Barakaldo Errege Kopako bigarren kanporaketarako sailkatu da, Lleida menderatuta (1-3)
Barakaldo 2024-25 denboraldiko Errege Kopako bigarren kanporaketarako sailkatu da, eta Eibar, Beasain eta Cortes txapelketatik kanpo gelditu dira, asteazkenean. Hain zuzen ere, Kopako aurreneko kanporaketan, Barakaldok Lleida utzi du at, Camp d'Esportsen 1-3 gailenduta; Eibarrek Logroñesen aurka galdu du, 1-0, luzapenean, Las Gaunasen; Beasainek ezin izan du Cartagenarekin, Loinazen (0-1), eta Cortes, Ciudad de Tudelan, Granadaren aurka galdu du, 0-2.
Testuinguru horretan, Camp d'Esportsen, Barakaldok Lleida kanporatu du, Kataluniako taldea 1-3 mendean hartuta. Adrian Revillak 0-1 sartu du (37. min), eta Pablo izan da golegilea 0-2koan (65. min); Lleidak, lau minuturen buruan, 1-2koa egin du, eta bazirudien euskal taldea sailkatzea kolokan egon zitekeela, baina 82. minutuan, berriro ere Pablok sartuta, Barakaldok 1-3koa egin eta kanporaketa erabakita utzi du.
Las Gaunasen, Eibar, Pol Arnauk luzapenean sartutako gol batengatik, Kopatik kanpo gelditu da, 1-0 galduta, Logroñes aurkari. Araututako azken jokaldian, alegia, luzapenaren aurretik, Joseba Etxeberriaren gizonek oso gertu izan dute, korner batean, sailkatzea emango zien gola, baina baloia ez da sartu, eta luzapenean, Logroñesen aldeko korner batean, Pol Arnauk baloia jaso eta sareetara bidali du.
Loinazen, Beasainek galdu egin du, 0-1, Cartagenaren aurka. Gipuzkoako taldeak partidako azken minutuan jaso du Kopatik at utzi zuen gola; hain zuzen, Luis Muñozek sartu du, buruz, Cartagenari hurrengo txandarako txartela eman dion gola.
Ciudad de Tudela futbol zelaian, Cortesek ezin izan du Granada kanporatu; Nafarroako taldeak 0-2 galdu egin du. Weissmanek sartu du Granadaren aurreneko gola, eta Salasek bigarrena egin du, bere atean. Hori dela eta, Cortes ez da Kopako bigarren kanporaketako zozketan izango.
Ondorioz, orain arte jokatutako kanporaketak kontuan izanik eta euskal taldeak aztergai, Alaves eta Barakaldo izango dira hurrengo zozketa horretan. Chiclana-Osasuna eta Jove Español-Reala kanporaketak atzeratu egin dituzte, euri denboraleagatik, eta ostegunean Tudelano-Deportiva Minera eta Barbastro-Amorebieta kanporaketak jokatuko dituzte. Athletic hurrengo kanporaketan sartuko da lehian, final hamaseirenetan, Superkopan parte hartuko baitu.
Zure interesekoa izan daiteke
Eibarrek porrota jaso du Deportivoren aurka eta etxetik kanpo irabazi gabe jarraitzen du
Talde armaginak gol bakarragatik galdu du Riazorren, eta bere zelaitik urrun oraindik partidarik irabazi ez duen bigarren mailako talde bakarra da.
Xeber Alkainek Eibar utzi du eta FK Karpaty Lviv talde ukrainarrarekin sinatu du
Futbolari gipuzkoarrak denboraldi eta erdi baino gehiagoz jokatu du Eibarren; 2024ko udan iritsi zen talde armaginera, Alavesetik, eta Eibarreko taldearekin 48 partida ofizial jokatu ditu.
Arene Altonaga: "Urteko azkeneko derbia da, eta motibazio handiarekin eta irabazteko gogoekin gaude"
F Moeve Ligako 21. jardunaldian, Eibarren eta Athleticen arteko derbia igande honetan jokatuko da, 12:00etan. EITBk ETB2n eta kirolakeitb.com bidez emango du partidaren berri. Eibar jaitsierarekiko daukan puntu tartea babesten saiatuko da.
Juan Bernat, SD Eibarreko jokalari berria: "Futbolaria naizela sentitu nahi dut berriro, eta Eibarrek aukera hori eman dit"
SD Eibarrek Juan Bernat aurkeztu du, eta pubalgiarako bigarren ebakuntza egin ostean libre ailegatu da. Atzelari valentziarrak zelaietara itzultzeko gogoa azpimarratu du, nahiz eta oraindik "aste eta erdi" behar duen.
Eibarrek garaipen epikoa lortu du gola luzapenean sartuta (2-1)
Javier Martonen eta Alvaro Rodriguezen golei esker, armaginek markagailua irauli dute Racing liderraren aurka.
Bartzelona gehiegi izan da Eibarrentzat (4-0)
Eibarrek 4-0 galdu du Bartzelona liderraren etxean F Moeve Ligako 20. jardunaldian. Lehen zatian 3-0 aurreratu dira etxekoak, eta bigarren zatiko aldaketek ez dute eraginik izan. Irene Paredesek 4-0ekoa sartu du.
Juan Bernat, SD Eibarren fitxaketa berria
Talde armaginak denboraldi bukaerara arte itxi du hegaleko valentziarraren kontratua. Ondoren, jarraitzeko aukera izango du.
Eibarrek puntu bat atera du Zaragozatik, partida kaskarra egin arren (1-1)
Armaginek etxetik kanpo garaipenik lortu gabe jarraitzen dute denboraldi honetan. Bi golak Yamiqek egin ditu, bat bere atean, eta horrez gain txartel gorria ere ikusi du partidaren amaieran.
Eibarrek laugarren porrota jarraian jaso du Granadaren aurka 0-2 galduta
Eibarrek 0-2 galdu du Granadaren aurka F Moeve ligako 19. jardunaldian. Jaitsierako postuak urrun badituzte ere, porrot hau ere zenbatuta, armaginek azken lau partidak galdu dituzte.
Eibarrek eta Udinesek Leo Butaren lagapenari amaiera ematea adostu dute
Ezker hegaleko portugaldarra 2025eko udaran ailegatu zen Eibarrera, eta 15 partida ofizial jokatu ditu talde armaginean.