Eibarrek Cadiz menderatu du, 1-0, Corpasen golari esker, eta gora begira dabil sailkapenean
Eibarrek irabazi egin du, 1-0, Cadizen aurka, 2024-25 denboraldiko Hypermotion Ligako hamaikagarren jardunaldian, Ipuruan, asteazkenean. Jose Corpasek sartu du Joseba Etxeberriaren taldeari garaipena eman dion gola. Hala, Eibar, txapelketan jokatutako hamaika partidetan 18 puntu lortuta, behin-behinean sailkapeneko bosgarren postuan dabil, eta puntu bakarrera ditu zuzeneko igoerako postuak.
Eibar-Cadiz (1-0): partidako laburpena
Testuinguru horretan, talde armagina merezita gailendu da; izan ere, Cadizek baino hobeto jokatu du. Bide batez, Andaluziako taldea, Eibar ez bezala, estu dabil sailkapenean, postu arriskutsuetan. Neurketan guztiz erabakigarria izan den jokaldia 31. minutuan izan da, norgehiagokako lehenengo ordu erdia bete berritan; orduan, Jose Corpas bikain sartu da eskuinaldetik, eta, erdiratu beharrean, gogor jaurti eta baloia sareetara bidali du.
Bigarren zatian, Cadizek aurrera egin du, berdinketaren bila, baina Eibar sendo aritu da, ordena izan du atzealdean, eta abantailari eutsi dio. Luzapenean, gainera, kontraeraso on batean, Jorge Pascualek aukera ederra izan du 2-0ekoa egiteko, baina errematea kanpora joan zaio. Azkenean, Joseba Etxeberriaren taldeak garaipena poltsikoratu du, eta, berriro ere, Hypermotion Ligako goiko postuetan jarri da.
Fitxa teknikoa
1 - Eibar: Fuzato, Corpas, Carrillo, Chema, Arillaga, Sergio Alvarez, Matheus, Merquelanz (Mada, 68. min), Puertas (Pascual, 56. min), Toni Villa (Alkain, 68. min) eta Bautista (Nolaskoain, 81. min).
0 - Cadiz: Caro, Zaldua, Kovacevic, Chust, Glauder, Alejo (Ocampo, 57. min), San Emeterio (Kouame, 68. min), Escalante, De la Rosa (Fernandez, 57. min), Sobrino (Melendo, 76. min) eta Chris Ramos (Ontiveros, 57. min).
Gola: 1-0, 31. min: Corpas.
Epailea: Salvador Lax (Murtzia). Eibarreko Puertas, Carrillo, Toni Villa eta Chema, eta Cadizeko De la Rosa, Ivan Alejo, Fali, Zaldua, Ontiveros eta Kouame zigortu ditu, txartel horia aterata.
Gertakizunak: 5.100 zale izan dira Ipuruan.
Zure interesekoa izan daiteke
Eibarrek laugarren garaipena jarraian lortu du Ceutaren aurka (3-0)
Armaginek zazpi jardunaldi jarraian daramatzate puntuak lortzen, eta play-off postuak lortzeko lehian sartu dira.
Eibarrek amaiera eman dio bolada txarrari, Costa Adeje Teneriferen aurka puntu garrantzitsua lortuta (0-0)
Eibarrek balio handiko puntua bereganatu du gaur Costa Adeje Tenerife ligako laugarren sailkatuaren aurka, defentsan talde lan bikaina eginda. Horrenbestez, armaginek bederatzi porroteko bolada txarra eten dute, eta horrek lasaitasuna emango die hurrengo neurketei konfiantza gehiagorekin aurre egiteko.
Anaitz Arbilla: “Taldea prest dago osteguneko partidari aurre egiteko"
Anaitz Arbillak prentsaurrekoa eman du ostegunean Sanseren aurka jokatuko duen partidari begira taldea nola dabilen azaltzeko. Jokalari nafarrak taldeak azkeneko boladan izan duen hobekuntza nabarmendu du.
Eibar igotzeko postuetara begira jarri da, Las Palmas garaituta (3-1)
Kanarietako taldearena izan da baloiaren jabetza, baina armaginak askoz eraginkorragoak izan dira areatan. Javi Marton funtsezkoa izan da garaipena lortzeko, bi gol sartu baititu.
Burua altxatu ezinik segitzen du Eibarrek (2-1)
Eibarrek 2-1 galdu du Deportivoren aurka Coruñan jokatu duen partida, Iara Lacostak egin duen golari esker markagailuan aurreratu bada ere. Horrenbestez, bederatzigarren porrota jarraian jaso dute armaginek.
Eibarrek burua altxatu ezinik jarraitzen du, Real Madrilen aurka ere galdu du eta (0-1)
Eibarrek 0-1 galdu du Real Madrilen aurka, F Moeve Ligako 23. jardunaldian, etxean. Eibarrek etxean jokatutako 11 partidatan bost gol besterik ez ditu sartu, eta Real Madrilen aurkako partidarekin zortzigarren porrota jasan du jarraian.
Eibarrek play-offekin amesten jarraitzen du Andorra mendean hartu ostean (0-1)
Eibarrek bigarren garaipena jarraian lortu du etxetik kanpo, Andorrari 0-1 irabazita, Peru Nolaskoainen golari esker. Talde armaginak zortzi partida kateatu ditu galdu gabe, eta igotzeko play-offean postu bat lortzeko aukerak ditu oraindik.
Eibarrek zazpigarren porrota jaso du jarraian, Espanyolen aurka, Bartzelonan (2-0)
Dinamika txarra izan arren, talde armaginak 17 punturekin jarraitzen du sailkapenean, Alhamak mugatutako jaitsiera postuetatik zortzi puntura.
Eibarrek etxeko bolada eten du, Burgosen aurka golik gabe berdinduta (0-0)
Armaginek gola egiteko aukera argiak izan dituzte, baina ezin izan dute Burgosen atea zulatu.
Eibarrek madarikazioa hautsi eta denboraldiko lehen garaipena lortu du etxetik kanpo (0-1)
Eibarrek denboraldiko lehen garaipena lortu du, Leganesen aurka 0-1 irabazita, Peru Nolaskoainen golari esker.