Armaginek zazpi jardunaldi jarraian daramatzate puntuak lortzen, eta play-off postuak lortzeko lehian sartu dira.
Eibarrek amaiera eman dio bolada txarrari, Costa Adeje Teneriferen aurka puntu garrantzitsua lortuta (0-0)
Eibarrek balio handiko puntua bereganatu du gaur Costa Adeje Tenerife ligako laugarren sailkatuaren aurka, defentsan talde lan bikaina eginda. Horrenbestez, armaginek bederatzi porroteko bolada txarra eten dute, eta horrek lasaitasuna emango die hurrengo neurketei konfiantza gehiagorekin aurre egiteko.
Anaitz Arbilla: “Taldea prest dago osteguneko partidari aurre egiteko"
Anaitz Arbillak prentsaurrekoa eman du ostegunean Sanseren aurka jokatuko duen partidari begira taldea nola dabilen azaltzeko. Jokalari nafarrak taldeak azkeneko boladan izan duen hobekuntza nabarmendu du.
Eibar igotzeko postuetara begira jarri da, Las Palmas garaituta (3-1)
Kanarietako taldearena izan da baloiaren jabetza, baina armaginak askoz eraginkorragoak izan dira areatan. Javi Marton funtsezkoa izan da garaipena lortzeko, bi gol sartu baititu.
Burua altxatu ezinik segitzen du Eibarrek (2-1)
Eibarrek 2-1 galdu du Deportivoren aurka Coruñan jokatu duen partida, Iara Lacostak egin duen golari esker markagailuan aurreratu bada ere. Horrenbestez, bederatzigarren porrota jarraian jaso dute armaginek.
Eibarrek burua altxatu ezinik jarraitzen du, Real Madrilen aurka ere galdu du eta (0-1)
Eibarrek 0-1 galdu du Real Madrilen aurka, F Moeve Ligako 23. jardunaldian, etxean. Eibarrek etxean jokatutako 11 partidatan bost gol besterik ez ditu sartu, eta Real Madrilen aurkako partidarekin zortzigarren porrota jasan du jarraian.
Eibarrek play-offekin amesten jarraitzen du Andorra mendean hartu ostean (0-1)
Eibarrek bigarren garaipena jarraian lortu du etxetik kanpo, Andorrari 0-1 irabazita, Peru Nolaskoainen golari esker. Talde armaginak zortzi partida kateatu ditu galdu gabe, eta igotzeko play-offean postu bat lortzeko aukerak ditu oraindik.
Eibarrek zazpigarren porrota jaso du jarraian, Espanyolen aurka, Bartzelonan (2-0)
Dinamika txarra izan arren, talde armaginak 17 punturekin jarraitzen du sailkapenean, Alhamak mugatutako jaitsiera postuetatik zortzi puntura.
Eibarrek etxeko bolada eten du, Burgosen aurka golik gabe berdinduta (0-0)
Armaginek gola egiteko aukera argiak izan dituzte, baina ezin izan dute Burgosen atea zulatu.
Eibarrek madarikazioa hautsi eta denboraldiko lehen garaipena lortu du etxetik kanpo (0-1)
Eibarrek denboraldiko lehen garaipena lortu du, Leganesen aurka 0-1 irabazita, Peru Nolaskoainen golari esker.