Pascualek garaipenaren bidera itzuli du Eibar (2-0)
Eibarrek 2-0 irabazi dio Racing Ferroli larunbat honetan Ipuruan jokatu den Hypermotion Ligako 15. jardunaldiko partida. Jorge Pascualen bi golek eten dute armaginen bolada txarra, lau porrot jarraian baitzeramatzaten: hiru Ligan eta bat Kopan.
Lehen abagunea 13. minutuan iritsi da, Antonio Puertasen erremate batekin. Handik gutxira, Corpasek aurreratuegi ikusi du Jesus Ruiz, eta urrutitik jaurtiz ezustean harrapatzen saiatu da, baina atezainak arazorik gabe harrapatu du baloia.
Bautista eta Jorge Pascual ere lehen gola egiten saiatu dira. Markagailua mugitu gabe amaitu du lehen erdia.
Atsedenalditik bueltan, baina, Eibarren lehenengoa iritsi da. Jorge Pascual golegile gisa estreinatu da armaginekin 46. minutuan, area erditik sare barrura bidali duen erremate batekin (1-0).
Racing Ferrolen erreakzio saiakera txiki bat egon da Fran Manzanararen urrutiko jaurtiketa altu batekin, baina hurrengo jokaldian Pascualek 2-0ekoa sartu du, Bautistak jokaldi landu bat egin ondoren.
Eibarren bi goleko aldea behin betikoa izan da Racing Ferrolen aurka, 78. minutuan soilik sortu baitu benetako arriskua Alvaro Gimenezen bidez.
Fitxa teknikoa:
2 - Eibar: Magunagoitia, Corpas, Carrillo (Chema Rodriguez, 55. min), Arambarri, Arrillaga, Sergio Alvarez, Nolaskoain, Guruzeta (Alkain, 67. min), Pascual (Slavy, 88. min), Puertas (Merquelanz, 88. min) eta Bautista (Mada, 69. min).
0 - Racing Ferrol: Jesus Ruiz, Aitor Buñuel, Puric (David Castro, 46. min), Naldo, Brais (Moi Delgado, 46. min), Delmás (Señe, 63. min), Manzanara (Nacho, 80. min), Alvaro Sanz, Dorrio, Chiki (Alvaro Gimanez, 63. min) eta Jauregi.
Golak: 1-0, 46. min: Pascual. 2-0, 67. min: Pascual.
Epailea: Marta Huerta de Aza. Txartel horia atera die Corpas, Castro eta Chema Rodriguez jokalariei.
Zure interesekoa izan daiteke
Eibarrek laugarren garaipena jarraian lortu du Ceutaren aurka (3-0)
Armaginek zazpi jardunaldi jarraian daramatzate puntuak lortzen, eta play-off postuak lortzeko lehian sartu dira.
Eibarrek amaiera eman dio bolada txarrari, Costa Adeje Teneriferen aurka puntu garrantzitsua lortuta (0-0)
Eibarrek balio handiko puntua bereganatu du gaur Costa Adeje Tenerife ligako laugarren sailkatuaren aurka, defentsan talde lan bikaina eginda. Horrenbestez, armaginek bederatzi porroteko bolada txarra eten dute, eta horrek lasaitasuna emango die hurrengo neurketei konfiantza gehiagorekin aurre egiteko.
Anaitz Arbilla: “Taldea prest dago osteguneko partidari aurre egiteko"
Anaitz Arbillak prentsaurrekoa eman du ostegunean Sanseren aurka jokatuko duen partidari begira taldea nola dabilen azaltzeko. Jokalari nafarrak taldeak azkeneko boladan izan duen hobekuntza nabarmendu du.
Eibar igotzeko postuetara begira jarri da, Las Palmas garaituta (3-1)
Kanarietako taldearena izan da baloiaren jabetza, baina armaginak askoz eraginkorragoak izan dira areatan. Javi Marton funtsezkoa izan da garaipena lortzeko, bi gol sartu baititu.
Burua altxatu ezinik segitzen du Eibarrek (2-1)
Eibarrek 2-1 galdu du Deportivoren aurka Coruñan jokatu duen partida, Iara Lacostak egin duen golari esker markagailuan aurreratu bada ere. Horrenbestez, bederatzigarren porrota jarraian jaso dute armaginek.
Eibarrek burua altxatu ezinik jarraitzen du, Real Madrilen aurka ere galdu du eta (0-1)
Eibarrek 0-1 galdu du Real Madrilen aurka, F Moeve Ligako 23. jardunaldian, etxean. Eibarrek etxean jokatutako 11 partidatan bost gol besterik ez ditu sartu, eta Real Madrilen aurkako partidarekin zortzigarren porrota jasan du jarraian.
Eibarrek play-offekin amesten jarraitzen du Andorra mendean hartu ostean (0-1)
Eibarrek bigarren garaipena jarraian lortu du etxetik kanpo, Andorrari 0-1 irabazita, Peru Nolaskoainen golari esker. Talde armaginak zortzi partida kateatu ditu galdu gabe, eta igotzeko play-offean postu bat lortzeko aukerak ditu oraindik.
Eibarrek zazpigarren porrota jaso du jarraian, Espanyolen aurka, Bartzelonan (2-0)
Dinamika txarra izan arren, talde armaginak 17 punturekin jarraitzen du sailkapenean, Alhamak mugatutako jaitsiera postuetatik zortzi puntura.
Eibarrek etxeko bolada eten du, Burgosen aurka golik gabe berdinduta (0-0)
Armaginek gola egiteko aukera argiak izan dituzte, baina ezin izan dute Burgosen atea zulatu.
Eibarrek madarikazioa hautsi eta denboraldiko lehen garaipena lortu du etxetik kanpo (0-1)
Eibarrek denboraldiko lehen garaipena lortu du, Leganesen aurka 0-1 irabazita, Peru Nolaskoainen golari esker.