Eibarrek jipoia eman dio Eldenseri Ipuruan (5-1)
Eibarrek 5-1 irabazi dio Eldenseri Ipuruan, eta Hypermotion Ligako sailkapenean bigarren tokian jarri da, behin-behinean, Elxek igandean jokatuko baitu Ferrolen. Joseba Etxeberriaren taldea hasieratik izan da nagusi, eta Eldensek ez du arriskurik sortu, bigarren zatiaren lehendabiziko minutuetan izan ezik.
Armaginek oso ondo jokatu dute lehen zatian, eta aurkaria mendean hartu dute. Lehendabiziko gola Ager Aketxek egin du, 8. minutuan, Pedro Capok Stoichkovi egindako penaltia sartuta.
Joseba Etxeberriaren jokalariak hasieratik izan dira nagusi partidan, eta 32. minutuan bigarren gola egiteko aukera izan du Stoichkovek, baina baloiak zutoina jo du. Eldense, bitartean, ez da gai izan Luca Zidaneren ate inguruan arriskua sortzeko, baina, edonola ere, bizirik joan da atsedenaldira.
Aldagelatik bueltan, Eibarrek berdin jarraitu du, baina Fernando Estevezen mutilek gora egin dute, eta estuasunen bat edo beste eragin diote armaginen defentsari.
Bigarren zatia parekatuago abiatu da, eta Eldensek markagailua berdintzeko aukera zuela ematen zuenean, Sergio Alvarezek lasaitasunaren gola egin du, zelaira sartu eta minutu batera.
Une horretan, partida hautsi egin da, eta Eibarren golak bata bestearen atzetik iritsi dira: Konrad de la Fuentek bi egin ditu eta Matheusen jaurtiketa baten ondotik heldu da bosgarrena.
Eldenseren ohorezko gola Chapelak sartu du, luzapenean, korner baten ostean.
FITXA TEKNIKOA
5- Eibar: Luca, Corpas (Sergio Alvarez, 71. min), Venancio, Arbilla, Cristian (Rios Reina, 46. min), Nolaskoain (Vencedor, 82. min), Matheus, Aketxe (Konrad, 71. min), Mario Soriano, Stoichkov eta Bautista (Sergio Leon, 76. min).
1- Eldense: Acevedo, Abad (Martinez, 80. min), Dumic, Hernandez, Poloni, Clemente (Jurquera, 67. min), Sergio Ortuño, Capo, Marc Mateu (Chapela, 55. min), Andone (Montes, 55. min) eta Juanto Ortuño (Dauda, 55. min).
Epailea: Germán Cid. Txartel horia atera die Cristiani eta Hernandezi. Golak: 1-0, Aketxe, penaltiz (8. min). 2-0, Sergio Alvarez (73. min). 3-0, Konrad (78. min). 4-0, Konrad (85. min). 5-0, Matheus (86. min). 5-1, Chapela (89. min).
Gertakariak: 4.113 ikusle izan dira Ipuruan.
Zure interesekoa izan daiteke
Eibarrek laugarren garaipena jarraian lortu du Ceutaren aurka (3-0)
Armaginek zazpi jardunaldi jarraian daramatzate puntuak lortzen, eta play-off postuak lortzeko lehian sartu dira.
Eibarrek amaiera eman dio bolada txarrari, Costa Adeje Teneriferen aurka puntu garrantzitsua lortuta (0-0)
Eibarrek balio handiko puntua bereganatu du gaur Costa Adeje Tenerife ligako laugarren sailkatuaren aurka, defentsan talde lan bikaina eginda. Horrenbestez, armaginek bederatzi porroteko bolada txarra eten dute, eta horrek lasaitasuna emango die hurrengo neurketei konfiantza gehiagorekin aurre egiteko.
Anaitz Arbilla: “Taldea prest dago osteguneko partidari aurre egiteko"
Anaitz Arbillak prentsaurrekoa eman du ostegunean Sanseren aurka jokatuko duen partidari begira taldea nola dabilen azaltzeko. Jokalari nafarrak taldeak azkeneko boladan izan duen hobekuntza nabarmendu du.
Eibar igotzeko postuetara begira jarri da, Las Palmas garaituta (3-1)
Kanarietako taldearena izan da baloiaren jabetza, baina armaginak askoz eraginkorragoak izan dira areatan. Javi Marton funtsezkoa izan da garaipena lortzeko, bi gol sartu baititu.
Burua altxatu ezinik segitzen du Eibarrek (2-1)
Eibarrek 2-1 galdu du Deportivoren aurka Coruñan jokatu duen partida, Iara Lacostak egin duen golari esker markagailuan aurreratu bada ere. Horrenbestez, bederatzigarren porrota jarraian jaso dute armaginek.
Eibarrek burua altxatu ezinik jarraitzen du, Real Madrilen aurka ere galdu du eta (0-1)
Eibarrek 0-1 galdu du Real Madrilen aurka, F Moeve Ligako 23. jardunaldian, etxean. Eibarrek etxean jokatutako 11 partidatan bost gol besterik ez ditu sartu, eta Real Madrilen aurkako partidarekin zortzigarren porrota jasan du jarraian.
Eibarrek play-offekin amesten jarraitzen du Andorra mendean hartu ostean (0-1)
Eibarrek bigarren garaipena jarraian lortu du etxetik kanpo, Andorrari 0-1 irabazita, Peru Nolaskoainen golari esker. Talde armaginak zortzi partida kateatu ditu galdu gabe, eta igotzeko play-offean postu bat lortzeko aukerak ditu oraindik.
Eibarrek zazpigarren porrota jaso du jarraian, Espanyolen aurka, Bartzelonan (2-0)
Dinamika txarra izan arren, talde armaginak 17 punturekin jarraitzen du sailkapenean, Alhamak mugatutako jaitsiera postuetatik zortzi puntura.
Eibarrek etxeko bolada eten du, Burgosen aurka golik gabe berdinduta (0-0)
Armaginek gola egiteko aukera argiak izan dituzte, baina ezin izan dute Burgosen atea zulatu.
Eibarrek madarikazioa hautsi eta denboraldiko lehen garaipena lortu du etxetik kanpo (0-1)
Eibarrek denboraldiko lehen garaipena lortu du, Leganesen aurka 0-1 irabazita, Peru Nolaskoainen golari esker.